في رأيي تاخدي شوية وقت بعيد فهميه انك محتاجه وقت لوحدك لحد ما تعرفي تتجاوزي الموضوع الاولاني خصوصا انك لو كلمتي كده ممكن تخسريه خالص وترجعي تتعافي من التجربتين سوا ف ليه كل ده + معرفش علاقتكم بمعرفة الاهل ولا بس الطبيعي انه بلاش علاقات محرمه بتستهلك الانسان وتحرمه من الامان بجد اما تكوني كويسه والشخص ده لسه موجود يبقى يتقدم والموضوع يبقى رسمي ووقتها ان شاء الله يكون في امان اكتر، بس انتي اكيد فاهمه انك لازم تاخدي وقت بعيد تتعافي من اللي حصل وتتقبليه عشان تقدري تدخلي علاقات تانيه بشكل صحيح
ايوا بالظبط وبإذن الله تطلعي من الفتره دي احسن بكتير ربنا يقويكي🤍
تم النشر الأحد، ٢٩ مارس ٢٠٢٦
تسلميلي والله استفاادت كتير .. يعني المفروض أبلغه وآخد جمب كداا وافرغ مشاعري مع نفسي صح؟
تم النشر الأحد، ٢٩ مارس ٢٠٢٦
طب الحمد لله انه الأهل موجودين اظن ده بيحتل نسبه كويسه من الامان، بصي مش عارفه ده هيبقى مناسب معاكي ولا بس بالنسبالي هيبقى الاول زي ما قولتلك تبعدي عنه فتره بحيث تشيلي من على نفسك عائق انك في صراع طول الوقت بعدين حاولي اتكلمي في اللي حصل مع حد موثوق وبيحبك ده بيفرق كتير في نظري، وبعدين ابدأي شوفي مشاعرك واشتغلي عليها يعني لو خايفه ان تجربتك تتكرر ابدأي وري نفسك انه لا في تجارب تانيه كتير وكويسه جدا ومفيش فيها الكلام ده بالعكس يمكن التجربه الاولى دي كانت النموذج الاقل اصلا وتفرغي مشاعرك وتعيدي ترتيبها ودي اهم خطوه بالنسبالي، انا شخصيا اوقات كنت اقعد مع نفسي اعمل ريكوردات كتير اتكلم وممكن اعيط براحتي بس الهدف كان اني اعيد فيها ترتيب المشهد وده بيسمحلي اشوف الدنيا من زاويه تانيه يعني في الغالب اول مره بعمل ده غير تاني مره بلاقيني يمكن اكتشفت حاجات وممكن افتكر موقف اعرف انه سببلي خوف او ايا يكن يعني بس الحركه دي بالنسبالي بتساعد جدا والموضوع بيبقى تقيل ف الاول اوي بس بعدين الدنيا بتهدى وهتلاقيكي بداتي ترجعي تفوقي وتقومي من تاني ووقتها ان شاء الله تكوني مستعده تدخلي تجربه جديده وانتي احسن المهم في رأيي بس تعبري عن مشاعرك وعن نفسك مهما كان ده كتير او بياخد وقت وادي لنفسك وقتها هتلاقيها بقت احسن، وده عن تجربه يعني بعمل كده مع نفسي لو وقعت ف موقف صعب اوي ويعني بتنفع بشكل كبير فاتمنى يكون كلامي مفيد ولو بشكل بسيط
تم النشر الأحد، ٢٩ مارس ٢٠٢٦
هحاول أعمل كدا واخد جمب بس اي الخطوات اللي ممكن اعملها عشان ارجع كويسه تاني.. بمعرفة أهلنا أيوا
تم النشر الأحد، ٢٩ مارس ٢٠٢٦
لعرض الإجابة في فدني اضغط هنا