دلوقتي انا نفسي انتظم ف الصلاه وعندي مشكله كبيره شيطاني بيتغلب عليا بطريقه وحشه اويي بعمل حاجات كتير غلط مش عارفه اعمل ايه نزلت كذا ابلكيشن عشان انتظم وبجد حاسه ان الموضوع صعب اويي ونفسي احفظ قران بس مش عارفه
انا عايشه مع اهلي ف نفس البيت بس شقه لوحدي مبحبش تجمعات عائليه و مبقتش انزل مع صحابي ولا بقيت احب اكلم خطيبي وبعدت عن كل الناس
اسفه لو طولت عليكم بس لو حد عنده نفس مشكلتي يعرفني حلها ازاي
أولا : كلنا بنغلط و كلما عندنا ذنوب ولكن ياريت الغلط ميمنعكيش عن الصلاة او انك تجاهد نفسك كل مرة او الدعاء أن الله يتوب علينا و يتقبلنا ف الدعاء واجب و أكثر من ذِكر (اللهم أعني على ذِكرك ، و شكرك ، و حسن عِبادتك) ثم نزل برنامج بيعرفك قبل مواعيد الصلاة يعني قبل ميعاد الصلاة ب ١٠ دقايق بيوصلك تنويه وقتها تقفل الفون و تتوضأي و تجهزي المصلية للصلاة و بعد الصلاة اقرأي صفحتين فقط من القرآن و بعدها بالتدرج كل اسبوع زودي صفحة او صفحتين بالنسبة للإنعزال ف دا كل من الشيطان و جاهديه و انزلي مع خطيبك و أكملي حياتك و لكن أولا الصلاة تنتظمي عليها و بالتوفيق
تم النشر الأحد، ٢٦ يوليو ٢٠٢٦
السلام عليكم، أولا ربنا يشرح صدرك ويبعد همك ويصلح أحوالك. في رأيي اللي بيحصل معك مش مجرد كسل أو ضعف همة وعزيمة أو الشيطان بيغلبك. أنتِ قلتِ بقيتِ تتجنبي التجمعات وبعدتِ عن كل الناس، فواضح إن فيه ضغط نفسي وبعض علامات مشابهة لأعراض اكتئاب. (مش هجزم إنه اكتئاب لأن ده بيحتاج رأي مختص) *** فهل مريتِ بفترة صعبة بدأت بعدها تظهر الأعراض دي؟ دراسة بقى أو أي صدمة أو ضغوط حياتية وصلتكِ لاحتراق نفسي. ** مهم تتفهمي إنك بشر وكلنا بيخطئ وبنقع في الذنوب وأوقات إيماننا بيزيد وأوقات بينقص وبنقصر في العبادات. لا تتقلي على نفسك عشان ده اللي بيوقعك، ولا تضغطي على نفسك عشان عاوزة تشوفي تغيير بسرعة، الخطوات الصغيرة كفيلة توصلك لهدفك. ركزي على الخطوات الصغيرة... لو صعب تلتزمي بكل الصلوات في مواعيدها، حددي صلاة واحدة تقومي لها أول ما تسمعي الأذان مع الحفاظ طبعا على الصلوات التانية والتدريب ده هيخليكِ مع سماع الأذان تقومي وهتلاقي نفسك بدأتِ تعملي ده تدريجيا مع كل الصلوات والصلاة نفسها هتكون أسهل وأيسر ومش هتكسلي. والقرآن، حددي هدف صغير... آية في اليوم تحفظيها أفضل ما تقولي هحفظ نصف صفحة ولا صفحة وبعد كده توقفي. ادعي ربنا دايما (ربي اجعلني مقيم الصلاة ومن ذريتي) وكرري كتير ذكر (لا حول ولا قوة إلا بالله العلي العظيم) دوامي على قراءة سورة البقرة يوميا (قسميها على الأيام لو مش هتقدري تخلصيها كل يوم) والرقية الشرعية. (عشان لو فيه حاجة تانية زي العين أو الحسد وغيرها تكوني وقيتِ نفسك) ابدئي قللي عزلة وشوفي أقرب الناس لك وكلميهم أو انزلي اتمشي لو عشر دقائق بس كل يوم، هيغير من نفسيتك إن شاء الله. توكلي على الله واستعيني به وإن شاء الله يصلح لك الأحوال. بالتوفيق.💚
تم النشر الاثنين، ٢٧ يوليو ٢٠٢٦
