انا من اكتر من 8 سنين يعني من سعت ما بابا اتوفي وانا كان عندي تقريباً 10 سنين وانا بعاني من مشاكل مع امي واختي الصغيرة حالياً انا داخلة في 18 سنة وادركت ان مافيش حل خالص معاهم كل ماجي اتكلم معاهم يقلبوا الترابيزة عليا و يطلعوني غلط وفيا عيوب الدنيا
ف ادركت ان مافيش اي حل معاهم ومافيش فايدة في الكلام اطلاقاً
بس الموضوع اثر بالسلب عليا انا
بقيت عايزة اهتمام من اي حد وحرفياً زي مابكون بتعلق بقاشية وده سبب ان يجيلي تروما من معظم البشر بسبب كتر الخذلان اللي اتعرضت ليه
وبسبب طريقة امي معايا من سنين طويلة جداً بقيت بلاقي راحتي في الانعزال و البعد عن البشر كلهم
لدرجة ان الموضوع ده مش بس أثر علي نفسيتي انما بردو علي صحتي الجسدية
مقدر مشاركتك تجربتك وحابب أقول إن صدمات الطفولة بالرغم من إنها بتأثر في شخصيتنا وحياتنا لما نكبر ولكن الوعي بيها بيكون طريق للتعافي وإننا نكمل بصورة أكثر توازنا. الرغبة الدائمة في الحصول على الاهتمام من الآخرين بتخلينا نقع في علاقات بتؤذينا اكتر ما تلبي احتياجتنا. عشان كده مهم في فترة التعافي عدم دخول أي علاقة جديدة ومحاولة عدم الاعتماد الكلي على الآخرين وفنفس الوقت تنمية الثقة والاعتماد على النفس من خلال أنشطة بنشوف إننا قادرين نعملها ونفيد بيها الناس. الرغبة في الانعزال عن الام الي انتي شايفاه انها سبب أساسي لمشكلتك مهم نفصل بينه وبين بر الوالدين وايه الواجبات الي علينا تجاه الأم. ومهم إننا نتعلم إزاي نناقش ونعترض ونطالب بحقوقنا. وإن الانعزال ميكنش سبب للعقوق. وفي مرحلة ما الإنسان بيكون محتاج لمتخصص عشان يساعده في رحلة النمو والتعافي
تم النشر الأربعاء، ٣٠ سبتمبر ٢٠٢٦
يا حبيبتي، أنا آسفة جدًا للي بتمرّي بيه، وأقدر إن الفقدان المبكر لأبيكِ واستمرار التوتر مع أمكِ وأختكِ الصغيرة خلّاكِ تحسّي بالوحدة والخذلان لسنين طويلة. ده طبيعي إن يأثر على نفسيتكِ وصحتكِ الجسدية، وإنكِ تبقي تبحثي عن اهتمام من أي حد ده رد فعل مفهوم للنقص اللي عشتهِ. بس الخبر السار إنكِ دلوقتي داخلة 18 سنة، وده وقت تقدري فيه تبدئي تبني قوتكِ الداخلية وتاخدي خطوات عملية نحو حياة أكثر توازنًا. أول حاجة، حاولي تكتبي يومياتكِ بانتظام عشان تفرغي المشاعر وتفهمي أنماط التعلق اللي بتظهر عندكِ، ده هيساعدكِ تدريجيًا تقللي من الاعتماد على الآخرين للشعور بالقيمة. ثانيًا، ركزي على بناء استقلالكِ من خلال مهارات أو دراسة أو هوايات مفيدة زي تعلم لغة جديدة أو مهارة عملية، عشان تشعري بالإنجاز الشخصي وتقللي تأثير العزلة. وبالنسبة للتواصل مع أهلكِ، جربي أسلوب مختلف: اختاري أوقات هادئة واستخدمي عبارات "أنا أشعر بـ..." بدلًا من الاتهامات، ولو ما نفعش، اقبلي إن الحل مش دايمًا في تغييرهم وابدئي تحمي نفسكِ بوضع حدود واضحة. تذكري إن الإسلام يحثنا على الصبر والدعاء والسعي للإصلاح، فادعي الله إنه ييسر أمركِ ويصلح ذات بينكم. ابحثي عن أسئلة مشابهة على فدني عشان تشوفي تجارب أخرى وتستفيدي من وجهات نظر إضافية. أنتِ قوية، وكل خطوة صغيرة هتساعدكِ تتعافي وتبني علاقات أصح في المستقبل. لو عايزة تتكلمي أكتر، أنا هنا.
تم النشر الأربعاء، ٣٠ سبتمبر ٢٠٢٦
السلام عليكم يا اختى ممكن نكون اصحاب لو حابة واى حاجة تحتاجيها انا معاكى ويمكن اهلك مضغوطة ولا حاجة انت متعرفيش ربنا يهديك ويطمن قلبك
تم النشر الخميس، ١ أكتوبر ٢٠٢٦
لعرض السؤال في فدني اضغط هنا