السلام عليكم ورحمة الله وبركاتة
انا عندي 21 سنه الحمدلله لبسي شرعي محافظه علي جميع الفروض بقراء قران يوميا بفضل الله من حوالي سنتين في شيخ تقدم لخطبتي وهو مسافر بره بقالو اربع سنين ف كلم والدي عن طريق الفون وكلنا وافقنا عليه بس هو ظروفو مش احسن حاجه لاكن انا فعلا اتمنيت من ربنا اني اتجوز رجل صالح يعيني علي طاعه ربنا وينشأ بيت صالح ونربي اولادنا تربيه حسنه ف نفس الوقت تقدم لي الشيخ ده ومحدش يعرف وناس كتير بتتقدم بس مش احسن منه في الدين لاكن انا حاليا في فتره صعبه ومحتاجه فعلا الزواج بسبب شهواتي ف اعمل اي مع ان الشيخ ده شريني وبيعمل كل اللي يقدر عليه علشان يجي ونتجوز
وعليكم السلام ورحمة الله وبركاته، أولاً، أحييكِ على التزامكِ ومحافظتكِ على الدين رغم الضغوط النفسية اللي بتمري بيها. الشهوات في هذا العمر أمر طبيعي، والإسلام ما أنكرها، بل وجهنا لطريقة شرعية للتعامل معاها وهي الزواج. قال تعالى: "وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا"، فالزواج وسيلة للإشباع والطمأنينة. بما إن الشيخ ده تقدم لكِ وأنتوا موافقين، وهو بيحاول يجي ويتجوزكِ، فده خيار جيد إنكِ تسرّعي فيه قدر الإمكان. كلمي والدكِ أو أهلكِ بصراحة عن الضغط اللي بتحسي بيه، واطلبي منهم يتواصلوا معاه عشان يحاولوا يقربوا موعد الزواج حتى لو بشكل مبدئي أو بترتيبات بسيطة تناسب ظروفه. في الوقت الحالي، عشان تقللي من تأثير الشهوات: الصيام: ده أقوى سلاح، قال الرسول ﷺ: "يا معشر الشباب، من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء". صومي الاثنين والخميس أو أيام البيض. الاستغفار والدعاء: ادعي الله كتير "اللهم إني أعوذ بك من شر نفسي"، واقرئي القرآن يومياً مع التدبر، خاصة سورة البقرة. تجنبي المثيرات: قللي من استخدام السوشيال ميديا أو أي محتوى يثير المشاعر، وركزي على أنشطة مفيدة زي الرياضة الخفيفة أو تعلم مهارة جديدة أو مساعدة في البيت. الصلاة في وقتها مع الخشوع: دي بتساعد على تهدئة النفس وتقوية الإرادة. أنتِ قوية وملتزمة، والله هيعينكِ. الزواج من رجل صالح زي اللي وصفته هيخفف عنكِ كتير، فاستمري في الدعاء والسعي. لو عايزة تتكلمي أكتر عن خطوات عملية، أنا هنا.
تم النشر الأحد، ١٤ يونيو ٢٠٢٦
بصي يا بنت الحلال الله يرضى عليكي ويبارك في شبابك وفي طهرك ونقائك ..مجاهدتك لنفسك دي هي عين العبودية لله والشهوة اللي بتشتكي منها دي مش غول ولا مصيبة دي طاقة فطرية ربنا خلقها فيكي عشان تتوجه في الحلال وفي عمارة الأرض فبلاش تجلدي ذاتك ولا تحسي بالذنب لمجرد إنك بتحسي ببشريتك لكن في نفس الوقت الخوف كل الخوف إن الطاقة دي تخرج في غير رضا الله أو تتحول لوسواس يهد توازنك النفسي والدين مش كلام وبس الدين فقه الواقع وعشان كده لازم تفهمي إن طول فترة الخطوبة مع السفر هو اللي عامل ده ومخلي الفراغ العاطفي والجسدي يضغط عليكي ..والحل هو تعجيل الزواج بكل السبل الممكنة اتكلمي مع خطيبك بمنتهى الصراحة والوضوح وقولي له أنا محتاجالك جنبي ومحتاجة الحلال يعصمنا وإحنا مش حمل تأخير أكتر من كده وخليه يضغط على نفسه وعلى ظروفه عشان يرجع حتى لو هتبدأوا بأقل القليل وبحاجة بسيطة جدا لأن الستر والعفاف مقدم على المظاهر والشكليات وفي نفس الوقت اقفلي على نفسك أبواب التخيلات وبلاش المكالمات الطويلة اللي بتثير العواطف وبتشحن المشاعر ومفيش وراها تفريغ حلال واشغلي وقتك وجسدك وعقلك بحاجة حقيقية تستهلك طاقتك زي دراسة أو شغل أو رياضة لأن النفس إن لم تشغلها بالحق شغلتك بالباطل وافتكري دايما إن ربنا شايف جهادك ومطلع على قلبك وهيجازيكي على صبرك ده خير فاستعيني بالله واعرف إن النصر مع الصبر وإن الفرج مع الكرب وجد والله ربنا يحفظك ويوفقك لما يحب ويرضى..معلش بس سوال انتى محددين موعد الخطوبه والزواج ؟؟
تم النشر الأحد، ١٤ يونيو ٢٠٢٦
يبقى توكلى على الله وكملى ربنا يقدملكم الخير كلة بإذن الله
تم النشر الأحد، ١٤ يونيو ٢٠٢٦
لا انا مستعده اعيش معاه هو في اي وضع ومش يهمني الفلوس ولا الزضع المادي خالص اهم حاجه تكون مستوره وناس كتير اوي اوي اتقدمت ومناصب عاليا واغنياء لاكن مستوي الدين بتاعهم قليل وسجاير
تم النشر الأحد، ١٤ يونيو ٢٠٢٦
إذا جاءكم من ترضون دينه فزوجوه أكيد انتى عارفه اكتر منى الكلام ده .. لكن عشان عارف الحيره اللى بتبقى ف الشخص لما يتخير بين امرين هقولك انه كملى معاه وربنا يغير الحال .. بس فيه سؤال مهم جاوبى نفسك عليه هل الافضل تصبرى على قليل المال ولا على قليل الدين .. هتستحملى انهى اكتر ؟ .. ف النهايه عايز اقولك برضو ان المستوى المادى لو مش متقارب وهيبقى فيه مشقه عليك بلاش منه هو كمان وانتظرى الافضل
تم النشر الأحد، ١٤ يونيو ٢٠٢٦
لعرض السؤال في فدني اضغط هنا