بصي انتي مش غلطانة في زعلك خالص، لأن في فرق كبير بين أب وأم “بيصرفوا ويقوموا بالواجب” وبين أهل يحسسوا عيالهم بالأمان والاهتمام فعلًا. الإنسان مش بيحتاج أكل وفلوس بس، بيحتاج يحس إنه متشاف ومسموع ومحبوب. ولما الواحد يكبر وهو حاسس إن وجوده تقيل أو إن مشاعره دايمًا آخر حاجة تتفهم، طبيعي ده يسيب جواه تعب وزعل كبير. وفي نفس الوقت حاولي تبصي للصورة كاملة شوية، مش عشان تبرري لحد، بس عشان ترتاحي انتي. في ناس فعلًا الضغوط والمسؤوليات بتسحب منهم الجزء الهادي والحنين، فيبقوا فاكرين إن طالما الأساسيات موجودة يبقى كده عملوا كل اللي عليهم، ومبيبقوش منتبهين إن كلمة حلوة أو اهتمام بسيط ممكن يفرقوا جدًا مع العيال. بس الحاجة اللي لازم تفهميها كويس إن تقصيرهم العاطفي مش معناه إن فيكي حاجة ناقصة أو إنك غير مرغوب فيكي. متخليش طريقة معاملتهم تبقى هي الصورة اللي تشوفي بيها نفسك. واضح جدًا إنك واخدة بالك من إخواتك ومن الجو اللي حواليكي، وده يطلع من شخص عنده إحساس ووعي مش شخص “عبء” زي ما إحساسك أوقات بيصورلك. ومش لازم دلوقتي توصلي لمرحلة “أنا سامحت وخلاص” غصب عنك. أوقات الواحد بيحتاج الأول يعترف إنه موجوع فعلًا، وبعدها يبدأ يهدى ويفهم هو محتاج إيه وإيه اللي يريحه. أهم حاجة بس متخليش الزعل ياكل منك إحساسك بنفسك أو يخليكي تقفلي قلبك تمامًا، لأن اللي اتوجع وفهم معنى الاحتواء غالبًا بيبقى أقدر حد يديه بصدق لغيره.
العفو ي حبيبتي..والله كلامك انتي اللي اثر فيا و فرحت بجد انو كلامي فرق معاكي و لو بحاجه بسيطه..بارك الله فيكي و ربنا يحفظك و ييسرلك امورك و تلاقي الصديقه الصالحه الوفيه اللي تهون عليكي ويرزقك الزوج الصالح اللي يعوضك عن كل تعبك دا،والله بدعيلك من كل قلبي..🤍
تم النشر الجمعة، ٨ مايو ٢٠٢٦
@Aѕмora ࣪ حاضر هحاول أنا متشكرة جدا لكلامك ودعمك وكلامك فرق معايا وهحاول أشوف ال أنا فيه من منظور مختلف...هحاول برضو أحكي لصديقتي وافضفض ممكن فعلآ ارتاح لأني جبت أخري ما عندي شهية للحياة اصلا بس هحاول مش عارفه اقولك ايه بس كلامك في قلبي🤍
تم النشر الجمعة، ٨ مايو ٢٠٢٦
يا حبيبتي هون الله عليكي.. مش شرط خالص تقولي ل صحبتك علي مامتك ولا الكلام دا بس اقصد تحكي معاهم مثلا انتي بتبقي محتاجه حد تحكيله و تسمعيله و يسمعلك ف تعملي كدا معاهم مثلا مشكله او بتناقشيهم ف موضوع و هكذا بحيث متبقيش كل حاجه منك لنفسك كدا و تكون صاحبتك دي تساعدك ع التفاؤل بجد مش بهزر عشان متحسيش ب كآبه اكتر من كدا و تبقي هيا الشخص اللي يقولك كلام حلو بجد..صدقيني لو لقيتي صاحبه صالحه زي كدا من معارفك دي مش حاجه سهله علي اي حد...و بجد والله ربنا يهون عليكي و يهدي والديكي 🤍
تم النشر الجمعة، ٨ مايو ٢٠٢٦
إنتي شايلة كل حاجة لوحدك وبتحاولي تكوني سند لكل اللي حواليكي، وده متعب جدًا على أي حد. بس المشكلة إنك بتيجي في الآخر من غير سند إنتي كمان. إنتي مش مطلوب منك تكوني أم ولا تتحملي كل ده لوحدك، حتى لو إنتي قادرة تسمعيهم. مهم جدًا كمان إنك تدي لنفسك مساحة، وتتكلمي عن تعبك بدل ما تفضلي بس بتسندّي غيرك. لأن كده إنتي بتتكسري من جواكي. جربي تختاري شخص واحد حتى لو قريب بسيط أو حد في البيت تكوني إنتي كمان بتتكلمي معاه مش بس بتسمعيه، عشان متفضليش شايلة الدور لوحدك. إنتي محتاجة احتواء زي ما بتدي احتواء لغيرك، وده حقك مش رفاهية.