انا شبهك تقريبا بس المهم المحاولة ف القرب من ربنا ومجاهدة النفس كل اللي مطلوب انك تستغفري واتكلمي مع ربنا واحده واحده هتنتظمي عمر ما في حاجه بتيجي مره واحده لا التسرع مش هيجي بعده غير انتكاسة حاولي واحده واحده اهم حاجه قبل النوم اقري سورة الفاتحة تلات مرات واول سورة البقرة واية الكرسي واخر اياتين من السورة وسورة الملك والأخلاص والفلق والناس والكافرون وسبحي علي قد ماتقدري الموضوع هيبقي صعب ف الاول بس مع الوقت هتحفظيهم مع التكرار وتلاقي نتيجة وراحه نفسية وبكدا تكوني بتحصني نفسك قبل متنامي
تم النشر الأحد، ٢٦ يوليو ٢٠٢٦
السلام عليكم ورحمه الله وبركاته. طيب احنا لو عايزين نلتزم الصلاه تبقى مش هينفع نقضي لوحدها لانه لوحدنا الشيطان بيقدر يلاقي مساحه كبيره جدا يتلاعب بها كل الطرق كثيره جدا وهيقدر يخلينا نعمل مليون حاجه غلط لان انا اكتبوا مفتوحه. ودي اسوء شيء في مساله الفراغ والوحده ربنا ما خلقناش وكل واحده خلقنا عشان يكون لينا. اخطات باهلنا واصحابنا والناس اللي حوالينا وكلنا تاثير فيهم وكل يوم تاثير فينا او قد الاجابه اوقات الصلب وكل حاجه هما يقدروا يساعدوكي هم يقدروا ان هم يعينوك على الصلاه ماما وانت رايحه وانت بتصلي قولي لي عشان نصلي يا جماعه مع بعض وهما بيفكريني اكلم لغه عشان انا بيتوه مني الوقت اختي. اول ما تسمعي الاذان قومي فكريني وقوليلي ده وقت صلاه العصر وهكذا احنا محتاجين بعض اللي انا عايزاه واول حاجه لازم تتغير في الموضوع ده عشان يكون البرامج والحاجات اللطيفه اللي احنا بنحاول نجربها يكون لها اثر ان شاء الله.
تم النشر الثلاثاء، ٢٨ يوليو ٢٠٢٦
أول حاجة، أنا فاهمة إنك بتمري بفترة صعبة جدًا، والشعور ده طبيعي لما الشيطان بيحاول يبعدنا عن ربنا. كتير من الناس مرت بنفس التجربة، وده مش دليل على ضعفك، ده دليل إنك بتحاولي وده أهم حاجة. ربنا بيحب اللي بيحاولوا حتى لو وقعوا، والتوبة دايمًا مفتوحة. ابدئي بخطوات صغيرة جدًا عشان ما تحسيش بالإحباط. مثلاً، ركزي على صلاة واحدة في اليوم في وقتها، ولو ما قدرتيش كل الصلوات، وادعي ربنا قبلها: "اللهم أعني على ذكرك وشكرك وحسن عبادتك". بالنسبة لحفظ القرآن، ابدئي بآية أو آيتين يوميًا، واستخدمي تطبيق بسيط بس مع نية ثابتة، مش كتير تطبيقات عشان ما تتشتتيش. الاستمرارية أهم من الكمية، ولو وقعتي، ارجعي فورًا بدون لوم نفسك. بالنسبة للبعد عن الناس، العزلة دي ممكن تكون من وساوس الشيطان، فحاولي توازني بين خصوصيتك وبين لقاءات خفيفة مع أهلك، حتى لو جلسة قصيرة. ده هيساعدك نفسيًا ويقلل الضغط. وبالنسبة لخطيبك، لو الموضوع بيسبب لك توتر زيادة، خدي وقتك في التفكير بهدوء بدون قرارات سريعة. جربي تقرئي عن قصص الصحابة اللي كانوا بيحاربوا الوساوس، وادعي كتير في السجود. لو عايزة تشوفي تجارب مشابهة، ابحثي عن أسئلة مشابهة على فدني عشان تلاقي نصائح من ناس مرت بنفس الشيء. أنتِ مش لوحدك، وربنا معاكِ.
تم النشر الأحد، ٢٦ يوليو ٢٠٢٦
لعرض السؤال في فدني اضغط هنا