هو ازي نقدر نتخلى عن الوهم ونوقف صنع شخصيات وهمية ازي نوقف اي افكار وقصص مش حقيقة في دماغنا أنا بعاني من الموضوع من سنين وشبه اتحول لإدمان وبسببه حياتي اتأثرت جامد ممكن موضوع يبان مضحك وغريب ومش متصدق لناس كتيير بس انا عشت سنة كاملة بصنع شخصيات مختلفة واعيش في عالمهم بالساعات لدرجة ان خلاص مبقتش عارف اوقف دا وتعبت نفسيا جامد وبلوم نفسي على حاجات كتير ضاعت مني بسببي و حياتي باظت بسببي انا عارف أن عندي مشكله بس دورت كتييير علي حل بس للاسف فشلت ونفسي كل دا يخلص
مهما يكن ..حتي بعد ما تبطلها ، ما أنا كنت بطلتها بس استمرت معايا لفترة أبني روايات في عقلي وطبعا لاني بحب الكتابة وخصوصا كتابة الروايات فالوضع كان صعب شوية ، لما لقيت إن انا خلاص ، رحت طلعت أفكاري كلها في رواية ونشرتها علي واتباد طبعا انصدمت من التفاعل الرهيب عليها بس حذفتها💁♀️ ، عانيت صراحة بسبب التخيلات دي حتي بقيت مبعرفش انام غير لما انشئ رواية في عقلي لحد ما اغوص في الأحداث وانام ، الموضوع دا من سنتين ، مهما أوصف حياتي كانت عشوائية ازاي سعتها فمفيش وصف يعبَّر ، حتي علاقتي بربنا أيامها مكنتش قد كدا ، لحد بقا ما جه يوم ورحت كتبت كل السلبيات اللي حابة أغيرها وكتبت الإيجابيات اللي عاوزاها ، ثم بدأت بقا بأول ايجابية وهي اني ابدأ أنشئ علاقتي مع ربنا من أول وجديد + جنبها قررت اعتزل عن أي حاجه هتمنعني من تحقيق الغاية دي ، كان الموضوع صعب وكنت بقع وأقوم واحيانا بطوِّل في الوقوع ف الوضع مكنش سهل لكن النتيجة في الآخر كانت تستحق ، الحمدلله تجاوزت الوضع بفضل ربنا وكنت بدعي كتير وربنا أعنِّي وخلاني أنشغل بأمور تانية خلتني اصلا ميبقاش عندي وقت أفكر في خيالات حتي لو عاوزة ، ودا اكتشفته بعدين وعرفت ازاي ربنا خرجني من الوضع دا ، فدي كانت طريقتي في تجاوز الأمر دا .
تم النشر الخميس، ٢٧ أغسطس ٢٠٢٦
أنا فاهمة قد إيه الموضوع ده بيوجعك ومرهقك نفسيًا، وإنك عايشة فيه من سنين ومش قادرة توقفيه. ده مش وهم مضحك أو غريب زي ما بتقولي، ده إدمان حقيقي على الخيال بيأثر على حياتك اليومية ويخليكي تلومي نفسك، وده طبيعي إنك تحسي بالذنب والإحباط. أنتِ مش لوحدك في الصراع ده، وإنك جاية تسألي دلوقتي خطوة شجاعة جدًا. عشان تقللي من الاعتماد على الشخصيات الوهمية، ابدئي بخطوات صغيرة وواقعية. حددي أوقات معينة في اليوم (مثلًا ساعة واحدة بس) وخليها تقل تدريجيًا، وفي الأوقات التانية حاولي تمليها بنشاطات حقيقية زي القراءة أو الرسم أو حتى ترتيب البيت أو تعلم مهارة جديدة بتعطيكي إحساس بالإنجاز. لما تحسي بالرغبة في الدخول في القصة، اكتبي اللي في دماغك على ورقة بسرعة ثم أغلقيها وارجعي لنشاط حقيقي، ده بيساعد على فصل الخيال عن الواقع بدون ما تحسي إنك بتقاومي نفسك بقوة. كمان، ركزي على التعاطف مع نفسك بدل اللوم. كل مرة تلومي نفسك على الوقت اللي ضاع، قولي لنفسك إنك بتحاولي دلوقتي وده كفاية. جربي تبحثي عن أسئلة مشابهة على فدني عشان تشوفي تجارب ناس تانيين وأفكار عملية. لو الموضوع مستمر ومأثر عليكِ بقوة، استشيري متخصص نفسي عشان يساعدك بطريقة مخصصة لحالتك. أنتِ قادرة تتغلبي على ده خطوة بخطوة، وأنا هنا لو عايزة تتكلمي أكتر.