تم النشر الجمعة، ٨ مايو ٢٠٢٦
@Aѕмora ࣪ طبيعتي علاقتي إنسانة تعبانة معنديش أي قدرة علي العطاء طاقتي مستنذفة أنا معايا أصدقاء وناس اللهم بارك بس مش هاين عليا اقولهم الكسرة ال في عيني من أمي مش هاين، مش هاين عليا أبوظ صورة بابا ولا ماما ومش عايزه برضو حاسة الكلام مش هيفيد
تم النشر الجمعة، ٨ مايو ٢٠٢٦
@Aѕмora ࣪ أنا بدعم كل أخواتي وبخفف عنهم بحكي معاهم بساعدهم بكون جنبهم بس أنا منهارة من كلامهم تعبوا حتى لو أنا تكلمت معاهم عايزين أم في منهم صغير بيقارن بينها وبين الأمهات أختي بتقولي أنا نفسي أمي تقف جبي زي أصحابي مفيش أي إحساس حرفيا أخواتي كذا مرة يقولوا يا أمي حسي بينا قولي أي كلمة تسكت ولا تتكلم أنا بسمع أخواتي بس عارفين إني تعبانة بس مش بتكلم كفاية همهم
تم النشر الجمعة، ٨ مايو ٢٠٢٦
اي طبيعة علاقتك مع اخواتك او ع الاقل خالص قرايبك او مثلا صديقه مقربه ع الاقل دا ممكن يساعدك او يخفف عنك
تم النشر الجمعة، ٨ مايو ٢٠٢٦
@Aѕмora ࣪ نعم جربت، بس لقيت أم قاسية قاسية لدرجة كبيرة كبيرة خالص
تم النشر الجمعة، ٨ مايو ٢٠٢٦
طيب هل جربتي تكلميهم و تفهميهم و كدا؟
تم النشر الجمعة، ٨ مايو ٢٠٢٦
أنا حاسة بيكي جدا والله، وواضح إنك واصلة لمرحلة إن كل دا مأثر على نومك وحياتك كمان. ده مش بسيط خالص.بس أهم حاجة دلوقتي ما تفضليش شايلة ده لوحدك. إنتي محتاجة حد قريب منك فعلاً يسمعك ويطمنك، حتى لو أختك أو أخوكي أو قريبة إنتي مرتاحة معاها. وجود شخص واحد آمن حواليكي ممكن يفرق في إحساسك جدًا ويخفف الحمل اللي عليكي. وبجد إحساسك إنك تقيلة أو عايزة تبعدي ده طالع من الوجع والتعب مش من الحقيقة. إنتي مش تقيلة، إنتي محتاجة احتواء مش عزلة. خدي خطوة صغيرة ناحية حد يساندك بدل ما تقفلي على نفسك، لأن اللي إنتي فيه يستاهل حد يسمعه بجد مش تفضلي فيه لوحدك.
تم النشر الجمعة، ٨ مايو ٢٠٢٦
@Aѕмora ࣪ بس أنا فعلًا تعبت لدرجة أصلا بنام وأنا وببكي وكمان حاسة الزعل أكلني وباين عليا لدرجة أي حد يشوفني يقولي مالك؟ في حاجات كتير مكسورة جوايا لأني حاسة إني تقيلة عليهم بقولك تقيلة عشان دالوقتي المصاريف بابا لما يديها لينا بتكون ساعات بنفور ومش في جوايا تعب كبير أنا أصلا مش بفكر في نفسي أنا عايزة أبعد عنهم كلهم عايزة ابعد بجد نفسي حد فيهم يفوق ويعرف أننا تعبنا
تم النشر الجمعة، ٨ مايو ٢٠٢٦
لعرض الإجابة في فدني اضغط هنا