مقدر مشاركتك تجربتك وحابب أقول إن صدمات الطفولة بالرغم من إنها بتأثر في شخصيتنا وحياتنا لما نكبر ولكن الوعي بيها بيكون طريق للتعافي وإننا نكمل بصورة أكثر توازنا. الرغبة الدائمة في الحصول على الاهتمام من الآخرين بتخلينا نقع في علاقات بتؤذينا اكتر ما تلبي احتياجتنا. عشان كده مهم في فترة التعافي عدم دخول أي علاقة جديدة ومحاولة عدم الاعتماد الكلي على الآخرين وفنفس الوقت تنمية الثقة والاعتماد على النفس من خلال أنشطة بنشوف إننا قادرين نعملها ونفيد بيها الناس. الرغبة في الانعزال عن الام الي انتي شايفاه انها سبب أساسي لمشكلتك مهم نفصل بينه وبين بر الوالدين وايه الواجبات الي علينا تجاه الأم. ومهم إننا نتعلم إزاي نناقش ونعترض ونطالب بحقوقنا. وإن الانعزال ميكنش سبب للعقوق. وفي مرحلة ما الإنسان بيكون محتاج لمتخصص عشان يساعده في رحلة النمو والتعافي
وعيك بالموضوع ده يخليكي تقدري تتجنبي المشاكل فيه. خلاص انتي فاهمة المشكلة وبدايتها فمهم تتعاملي معاها بحكمة. وتحاولي تشوفي سبب الغيرة من اختك
تم النشر الأربعاء، ٣٠ سبتمبر ٢٠٢٦
انا فعلاً جربت اواجها لما كنت خلاص مبقتش قادره استحمل اكتر بس زي المتوقع قلبت الترابيزة عليا و قالتلي انتي بتغيري من اختك الصغيرة انتي عايزة تكوني محور الكون قولتلها انا لا بغير ولا عايزة اكون محور الكون لكن انا شايفة انك منحازة ليها اكتر وده مأثر عليا.. لكن طبعاً مخدتش حق ولا باطل و الكلام اتقفل علي كده. بس لاحظت بقالي فترة طويلة من حاولي 5 او 6 شهور كده ان اختي لما بتشوفني انا وامي قاعدين مبسوطين بنضحك بنتكلم هي بتختلق مشكلة من العدم او تسحب امي وتخليها تتكلم معاها هي
تم النشر الأربعاء، ٣٠ سبتمبر ٢٠٢٦
طيب ده كويس إن العلاقة مع الام كويسة. حاولي متتكلموش عن اختك الصغيرة لحد ما كل المشاكل تكون عرفتي تديريها صح. لحد وقت معين تكوني جاهزة تواجهي مشكلة الأخت
تم النشر الأربعاء، ٣٠ سبتمبر ٢٠٢٦
انا فعلاً حاولت كذا مره ادور علي اسباب تانية للي بيحصل وقولت يمكن انا اللي غلط يمكن انا اللي مش فاهمة لكن فعلا مافيش اي حاجة خلت كلامي صح كل اللي بشوفه ان لما بكلم ماما في موضوع بتطلعني انا الضعيفة و الوحشة واللي مش حابه اختي معني انا مش كده خالص انا بس بحاول الفت نظرها انها مقصرة في حقي لكنها بردو مصرة اني انا الوحشة و الغلط لحد ما يأست اني اتكلم معاها تاني. علاقتي مع امي *لوحدنا* علاقة ممتازة جداً و بحب القعدة و الكلام معاها فوق الوصف و بحس اني باخد بوزيتيف انرجي و سعادة كبيرة اوي لكن لما اختي الصغيرة بتدخل في الاطار الوضع بيتشقلب تماماً
تم النشر الأربعاء، ٣٠ سبتمبر ٢٠٢٦
لعرض الإجابة في فدني اضغط هنا