هم مكانوش بيعملوا كدا عن قصد يعني في الآخر دا أقصى ما كان في استطاعتهم، مكانش عندهم نفس الوعي اللي موجود دلوقتي، مكانش عندهم هذه القدرة، فمعملوش كدا عن بخل منهم أو منع، بمعنى مكانش عندهم حاجة جوة ومدهالناش، فدا كان أقصى ما في استطاعتهم، فعملوا دا عن عجز مش عن بخل، ودي هي أقصى قدرتهم وأقصى فهمهم عن التربية أنها "اصرف عليه وهيبقى كويس" أو "اديله على دماغه وهيبقى محترم" وغيرها من المعاني اللي كانت بالنسبة ليهم هي أحدث حاجة في التنشئة،. وطبعًا على الرغم من دا كله فهم ليهم فضل علينا بلا شك، وفضل كبير كمان، كفاية المجهود اللي بذلوه، بس كل ابن آدم خطاء وأي صناعة بشرية لابد فيها من عيوب، وربنا يمنّ عليكِ بالمعرفة اللي تخليكِ تعرفي تربي أبنائك صح وتكسري السلسلة المعيبة، وأخيرا بر الوالدين لما يكون صعب فدا بيجعل ثواب برهم أعظم بكتير من لما يكون الوالدين صالحين ومن السهل برهم،،، فابدئي أنت بالكلمة الطيبة والاهتمام وهتلاقيهم بيردوا بالمثل إن شاء الله، https://d1.islamhouse.com/data/ar/ih_books/single3/ar_One_hundred_and_fifty_way.pdf
@the asker تفكيرك المستمر في حاجة زي كدا هيخلي حياتك كلها متمحورة حوالين الحاجة دي، التفكير المستمر هيعملقها ويكبرها لحد ما تتحول لحاجة منغصة كل الدنيا حتى ولو كانت فيه حاجات كويسة حواليك، فاللي أنصح بيه أنك تمنعي التفكير في حاجة زي كدا وكل ما تيجي في دماغك الفكرة دي اللي بتدايقك تحولي تفكيرك لحاجة تانية لحد ما تفكي التعلق بالفكرة دي وبعدها فكري فيها تاني وهتلاقي الحوار أسهل بحيث ما يأثرش على نفسيتك قوي وتشوفيله حلول بحكم معرفتك بنفسك
تم النشر السبت، ٩ مايو ٢٠٢٦
@Mohammad Mohammad أكيد بفكر ما دي حاجة تعباني نفسيًا ودي مشكلتي أصلا ما الأب والأم 🤦♀️
تم النشر السبت، ٩ مايو ٢٠٢٦
@the asker طيب هل حضرتك بتفكري كتير في الموضوع دا؟ (اللي هو كون والدك مش بيقعد معاكم أو مش بيقول كلمة طيب)
تم النشر السبت، ٩ مايو ٢٠٢٦
@Mohammad Mohammad بابا بيعد خالص بس مش البعد الـ هو مقابله فساد يعني مش بيصلي علطول شغل شغل شغل بس بيخرج الساعة 8 يجي 8 باليل وكمان إحنا عندنا كل حاجة ملكنا بس هو بيحب يقعد يقضي وقته بره مع أصحابه هو المفروض دالوقتي في حكم مدير في شغله وعنده وقت كبير فاضي بس عمره ما هيفكر يقعد معانا عشان ميعرفناش أصلا ولا يعرف عننا حاجة
تم النشر السبت، ٩ مايو ٢٠٢٦
@the asker ما أقصدش بكلامي أنك بتفتري عليهم، أنا بساعدك أنك أول حاجة تسامحيهم بأنك تحمليلهم العذر عشان هيسهل عليكِ الموضوع، وتاني حاجة بعد كدا ما ينفعش تكبتي دا كله، لازم يكون ليكِ ردة فعل عشان ما يستمرش الوضع كدا، بس عايز أعرف هو ايه مدى تدين والديك، هل مثلا لما بيسمعوا شيء فيه أمر أو نهي من آية أو حديث هيستجيبوا ولا لا؟
تم النشر الجمعة، ٨ مايو ٢٠٢٦
@Mohammad Mohammad تفتكر إني بفتري عليهم يعني مثلًا أنا بقولك إحنا عمرنا ما حد قالنا أنتم حلوين مثلًا كلمة عادية هتفرق مع البنت أنا توجعت كتير في ثانوي وفي الكلية محدش حتي قالي أنا مقدر تعبك دا غير أن حياتنا زي القصة بتكرر أنا أرد علي أختي في تالتة ثانوي دالوقتي وهي بتقولي دي مش أمي دي معندهاش إحساس ممكن تقولي اقولها إيه؟ وعايزة أقولك أننا أشد الناس بر بيهم واحترام بس من جوانا مكبوتين خالص وفي ارق وتعب، دا مش إعتراض بس دا فيض لأني فعلًا تعبت ومش عايزة أتعامل معاهم مفيش اي إحساس بينا خالص وأنا هنا مش بتكلم عن التربية الحديثة ولا حتى بقارن أهلي بحد لا أنا بكلمك علي العادي العادي العادي
تم النشر الجمعة، ٨ مايو ٢٠٢٦
لعرض الإجابة في فدني اضغط هنا