نفسي احفظ القران الكريم ولكن بحفظ فترة وارجع انتكس ويبقي عندي فتور وعايزة طريقة احفظ بها القرآن الكريم
اختلطي بالصالحات، هتلاقي همتك بتعلى في حفظ القرآن. وفي طريقة أنا بعملها، ممكن تكون غلط أو صح، بس أنا بعملها، ودي أساسية عندي. وطبعًا، مع حفظ القرآن، لازم يكون ليكي طريقة مراجعة، لأن لو قعدتي تحفظي من غير ما تراجعي، انتي كده زي ما تصبي مياه في كوباية مخرومة، هتلاقيكي بتنسي يعني. طريقة الحفظ (وليست المراجعة) بتاخد ٧ أيام. هتحددي انتي هتحفظي قد ايه.. وخليها ربع حزب كويس. أنا بحفظ ربع حزب أو صفحتين ونصف. بجيب القارئ اللي أنا بحبه وبتأثر بيه، وطبعًا لازم يكون بيقرأ صح. مثلاً، أنا بسمع لياسر الدوسري عشان بتأثر بيه وبحبه أوي. فأنا أجيب السماعة في ودني وأظبط التسجيل على ربع الحزب ده، وأشغل التسجيل، وأنا بسمع، ماسك المصحف وبقرأ معاه في نفس الثانية، وأقلده لحد ما أخلص الربع ده كاملًا. وبعدين أكرر الطريقة دي بليل بعد العشاء أو قبل ما أنام... يعني مرة بعد الفجر، ومرة بعد العشاء أو قبل ما أنام. لمدة ٥ أيام، يعني هتكوني قرأتي ربع الحزب ده ١٠ مرات. والطريقة دي بتاخد حرفيًا ٦ دقايق معايا بعد الفجر، يعني في خلال اليوم، الطريقة لا تتعدى الـ١٥ دقيقة. المهم، أثناء الـ٥ أيام، في قائمة تشغيل للشيخ د. عثمان الخميس، بسمع التفسير بتاع ربع الحزب ده. لمدة ٥ أيام أكون مخلصه، والفكرة إن الشيخ د. عثمان الخميس بيقول تفاصيل مش هتلاقيها في التفسير المختصر أو الميسر، فدي حاجة حلوة، هتعرفك القصة كاملة. وابدأي بسورة آل عمران، بجد حاجة جميلة أوي أوي أوي وبتزود الهمة أوي. ومتخافيش، مش صعبة ولا حاجة مع الطريقة دي. المهم، بعد ما تسمعي الفيديوهات بتاعت د. عثمان الخميس، تقريبًا هتسمعي التفسير في اليوم ١٥ دقيقة. أنصحك عشان متكسليش: اسمعي الـ١٥ دقيقة دي وانتي بتتغدي، أو وانتي بتمشي، أو وانتي في المطبخ، وهتلتزمي إن شاء الله. وبعد الـ٥ أيام، هيتبقى يومين. اليوم السادس: هتقرأي بنفس الطريقة دي بس ٧ مرات، هتقسميهم على مرتين: بعد الفجر وبعد العشاء. وأنا أفضل بعد الفجر ٤ مرات، عشان بعد العشاء أو بليل هتنشغلي. المهم، قبل ما تبدأي في اليوم السادس تحفظي، حمّلي تطبيق "وحي" واقرأي تفسير المختصر أو الميسر، ومعاه تفسير الميسر في غريب القرآن. ولو فيه كلمة معينة عايزة تعرفي معناها، شوفيها—التطبيق فيه الميزة دي. والمهم، تقرأي التفسير بتركيز، وبعديها تبدأي تحفظي. بس أقرأي بقى ٤ مرات بعد الفجر بتدبر. يعني قيسي الكلام أو الآيات على حياتك. مثلاً، آية: "قل أؤنبئكم بخير من ذلكم للذين اتقوا عند ربهم جنات..." لآخر الآية، وانتي بتقري، استحضري، وقيسي الكلام في دماغك. يعني: ربنا أو الرسول بيقولي "أقولك على حاجة أحسن من شهوات الدنيا دي؟! الناس اللي صبروا إنهم ميملوش ذنب أو شهوة بالحرام، ليهم الجنة وشهوات زي الدنيا دي وأحسن منها". أتمنى تكوني فهمتيني. يعني مثلًا، ربنا بيقول: "وويل للكافرين من عذاب شديد، الذين يستحبون الحياة الدنيا على الآخرة"، يبقى أنا لازم مكفرش بنعمة ربنا، زي ما الكافر أنكر نعم ربنا عليه وكفر بيه، وحب الدنيا، ومآمنش بربنا. فأنا لازم أطيع ربنا، عشان هو خلقني، وأنعم عليّا بنِعم كتير، فمينفعش أعمل ذنب عشان بحبه أكتر من ربنا. ماشي، المهم، هتقرأي ٧ مرات في اليوم السادس والسابع، وخلاص كده. هتكوني حفظتي ربع حزب في الأسبوع، وتدبرتي القرآن، وكمان سمعتيه من القارئ اللي انتي بتتأثري بيه، وبقيتي فاهمة الآيات بتتكلم عن إيه، بقيتي فاهماها كويس. والطريقة دي بتاخد تقريبًا في الأيام العادية ١٢ دقيقة حفظ، و١٥ دقيقة تفسير. ويومين الصعبين شوية: قراءة التفسير 15-20 دقيقة، والحفظ صراحة مع التدبر مفيش ملل، بس في المتوسط هتاخد تلت ساعة صبح وتلت ساعة بليل. بس لازم معلمة تحفظك قرآن، وتقولك طريقة للمراجعة، عشان المراجعة أهم من الحفظ. يعني راجعي كل يوم، بس ما تحفظيش بس، مهم تراجعي. وكمان، هتختلطي مع صالحين، فالهمة هتعلى.
