عايزه اتكلم معاكم ف حاجه وتفيدوني اعتبروني اختكم
انا خايفه من موضوع الزواج بسبب اسباب كتييره اوي منها انو هو يكون وحش معايا بعد الجواز لان اكيد مبيظهروش قبل بس بردو واثقه ف ربنا لانو نجدني من خطوبه كانت هضيع عمري ونجدني من اشخاص مش مناسبين واثقه اوي ف ربنا
المشكله بقى ف خوفي المهم انا مش فهمه شعور الراحه ده ازاي يعني اصلي استخاره بس مبتجيش الراحه ده ومش فهماها هتكون ازاي وبوافق ولو الامور متمتش بفهم انها الاستخاره هي سحر فعلا
المهم انا مرتحتش او فهمت شعور الراحه ده غير مع شخص من وسط خمسين شخص اتقدم ده بس بس هو رفضني بس على الاقل فهمت يعني اي راحه للشخص
متقدم ليا شخص اقل مستوى من الي ارتحت له مش بقلل منه والله بس بعيط حاليا ليه بقى عشان مش عايزه اتجوز اصلا عشان خوفي ده
ما هو في نااس صالحين ربنا ابتلاهم ف زواجهم وارجع اقول ف نفسي ربنا لا يحملنا ما لا طاقة لنا به بيكون عارف اننا هنتحمل
بصوا انا متلخبطه وبعيط ومخنوقه ومش عايزه اتجوز وبردو نفسي اتجوز شخص مش كامل بس مثالي ف عيني انا دين اعلى مني وخلق وقدوه ليا ولعياله وسوووووي نفسياااا اهم حاجه
مستوى مادي مقبول ف مكان كويس عشان عايزه عيالي ينشأو ف اماكن كويسه
بس الي بيجي عكس كده انا بسيطه والله مش متطلبه بس انا نفسي اكون ام صالحه ومعايا اب صالح لعياله يعرف يصاحبنا ويكون حنين اوي
انا بخاف من الصوت العالي مبحبهوش والراجل وقت عصبيتو طبعا عارفين انا بعاني من نفسي بجد مش عايزه وعايزه بردو نفسي احب بجد بس بخاف ع مشاعري اوووي انا اللهم لك الحمد عمري ما ارتبطت بحد لاني بحوش ده للي هيكون من نصيبي فكمان عايزه الي يستاهل ده لاني عارفه اني هكون طيبه اوي معاه وحنينه اوي وهديلو مشاعري كلها
بس كمان بشوف ان الي بيتقدمو ميستهلوش ده لاني بخاف ع نفسي مش بحس بامان خاالص ومعنديش ثقه
قرأت فاتحه مرتين بيبقى عايزين سهر وحب وانا مش من النوع ده بحس اني بسرق حاجه مش من حقي لسه، مبيفهموووش وانا بتكسف اني اشرح ده انت كراجل ليه مش فاهم انها بتحافظ ع نفسها الشخص الي ارتاحت له الوحيد الي كلمني عن ضوابط الخطوبه وازاي عايز يربي عياله صح وينشأهم ف مكان صحي حسيت ب امان اوي ل اول مره بس هو قال مش مرتاح
حقه بس داخليا متعلقه بالشخصيه دي عايزه زي الشخص ده مش اقل منه
هل اني ارفض اشخاص اقل منه يبقى حرام عليا انا مش صغيره انا هتم ال ٢٧ بس انا مش عايزه اتجوز وخلااص مش عااايزه ده
