انا طالبه ف كليه علوم ومشكلتي ان مبعرفش اذاكر غير وانا بكلم حد وبشرح له حاولت كتير أذاكر مع نفسي بس لما بسرعه وانا معنديش صحاب قريبين مني انا بجد نفسي يبقى معايا لو حتى حد واحد بس الشخص ده يكون قريب مني يكون صاحبي بجد
السلام عليكم، طيب قبل الكلية وخلال سنين الدراسة من ابتدائي لثانوي كنتِ بنفس الطريقة؟ كان لازم تذاكري مع زمايل لك ولا كان عادي؟ ** أعتقد ممكن تعملي نفس الشيء من غير شخص مادي يعني... تخيلي إنك في حد معك وبتشرحي له وممكن تشغلي فيديو الموبايل وتسجلي كأنك بتشرحي لطلبة قُدامك. وده هيفيدك كمان لما تراجعي المحاضرة اللي ذاكرتيها من الفيديو، ممكن تنتبهي لنقاط وقفت قصادك أو محتاجة تركزي عليها أكتر وهكذا. ** دربي عقلك على كده وهياخد على الفكرة، يعني تخيلي مثلا إنك فتحتِ قناة يوتيوب وبتشرحي لطلبة سواء أونلاين أو بتسجلي فيديوهات وترفعيها على القناة. جربي كده الفكرة دي يمكن تساعدك. ** حل كمان إنك ممكن تبادري وتسألي في السكشن بتاعك أو زمايلك عمومًا إذا فيه حد محتاج مساعدة في شرح أو مذاكرة ومش شرط تكونوا صحاب عشان تذاكروا سوا في الكلية على فكرة. ** يعني، حاولي تتغلبي على النقطة دي لأنك أكيد مش هتهملي دراستك ومستقبلك في حالة فضل العائق ده موجود أو ملقتيش صديقة مقربة جدا زي ما انت عاوزة. وبالتوفيق إن شاء الله.
تم النشر الأحد، ٧ ديسمبر ٢٠٢٥
ممكن تقولي للبنات زمايلك في الجامعه لو حد مش فاهم ممكن تشرحيله أو تعملي جروب وتضيفي فيه بعض زمايلك البنات و تقولي ليهم انك مش بتعرفي تذاكري غير انتي و بتشرحي لحد . وأعتقد أن هما هيرحبوا بالفكره جدا .وابدأي سجلي ريكورد وانتي بتشرحي ونزليه في الجروب وربنا يوفقك يارب ويرزقك اجر مساعدتهم
تم النشر الجمعة، ٥ ديسمبر ٢٠٢٥
انا بنت عموما لسه واخده بالي اني مسجله بايميل تاني المهم انت في جامعه ايه وسنه كام ممكن نكون صحاب على الأقل الاقي حد يشرح لي 😅🤝
تم النشر السبت، ٦ ديسمبر ٢٠٢٥
انا في كليه علوم انا كمان
تم النشر السبت، ٦ ديسمبر ٢٠٢٥
لعرض السؤال في فدني اضغط هنا