تم النشر الخميس، ٢٤ أبريل ٢٠٢٥
حفظ القران بيعتمد على النية الصادقة اولا لو عندك نية صادقة الحفظ هيثبت بسرعة طيب ازاي احفظ القران...؟؟ 1_الحفظ بصوت عالى دا بيثبت الحفظ بسرعة 2_سماع الاية من شيخ وتردديها وراه وبعدين تقرريها لحد متتحفظ وبعدين تعمل تانى كدا مع الاية التانية وبعدين ما الاية التانية تتحفظ تجيبى الايتان مع بعض وهكذا الى أخر الوجه او الحفظ...
تم النشر الاثنين، ٢١ أبريل ٢٠٢٥
كذلك برده من ضمن النصائح المهمه جدا جدا ان يكون المعلم اللي هتروح عنده بياخد أجر، والسبب عشان يكون ملتزم معاك في موضوع بالنسبه له مره يكون موجود ومره يكون لأ كذلك برضو لما أنت تدفع الأجر هتكون ملتزم لان برضه الاجره هتفرق معاك يعني كل دي حاجات مهمه كتاب المئة المانحه ده كتاب ممتاز جدا صاحبه كويس وعنده اكاديميه كويسه جدا وهو حد يعني معاه ناس كثير بتسمع وكويسين بصراحه يعني ناس كتير بيشكر فيه بس هو الكتاب ممتاز يعني كتاب يشجع وكويس وأنا قرأته ممتاز جدا يعني إن شاء الله يفيدك يعني.
تم النشر السبت، ١٩ أبريل ٢٠٢٥
السلام عليكم ورحمه الله وبركاته مبدئيا لازم يكون فيه معلم، يعني قولًا واحدًا لازم معلم يكون معاك. ثاني شيء المعلم ده لازم يكون حد حازم ما يكون صديق ليك يكون حد اكبر منه واحد حازم وقوي وعنده ناس بتحفظ تكون أنت مع الناس دي ما تكونش لوحدك عشان يشجعوك. ثالث شيء نصيحه مني يعني ابدأ من "قل هو الله أحد" لا تبدأ من البقره تمام كده، نصيحه ثانيه خليهم يومين بس في الاسبوع ولا 3 ايام ولا اربعه ولا كل يوم، يومين بس نصيحه خمسه خد اللي يكفيك خد حاجه بسيطه جدا في الاول وبعد كده تدرج تمام كده. أهم حاجه الاستمراريه مش الكميه، بس يعني إن شاء الله هبعت لك صورة كتاب اقرأه إن شاء الله هيمتعك جدا بإذن الله.
تم النشر السبت، ١٩ أبريل ٢٠٢٥
أختي الكريمة، حفظ القرآن الكريم هدف نبيل ومبارك، وأسأل الله أن يوفقك في تحقيقه. من الطبيعي أن تواجهك بعض التحديات خلال رحلة الحفظ، ولكن هناك بعض الخطوات التي يمكنك اتباعها لتسهيل هذه العملية وزيادة احتمالية الاستمرارية. حددي هدفًا واقعيًا : يمكنك تقسيم الحفظ إلى أجزاء صغيرة، مثل حفظ صفحة واحدة يوميًا أو بضع آيات. بذلك تكون الأهداف قابلة للتحقيق وتشعرك بالتقدم. خصصي وقتًا يوميًا : حاولي تخصيص وقت محدد يوميًا للحفظ، ويفضل أن يكون هذا الوقت في فترة هدوء، مثل بعد صلاة الفجر أو قبل النوم، حيث يكون الذهن أكثر صفاءً. استخدمي أساليب متنوعة : يمكنك تكرار الآيات بصوت مرتفع، أو الاستماع إلى تلاوات مختلفة للآيات التي تودين حفظها، أو حتى كتابة الآيات بيدك. هذا سيساعدك على تعزيز الذاكرة. اربطي الآيات بواقع حياتك : حاولي أن تجدي معاني الآيات وأهميتها في حياتك اليومية، فهذا سيساعدك على التعلق بها أكثر. انضمي إلى مجموعة حفظ : إذا كان ممكنًا، اشتركي في مجموعة مع صديقات أو في دورة حفظ. الدعم الجماعي يمكن أن يكون دافعًا قويًا. تذكري الأجر والثواب : عندما تشعرين بالفتور، تذكري فضل حفظ القرآن وأجره العظيم، وأن هذا ما يسعى إليه الكثيرون. لا تتعبي نفسك : إذا شعرت بالملل أو الفتور، خذي فترة قصيرة للراحة، ولكن عودي بنفس حماس أكبر بعد ذلك. تذكري أن الطريق إلى القمة ليس سهلاً، ولكن مع العزيمة والإصرار، يمكنك الوصول إلى هدفك. أسأل الله لك التوفيق والسداد.
تم النشر السبت، ١٩ أبريل ٢٠٢٥
تطبيق تعلم القرءان صوت مجانا - https://play.google.com/store/apps/details?id=com.moddakir.tallam
تم النشر الاثنين، ٢١ أبريل ٢٠٢٥
حملي برنامج يكرر الآيات
تم النشر الأحد، ٢٠ أبريل ٢٠٢٥
جربي احفظي مع معلمة؛ ادخلي بجروب للحفظ وبكون في ورد تسميع كل اسبوع، وهيك بتلتزمي ان شاء الله
تم النشر السبت، ١٩ أبريل ٢٠٢٥
وأنا كمان والله
تم النشر السبت، ١٩ أبريل ٢٠٢٥
لعرض السؤال في فدني اضغط هنا