تم النشر الخميس، ٢٧ أغسطس ٢٠٢٦
حاولي تمسكي سبحه إلكترونية وتذكري ربنا بيها كتير طلعي كل اللي نفسك في بيها تصدقي مع الوقت هترتاحي وهتوصلي لحاجات حلوة كتيير هترتاحي اوي صدقيني
تم النشر السبت، ٢٩ أغسطس ٢٠٢٦
شكرا ليكي جدا وبرافو أنك قدرتي تتجاوزي كل دا وتتخلصي منه ياريت في يوم من الايام أبطل واخلص من كل دا انا كمان
تم النشر الخميس، ٢٧ أغسطس ٢٠٢٦
تواصل مع متخصصة افضل
تم النشر الخميس، ٢٧ أغسطس ٢٠٢٦
أنا حتي لو مش بكلم شات جي بي تي او اقرأ روايات برضو دايما فيه اصوات في دماغي للحاجة دي ومهما حاولت اشغل نفسي وساعات بيجلي ارق ومش بعرف أنام الا لما الحاجه دي تحصل
تم النشر الجمعة، ٢٨ أغسطس ٢٠٢٦
بص عايزة اقلك اني انا بردو بعاني من دا ناس كتير كدا يعني خدت فترة انا مع جيمناي بعمل قصص واتخيلها واحداث مش علي ارض الواقع ومازلت بس دا بحصل ف وقت الفراغ هي دي معايا مش عامله مشكله انما المشكله لو انت الأحداث وحشه ف دماغك او حاجات وصور مش كويسه انت نصيحه يعني حاول اللي ف دماغك دا تفرغه تفرغه انك ممكن تستغل دا وتكتب مثلا روايات دينيه حاول تشغل عقلك بدل م انت بتفكر الأحداث دي فكر ازاي تتعلم المهاره واتعمق فيها استبدل الحاجه دي ب حاجه تانيه طبعا كل دا محتاج وقت وكل م تشغل نفسك كتير هقل الموضوع انا زيك بعاني منها وللحظه دي معرفش اي السبب بس حاليا قل الموضوع عن الاول كنت متعديش ليلة الا وافكر من وقت مابقيت بشغل نفسي وخلي همي اني اعرف حاجات تفيدني تغير الأمر ف انت حاول تتعلم مهارة تفيدك وحاول تقرا كتب دينيه السيرة وغيرو عشان بس تجددك الأفكار دي تزيلها يعني لما تقرا مثلا عن النبي والأحداث واللي مر بيه عقلك تلقائي هفكر وحاجه هتفيدك انت عامتا+انت اكيد في باب بوصلك ل كدا يعني مثلا نقطة ضعفك الرويات الغيها مثلا بتعمل احداث مع شات جي بي تي احزفو كدا يعني
تم النشر الجمعة، ٢٨ أغسطس ٢٠٢٦
بس انا الفترة الا عدت دي مكنتش بقرأ روايات اوي ومع ذلك كده الموضوع فضل مستمر وبالعكس زاد
تم النشر الخميس، ٢٧ أغسطس ٢٠٢٦
دا سبب من الأسباب ، حصلت معايا من ثلاث سنين واستمر الوضع لسنة ، كنت بقرأ روايات فكان الوضع معايا زيك كدا لكن تجاوزته الحمدلله بعد معتزلت الروايات لإنها بتاخد من وقتي وبتلحس العقل .
تم النشر الخميس، ٢٧ أغسطس ٢٠٢٦
أيوة بقرأ روايات بس الفترة دي مبقتش اقرأ
تم النشر الخميس، ٢٧ أغسطس ٢٠٢٦
بتقرأ روايات !؟
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا