مش عارفه لو الآب ده هيفيد ف اني اعبر لسه منزلاه
مش متاح كتير اني احكي خصوصا لو حد موثوق فعلا ومش عارفه لو ع مدار بعيد هحكي هنا او هحكي كل شئ لان مش بعمل ده ف العادي اني اكون ظاهره بعد م احكي شيء يخصني بس هحاول اشياء كتير متعدده عني معرفش لو كمان ممكن حد يحكم عليا
انا فوق سن المراهقه يعني مش صغيره بحب اتفلسف اوقات بحب الناس الذكيه والي اعلي مني نضجا
اوقات كتير رغم نضجي مش بعرف اتصرف أو اخد قرار وزاد معايا كتير الموضوع ده ف الفتره الاخيره عباره عن كلمتين "مش عارفه" ع كل حاجه طايره مش عارفه عليها حتي لو عارفه بس استيل مش عارفه اقرر وده مش لأن مكنش عندي قرارات تخصني ف طفولتي لا مش كده عموما اغلبيه الناس مبتقررش حجات كتير ف حياتها بسبب مجتمع بس خلينا ف موضوعنا أن ده بجد مآثر عليا محاوله اني اعرف انا عاوزه اي فعلا ف فتره ما كنت عادي بقول لا ل اي حاجه مش حباها اتعلمت اعمل ده بس مش معني ده اني انطوائيه انا اجتماعيه بس ف نفس الوقت انطوائيه بحسني حجات كتير لدرجه كبيره لدرجه ان اوقات مبعرفش ده انا فعلا أو انا ايه ف حجات بنيتها لوحدي كانت تعبر عني اوقات بردو اقتنيت اشياء من الآخرين عارفه إن معرفه النفس بشكل كافي يمكن مش كتير بيوصلها بس بحس أن ليه مكنش فهماني وبحس اني ممكن اتكلم ف حجات كتير ف نفس الوقت ملهاش علاقه ببعض
بكره التخطيط ف مبخططش عشان لو حصل مش بعمل الي خططته
ببعد الناس عني ويفرح فرح مؤقت أو يمكن يختبر رده فعلهم لما ابعدهم ومعرفش ليه بس اوقات كتير بحب اكون لوحدي بحس أن ده الافضل ليا بنسي لدرجه مش صغيره عشان كده مش فاكره الفتره الي كنت بكون فيها لوحدي هل كنت مبسوطه فيها خايفه ابعد عن كل صحابي ف احس ب ايرور مع اني مش بالقرب الحتمي يعني اوقات بهرب من المسؤوليه لو حسيت بضغط بس الاكيد ان لما مثلا بحس اني مدايقك بحاول افيكس دا بدري يمكن ف نفس اليوم وكل م بحس اني بعمل حجات اي يكن الحجات دي اي بحس اني كده افضل
بحب الهوا ف بتمشي كتير بس اوقات بكون مدايقه وانا بتمشي لدرجه ممكن تخليني اسال انا فعلا بحب اتمشي ! تناقضيه كتير
بحب اكتب مبحبش احكي لحد عني لازم يكون ف جذئي الخاص او يمكن حرفيا مش بقول حاجه غير الي عاوزه اقوله بحب اكتبلي قبل م اكتب ل حد او لما احكي ممكن احكي عشان حابه احكيلي عني معرفش ده غرور ولا اي بس معتقدش عشان أنا مش كده
أهلا وسهلا بك يا جميلة ممكن تتواصلي مباشرة مع أحد الخبراء يقيدك تفهمي نفسك وتقيمي اختياجاتك وأهدافك
تم النشر الجمعة، ١٦ أكتوبر ٢٠٢٦
قبل إى شئ أنا عايزك تدرجي شئ مهم جداً، كلامنا عن نفسنا هو اكتر شئ بيأثر فينا، لأن محدش هيكدب على نفسه ولا هيعرف أصلاً، فلازم تخلي بالك كويس جداً أنتي بتقولي إى لنفسك و أزاي، ايوا عايزاني اكلم نفسي يعني زي المجنونة؟ لأ مش بقول كده، اللي بقولة أنك بدل ما تقولي مش عارفه قولي المره الجايه هبقى احاول اعمل كذه علشان كذه أو أنا مش عارفه الحاجة دي دلوقتي لكن هتعلمها و اعملها المره الجايه إن شاء الله، خودي بالك لأن الإنسان خلق ليتكيف فمتبرمجيش عقلك على أنو يجرح نفسه. --------- القصة القصيرة المتجزءة اللي هتقرأية دي قصتي مش قصة لقتها في النت ولا حاجة ولا في كتاب، هيا بس تجربه شخصية ساعدتني جداً. --- لما كنت في ابتدائي و اعدادي نتيجة لظروف اللي اتعرضت ليها، كنت دائمًا مش بحب اتكلم مع حد خصوصاً عائلتي مش من كره ليهم بل لعدم فهمي و وعي الكامل و حتى اصحابي مكنتش بحب اقعد معاهم و حتى لما حد منهم يجي يقعد معايا علشان نلعب كنت ببقى عايز امشية بأسرع وقت، فكنت حرفياً واخد جنب من كله و حتى لو اتكلمت مع اخويا الكبير مكنتش بحكي كل حاجة كان دائماً في اجزاء ناقصة و هيا الأجزاء المهمة بالمناسبة، كنت ببقى قاعد وسط القعدة مع عائلتي "يمكن الغبي اذكى منى" و ده لأني كنت شايف نفسي عارف كل حاجة و فاهم كل حاجة و هما مش فهمين ولا حاسين، و كنت دائماً بقول لنفسي اللفظ ده "أنا الوردة البيضاء وسط المرجان الأسود"، كنت شايف نفسي أحسن من الكل لأني أنا، ولكن في نفس الوقت مكنتش ببين كده و كنت بتعامل بتقليل، بس في نفسي أنا شايفهم أقل مني، و في نفس الوقت شايف نفسي أقل منهم بكتير!!! تعدي الأيام و اوصل لمرحلة خطيرة جداً، فيشاء القدر بأني اقوم اصلي الفجر في يوم من الأيام بعد ما كنت منقتع عن الصلاة أصلاً و معرفش يعني إى جامع أصلاً، بعد الصلاة دي و بعد اليوم ده من حوالي 5/6/7 سنين و أنا بقيت شخص تاني، لأني مشيت على نهج واحد فقط "أرشدني يا الله"، والله فقط لا روحت لحد و قولتله ساعدني ولا عملت شئ كله بيجي من عند الله و أنا حتى مستحقش، فهمت يعني إى عائلتي مهمة، يعني إى الواحد يكون ةحيد فعلياً، يعني إى مشاركة، يعني إى صحاب، يعني إى تجهيز لما هو قادم، يعني إى مشاعر بكل انواعها، عرفت مين هو كمال، و اهمهم فهمت يعني إى بساطة و غيره كتير جداً فهمته. ---------- طيب كل ده عرفت افهمه منين عرفت افهم كل ده ازاي؟ أولا ده بفضل ربي مش بمجهود مني، بس ربنا وجهنى لفعل أنا مش كانت الناس بتتريق عليا بسببة لأ، أنا كان الناس بتتمسخر مني بسببة و كنت بسمعهم بيضحكوا كتير بسببه، مش قدامي طبعاً لأن اللي كان بيقول عليا كلمة في وشي و هيا فيها تريقة كنت بهزقة بالزوق و الأدب، طيب إى هيا الحاجة دي؟ حرفياً حتت نووته ملهاش لازمة تفضل في ايدك و جيبك طول اليوم و تفضل حتى جنبك و أنتي نايمة، و تكتبي فيها كل خاطر ضايقك أو فرحك، و بعد فترة اقرأي كلامك، هتلاحظي حاجات كتير اوي عن نفسك هتفهمي كتير أوي عن اهم انسان في الدنيا دي ليكي بعد سيدنا النبي و والديكي ألا و هيا نفسك، كل اللي مطلوب منك هو استمرار بسيط فيها لمدة من الزمن، مش هقولك هتوصلي لأي لما تفهمي ده كله علشان محرقش عليكي الأحداث لكن لو افتكرتيني هتدعيلي و هتفهمي لوحدك أنت وصلتي لأي. -------- و عايز اقولك حاجة تاني مش عيب منبقاش عارفين ناخد قرار لوحدنا، ربنا خلقنا كلنا مختلفين، بصي كده الايتين دول، ﴿وَتَعَاوَنُوا عَلَى الْبِرِّ وَالتَّقْوَىٰ﴾ — المائدة: 2. ﴿وَأَمْرُهُمْ شُورَىٰ بَيْنَهُمْ﴾ — الشورى: 38 فمش عيب نقول لا نعلم و نسأل علشان نعلم و نطبق، و في تاني كتير زي مثلاً: ﴿يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ﴾سورة الحجرات، الآية 13 فمش عارفه حاجة اسألي لأ حياء في طلب العلم ولا في الدين -------- حاجة تاني عايز اقولك عليها، محصلش في مره كنتي بتضحكي مع صحابك أو اهلك و بتدخلوا في موضوع و التاني؟ ده هو العادي أصلاً، مكنش قصدي كده قصدي اقول آني ببقى عايز احكي كذه حاجة مختلفة، مهو أحنا بشر كلنا موجودين ليه؟ علشان نكون اسباب لبعض مش اكتر، شوفي مين اقرب ليكي و اتكلمي معاه (يفضل لو يكون فرد من العائلة لو بالإمكان، لو مش كده ممكن يكون صحبتك و تكون موثوقة) ------- كمان حاجة حقك عليا أنا عارف آني طولت أوي، مش كل خطة بنعملها بتنفع!، يعني إى معملش خطة أصلاً و افكني؟ لأ خالص اعملي خطة بس خليكي مرنه لو حصل إى خلل تعرفي تغيري عادي و تكملي إن شاء الله، و من نعم ربنا علينا اننا ننسى، لو هنفضل طول عمرنا فكرين إى هنقتل نفسنا بالبطئ، لو حد فينا يفتكر الفترة اللي بنكون فيها في بطئ امهتنا هيقتل نفسه لأنه في ظلمة قاتله و هشاشة رهيبة، فالنسيان نعمه كبيره جداً لازم تعطى حقها. ------- اخر حاجة اوعدك 🥲 من العادي اننا نرجع لنفسنا و نجمع كلامنا و افكرنا قبل ما نقولة لحد، حتى لو الكلام مش محتاج كده لكن ده شئ لازم لأن احنا بنتكلم عن نفسنا و فمش عايزين نقول إى حاجة وخلاص. و اخيرا انصحك تبعدي عن السوشيل ميديا بشكل كبير وتقربي من ربنا و تجربي تقرأي في القران بشكل يومي و تطلبي منه بصدق النية و سيبي السحر يشتغل لوحده. في فيلم انيميشن صغير انصحك تتفرجي عليه اسمه The boy, the mole, the fox and the horse في حالة لو صعب تلاقيه الفيلم في لينك على جوجل اهو https://photos.app.goo.gl/2dXdj17M7bcmoBgh8 انصحك برضوا تتفرجي على فيلم انيمشن تاني اسمة (Soul) ده جميل جداً و مع كل مره هتتفرجي عليه هتتعلمي كتير عن نفسك لكن المهم تتفرجي بتركيز. و انصحك تتابعي احمد ابو زيد على قناة اسمها دروس اونلاين و اكيد مش هنسى بما انك بنت انصحك تتابعي الاستاذة هالة سمير و تابعي كريم اسماعيل على الفيس و اليوتيوب و لو بتفهمي انجليزي كويس انصحك تشوفي سلسلة ضياء عليان و اسامة الشرفة https://youtube.com/playlist?list=PLhKrJU_9DBvevKwKW9fMOdrwHsgdtjVd0&si=yzVU0lwhnhrC2o0V https://youtube.com/@droosonline4u?si=Uqe8HUY0ptV6bq-b https://youtube.com/@halasamir?si=p6zfkC_qiiKjho0q https://youtube.com/@kareemesmail?si=GH94IE4_ViJyp1Pf و طبعا قناة بدوكاست فاهم و وعي على اليويتوب https://youtube.com/@waie?si=5REdB5Zrh5kkKmu4 https://youtube.com/@fahem.podcast?si=BNKB6uPYfyfXwFc8 وبس هسيبلك صور تحت اتمنى تساعد. و اخيرا اتمنى يكون في إفادة...
تم النشر السبت، ١٧ أكتوبر ٢٠٢٦
أهلاً بيكِ يا قمر، وشكراً إنكِ شاركتِ كل ده بصراحة وشجاعة. اللي بتوصفيه طبيعي جداً، خاصة لما تكوني فوق سن المراهقة وبتحاولي تفهمي نفسكِ بعمق أكتر. السؤال "أنا مين؟" مش لازم يتجاوب عليه في يوم وليلة، وده بالضبط اللي بتقوليه: ممكن ياخد وقته، وده مش ضعف، ده نضج. التناقضات اللي بتحسي بيها (اجتماعية وانطوائية في نفس الوقت، بتحبي التمشية وأحياناً بتضايقكِ، بتحبي تكتبي ومش بتحبي تحكي) مش عيب ولا غرور، ده دليل إنكِ إنسانة متعددة الأبعاد. كتير من الناس بيحاولوا يحطوا نفسهم في صندوق واحد، لكن الحقيقة إن الشخصية بتتغير حسب الظروف والمشاعر. اللي بيحصل دلوقتي إنكِ بتحاولي تفهمي الطبقات دي كلها، وده خطوة مهمة. عشان تساعدي نفسكِ في الفترة دي، جربي تكتبي يوميات صغيرة بدون ما تخططي ليها. اكتبي بس اللي بيجي في بالكِ في اللحظة، حتى لو كان "مش عارفة" بس. مع الوقت هتلاحظي أنماط واضحة عن إيه اللي بيسعدكِ فعلاً وإيه اللي بيضغطكِ. كمان، لما تحسي إنكِ "مش عارفة" تقرري، جربي تسألي نفسكِ سؤال بسيط: "لو مفيش حد هيحكم عليا، هختار إيه دلوقتي؟" ده بيقلل الضغط الخارجي شوية. أنتِ مش لوحدكِ في الرحلة دي، وكتير من الستات بيمرّوا بنفس الشعور ده. لو عايزة تكملي الحكي أو تسألي عن حاجة معينة، أنا هنا أسمعكِ وأساعدكِ تفكري بصوت عالي. ولو حابة تشوفي تجارب مشابهة، ابحثي عن أسئلة مشابهة على فدني، هتلاقي وجهات نظر كتير مفيدة.
تم النشر السبت، ١٧ أكتوبر ٢٠٢٦
مش شرط والله انا لسه جديده ف طلعلي اني امنشن ف لست متحيره ف ده
تم النشر السبت، ١٧ أكتوبر ٢٠٢٦
سؤال معلش أنا شايف حضرتك عامله منشن للأستاذة ألاء بس، هل حضرتك منتظرة رد تاني ولا عايزه هيا ترد بس؟
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا