السلام عليكم أنت فعلًا كنت متسرع في خطوة البلوك. الفكرة إن صاحبك مختلف عنك هو مش متعمد يضايقك أو يعمل التصرفات دي، في ناس بتكون غامضة مش بتعرف ترود على مكالمات أصلًا بس بتعرف تحافظ على العلاقات الفكرة أنت بتدور على نفسك مع صديقك عايز مقابل الإهتمام إهتمام مقابل الموضوع موضوع مقابل الصورة صورة وهكذا بس عامةً صديقك كان محتاج منك صبر وفهم وإنك مثلًا تفهم الطريقة الـ بيعبر بيها عن نفسه! بس لكن مش كل الناس شبهنا في إختلافات، وفي ناس بتكون غامضة وبتشارك وتتكلم بصعوبة أعتقد صاحبك كداا غامض. بس هو إنسان كويس ومحتاج حد يفهم طبعه
ممكن تتكلم معاه تقوله أنا مش عاجبني كذا وكذا عشان لما تعمل بلوك أو مثلًا تمشي ضميرك أو نفسك تكون راضية وعادي الدنيا واسعه صاحب ناس تاني صاحب ناس تقدرك وتقدر مكانك ممكن هو مش عارف يقولك إنك مش المفضل عنده وإن هو عايز يبعد بس مش عارف ساعات الكلام أو الصراحة بيكونوا أفضل من التوهان وإنك مش فاهم هو بيعمل كدا ليه
تم النشر الخميس، ١ أكتوبر ٢٠٢٦
طب ونفسيتى انا احنا مثلا زمان اما كنا نروح المدرسه ف ايام الامتحانات وكده هو بيتصرف طبيعى مع كل الناس والاقيه شويه ماشى مع ده وشويه ماشى مع ده مش غامض يعتى ولا حاجه وكان حصل موقف فى امتحانات تانيه ثانوى الى فاتت كنت انا مشفتهوش من زمان لان زى م قلت مبنخرجش مع بعض ولإن احنا ف الاعدادى كنا بنحضر فى المدرسه فكنت بقابله انما ف ثانوى مبنحضرش فبشوفه يدوب ف الامتحانات لما جينا ف تانيه ثانوى بقا مكنتش شفته كذا شهر بس للاسف لما جت الامتحانات مكنتش اقابله مكنتش بشوفه لحد ما فى مره واحنا مخلصين ومروحين كنت انا فى الدور التانى وخلاص هنزل ع السلم شفته من فوق وهو شافنى وشاورلى يعتبر هو كان فى الحته تحت السلم يعنى مسافة م انزل هلاقيه رغم انى مقابلتوش من زمان وهو شاورلى بس مستنانيش عشان يسلم عليا
تم النشر الخميس، ١ أكتوبر ٢٠٢٦
لعرض الإجابة في فدني اضغط هنا