فيدوني في الموضوع
دلوقتي أنا بحب واحد جدا بس اختفينا من حياة بعض فتره وخلال الفتره دي في حد دخل حياتي وقت احتياج فحسسني تقريبا بمعظم الحاجات اللي أنا كنت محتاجاها ومفتقداها فبعد فتره كبيره بعد ما خلاني اديله كل حاجه أنا كمان اكتشفت خيانته بطريقة ما والخيانه دي مفيهاش بنات بس هو خاني بطريقه أبشع بكتير خرجته من حياتي واللي بحبه دا ظهر تاني ولقيته بيتنازل عشاني وبيعديلي حاجات وبيحبني اوي بس انا للأسف بسبب التجربه الأولى تربى جوايا خوف وعدم أمان وعندي طول الوقت شك أن اي تصرف حلو منه ممكن يكون وراه خيانه حاسه اني خنقته وعلاقتنا مبقتش زي الاول بسبب كدا ونفسي نرجع زي زمان وخالص واتعافى من اللي حصل
في رأيي تاخدي شوية وقت بعيد فهميه انك محتاجه وقت لوحدك لحد ما تعرفي تتجاوزي الموضوع الاولاني خصوصا انك لو كلمتي كده ممكن تخسريه خالص وترجعي تتعافي من التجربتين سوا ف ليه كل ده + معرفش علاقتكم بمعرفة الاهل ولا بس الطبيعي انه بلاش علاقات محرمه بتستهلك الانسان وتحرمه من الامان بجد اما تكوني كويسه والشخص ده لسه موجود يبقى يتقدم والموضوع يبقى رسمي ووقتها ان شاء الله يكون في امان اكتر، بس انتي اكيد فاهمه انك لازم تاخدي وقت بعيد تتعافي من اللي حصل وتتقبليه عشان تقدري تدخلي علاقات تانيه بشكل صحيح
تم النشر الأحد، ٢٩ مارس ٢٠٢٦
يا بنتى انتى بتدمرى نفسك ووالله هتندمى وهتيجى بعدين مش هتعرفى تتعافى مفيش حاجة اسمها تبرير فى علاقة ملهاش ملامح زى ما سابك مرة هيسيبك التانيه وهيبقى ليه مبرراته برضه وهتتأذى نفسيا جامد فحافظى على قلبك يا بنت الحلال واحفظى نفسك لحد ما يجى اللى يرتبط معاكى برباط شرعى مفيهوش بقى سابنى شويه وبعد رجع حياتى، رباط شرعى هو الأمان ليكى ولنفسيتك + لازم تقطعي علاقتك فورا بالاتنين ومن غير أى تبرير مش مطلوب منك تبرير أصلا بلوكات للاتنين من على كل المواقع وتقطعى أى حاجه ممكن تفكرك بيهم وتبدئي تحسنى علاقتك بربك وتركزى على نفسك انتى وحياتك وتهتمى بنفسك أكتر ربنا يصلح حالك ويكتب لك اللى فيه الخير.
تم النشر الأحد، ٢٩ مارس ٢٠٢٦
لو قصدك حب الي هو ارتباط فده اركنيه عل جنب اساسا شرعا حرام وفي الغالب انتي ضحيه وهم فرايس بيغذو شهواتهم ولا هتشوفي جوازهم ولا معاكي في حياتك وابسط دليل من كلامك... يا بنت الناس احنا كاولاد ٩٩% تفكيره انه بيتسلى وهيخلص منك وهيدور عل وحده "مكلمتش حد قبله" فنصيحتي سيبك من تضييع الوقت ده وشوفي حياتك وطوري مهاراتك بلا شغل مراهقيين ده واستني الي هيجيلك البيت اشرفلك وحفاظا عليكي وعلى سمعتك وعلى بيتك وعلى نفسيتك
تم النشر الاثنين، ٣٠ مارس ٢٠٢٦
أتفق معاكي .. بس انا محتاجه اقوله الاول اني هبعد عشان اخد وقت بس انا فعلا محتاجه خطوات امشي عليها عشان تعبت اوي بجد وهو مظلوم
تم النشر الأحد، ٢٩ مارس ٢٠٢٦
انا شايفه انك تبعدي عنهم هما الاتنين وتحبي نفسك الأول.
تم النشر الأحد، ٢٩ مارس ٢٠٢٦
يبنت الناس فكك من الكلام ده مفيش حاجه اسمها حب بجد وتتكلمو خاص كل ده وهم والاثنين كانو بيتسلو ولو رجع حد منهم هيتسلى تاني وبعد ما يزهق منك هيروح يشوفلو وحده تاني ... الحب الحقيقي بيحصل في الزواج وفي جلسات التعارف الراجل الي جاي ليكي وداخل البيت من بابه مش من شباكه ... والله العظيم الفتره القصيره الي جربت فيها الارتباط حسيت نفسي بعيد عن ديني وبضيع وقتي ولولا فضل الله عليا الي جعل شغلي وانشغالي في مشاريعي والتطوير من نفسي اولويات عندي وسبب اني اقطع من الكلام المضيع للوقت ده ويوم ما هكون جاد هدور عل بنت "مكلمتش حد قبلي" زي باقي الشباب وبالمناسبه الي حبتيهم دول يوم ما هيتجوزو هيدورو عل بنت "مكلمتش حد قبله" فااا استري نفسك الكلام جدا جاد وموجع اه بس ده الواقع مضيعيش وقتك في كلام فارغ وتعصي ربك في كلام ممكن يبقا عاجز ليكي عن علاقه زواج جاده لقدر الله فتوبي وانتظري ابن الحلال واختاري الي هيجيلك بالعقل لا العاطفه عشان متوقعيش في فخ الزوج الفاسد... ولنا ولكي التوفيق
تم النشر الأربعاء، ١ أبريل ٢٠٢٦
أنا اتخانت من ابن عمي وياريتها جت ع الخيانه بس. دا دمرني وغلط فيا وغير كل دا بعدت عنه اهو بقالي سنين ولحد دلوقتي مش عارفه أتعافى وضيعت واحد بيحبني بجد من ايدي
تم النشر الأربعاء، ١ أبريل ٢٠٢٦
بجد والله العظيم قصتك فيها شبه من قصتى وفعلا بجد اى حد تحبيه من قلبك ويضمن وجودك وبعدين يسيبك عشان هو عارف انك خلاص اتعودتى عليه وحبتيه عشان كده ما فيش امان فى الحب واحنا لما نيجى نحب نعطى كل حاجه حب وطاقتنا واهتمام ونحصد اهمال وخيانه وكدب بس💔
تم النشر الأربعاء، ١ أبريل ٢٠٢٦
بس هو بررلي زمان وزمان دا كان لعب عيال بالنسبالنا احنا الاتنين ف أنا متأذتش منه أنا اتأذيت من التجربه التانيه وحقيقي محتاجه اعرف ممكن اعمل اي يخليني أحس اني رجعت زي زمان وأحسن وان أنا وهو كمان علاقتنا تتصلح
تم النشر الأحد، ٢٩ مارس ٢٠٢٦
انتي مش محتاجة تبرري لحد امشي زي ماهو مشي زمان منغير ما يبررلك
تم النشر الأحد، ٢٩ مارس ٢٠٢٦
لعرض السؤال في فدني اضغط هنا