السلام عليكم ورحمه الله وبركاته. مش عارفه ليه حسيته كان في عليك ضغط من انك تحاولي تقبلي حد هل الضغط ده من جواكي داخليا اللي هو كفايه بقى رغد ويلا نقبل حد ولا الكلام ده بيتردد من حواليك كتير عموما ان كان الضغط جيد داخليا من جواكي من فكره داخليه او من اللي حواليك احنا محتاجين نتخلص من الضغط ده بحاجه بسيطه جدا انه احنا مستعجلين على ايه يعني ايه اللي احنا هنكسبه اا لما نقبل بحاجه مش زي ما احنا عاوزينها بالعكس ده كده احنا رايحين للخساره اكيد انت مش عايزه تخسري ببساطه كده يا اما جواز الاقي فيه اللي انا بدور عليه يا اما بلاش ببساطه كده خلاص ده يكون قرار جوه نفسك او للناس اللي قدامك فبناء عليه ااا انا مش هقفل الباب خالص ولكن هاستقبل اللي جاي لقيته بما يتناسب مع المكسب اهلا وسهلا لا يتناسب مع المكسب وهيؤدي الى خساره لا يبقى ما يكلف الله نفسا الا وسعها وكل شيء قسمه ونصيب ااا اللي انت لقيتيه في الشخص اللي انت ارتحتي ده جميل جدا انت كده اتاكدتي انه المواصفات بتاعتك موجوده مش خياليه يعني عادي جدا ما هو في بني ادمين اهو شبه ما انت بتدوري. عايز ان شاء الله ربنا يرزقك بغيره اللي يكون القبول ما بينكم متبادل وهي دي الراحه اللي انت بتتكلمي عليها اللي هو القبول المبدا طب هل القبول المبدئي بيضمن انه خلاص اكيد البني ادم ده هو اللي انا عايزاه بالظبط لا ده القبول المبدئي ده هو يعني الشيء اللي بنبدا به عشان نقدر نتعرف على بعض اكثر ونتاكد انه فعلا احنا مناسبين لبعض وطبعا الفتره اللي احنا بنحددها كفتره خطوبه فاا ابعدي عن الضغوط سواء داخليه من عندك من افكار داخليه او من اللي حواليكي وركزي على انك هتنتظري ان يكون انسب لك وبس مفيش اي حاجه هنا تقول انه انت كده بترفضي اقل منك لا انت عندك شروط محدده وده من حقك كونوا ااا الشخص المتقدم لك ااا يعني لا تتوفر في الشروط اللي انت بتدوري عليها ده معناه انه. هو مش هيقدر يوفيكي حقك ان انت بتدوري عليه وبس كده وما فيش حاجه اسمها بقى ان انا عشان خاطر ما اكسفهوش يعني ده جواز مش مش فنجان قهوه هنعزمه عليه يعني هوني على نفسك وان شاء الله ربنا يرزقك بالزوج الصالح اللي يتوفر في كل اللي انت بتتمنيه.
تم النشر الثلاثاء، ٢٩ يوليو ٢٠٢٥
أختي العزيزة، ذكية معك هنا، وأول شيء أحب أقول لك إن مشاعرك طبيعية جدًا، والخوف اللي حاسة بيه أكثر من مفهوم في موضوع الزواج خصوصًا لما يكون عندك تجارب أو تخيلات سلبية أو حتى كم هائل من التوقعات والقلق. خليني أساعدك أرتب أفكارك شوي وأشاركك بعض النقاط اللي ممكن تفيدك: الخوف من الزواج ومن أن يكون الزوج "وحش" بعد الزواج : هذا خوف منطقي، خصوصًا إذا بنظرتك للأمور مبني على تجارب السيئة عند غيرك أو قصص حوالينك. لكن تذكري أن الزواج علاقة مبنية على التفاهم والاحترام، وإذا كنتِ تزوجتِ شخص مناسب فعلاً، لن يكون فيه "وحشية"، لأن الزواج شراكة. النصيحة: اطلبي من الله يثبتك على اختيار الرجل الصالح، واعملي على معرفة صفاته الحقيقية قدر الإمكان من خلال الخطوبة والمحادثات المفتوحة. الاستخارة وعدم الشعور بالراحة : الاستخارة هي طلب الهداية من الله، والراحة اللي نتمناها قد تأتي بأشكال مختلفة، مش دايمًا نعبر عنها بالطمأنينة الفورية. الراحة أحيانًا زي إحساس داخلي بسيط، أو إحساس بأنك مش مضطرة تضغطي نفسك أو تشعري بالخوف من خطوة معينة. لا تتأثري إذا ما جاتش الراحة بالسرعة اللي تتوقعيها، لكن تابعي الدعاء والصبر واستشارة أهل العلم والناس المحترمين. اختيار الرجل المناسب : أنتِ تبحثين عن الرجل المثالي في نظر عقلك وقلبك، وهذا شيء جيد لكنه يحتاج توازن. لا يعني أن تطلقي الرفض على أي شخص أقل من المعايير اللي رسمتيها، لكن أيضًا خلي عندك مرونة مع الصفات الأساسية: الدين والخلق والأمانة. ماديًا الأمور مهمة لكن الدين وحسن الخلق أهم، لأن المال يتغير والظروف تتقلب، أما الدين والأخلاق فهي ركائز ثابتة للراحة. الخوف من الحب ومن فقدان الأمان : الحب شيء جميل لكنه يحتاج وقت، ومش لازم يخوفك إذا كان مبني على الاحترام والتفاهم. خليك مؤمنة بأن الله سيحميك، وكوني قويّة في موقفك واطلبي العون منه دائمًا. عدم الرغبة في الزواج الآن : قرارك واحترام مشاعرك أمر مهم، مش لازم تسرعي أو تضغطي نفسك. لكن في نفس الوقت، خليك دائما منفتحة على الفُرَص الجيدة، خاصة لو حسيتي بالارتياح والأمان. تذكري أن الله سبحانه وتعالى يختار لك الخير، فلا تفقدي الأمل. أختي العزيزة، أنصحك تتطلعي على قصص وتجارب ناس استفادوا من طريق استشارة خبراء في العلاقات والزواج على فدني، ممكن تلاقي إجابات تناسبك أكثر وتساعدك. وإذا حبيتي، ممكن تراجعي صفحة خبرائنا في موقع فدني، هناك تجدين استشاريين متخصصين يمكنهم مساعدتك في فهم مشاعرك واختيار الطريق الأفضل بإذن الله. وفي النهاية، لا تنسي دعاء الله كثيرًا وطلب التيسير والبركة في حياتك. أنتِ أختي وأتمنى لك الخير والأمان والسعادة الحقيقية. هل حابة أن نقسم الموضوع أكثر ونتكلم عن نقاط معينة؟ أنا هنا أسمعك وأدعمك دومًا. <3
تم النشر الاثنين، ٢٨ يوليو ٢٠٢٥
بصي انتي غالبا مش هو ده اللي انتي عايزاه انتي عشان هو رفضك عقلك صورلك كده حاولي تكوني صادقه مع نفسك وتشوفي انتي اتعلقتي بالشخصية دي اكتر بعد ما قال إنه مش مرتاح.صلاة الاستخارة مش بس انك تحسي براحه انتي بتصليها مرة واتنين وتلاته لما تحسي براحه هتمشي في الخطوبه لو لقيتي الموضوع متيسرش يبقى مكانش خير ليكي.وانتي مش مش عاوزة تتجوزي انتي قلقانه استعيني بالله الجواز سنه الحياة واكيد اهلك ليهم نظرة في الأشخاص اللي بيتقدمولك ممكن يساعدوكي في الاختيار
تم النشر الثلاثاء، ٢٩ يوليو ٢٠٢٥
ما هو قرار الجواز مبيجيش في لحظة عموما اذا كان كده او كده ف واضح أن مفيش نصيب متوقفيش حياتك على شخص كل اللي جمعكم دقائق معدودة وزي ما هو موجود هتلاقي الاحسن منه باذن الله
تم النشر الأربعاء، ٣٠ يوليو ٢٠٢٥
تؤ صدقيني انا موافقه من قبل ما اقوم هو انا كنت معترضه اني اقعد معاه ومش عايزه ك عادتي بس لما قعدت قلت هو ده لعله خير اكيد مش عرفه اصلا انا عاايزه اي حقيقي
تم النشر الثلاثاء، ٢٩ يوليو ٢٠٢٥
لعرض السؤال في فدني اضغط هنا