السلام عليكم ورحمه الله وبركاته
انا عاوزه شخصيتي قويه ومش ابقى خايفه من حد ولا اتأثر بوجود او غياب حد من حياتي
اشغلي حياتك وقربي من ربنا... حياتك كل ما كانت فاضيه هتولد فراغ وبالتالي الفراغ بيكبر اي حاجه حتي لو كانت صغيرة جداً.. اشبه بإنك جبتي نقطه ميه حطتيها في كوبايه فاضيه هتفرش في الكوبايه كلها.. كذلك الفراغ... كل ما مليتي حياتك واشتغلتي علي نفسك انك تطوري نفسك هتبعدي عن الخوف... وعموما بناء الشخصيه القويه مش بيجي من قراءة الكتب فقط... لازم تكوني بتعملي شئ في حياتك يحسسك بقوة شخصيتك دي... لو حياتك تافهه او فاضيه مفيش حاجة بتسعي ليها اكيد طبعاً هتحسي اصلا انك مش عندك شخصيه.. رايحه وجايه مع الرياح كما شاءت... وبما ان حياتك فاضيه ف اي حد هيدخلها سواء شخص كويس او شخص توكسيك.. هتمسكي فيه بإيديك واسنانك.. لان معندكيش حاجة غيره... ومينفعش ميكونش عندي حاجة في حياتي غير شخص لان اكيد دي حياه جحيم... الاشخاص وجودها مهم اكيد وطبعا كلنا بنخاف من الفقد ده طبيعي... بس مش فقدان شخص او وجوده هو اللي هيقرر انا هموت ولا هعيش... اشغلي نفسي وقربي من ربنا ومتخافيش من شئ.. كل شئ مقدر ومكتوب
تم النشر الأحد، ١٢ يوليو ٢٠٢٦
السلام عليكم ورحمه الله وبركاته. قبل ما نقول ازاي ابقى الشخصيه دي انا اصلا عايز اكون الشخصيه دي هل عدت علينا ازمات او مواقف توجع او اشخاص خجلونه؟ حاجات مش لطيفه هي اللي خلتني نقول لا خلاص كفايه كده بقى واحنا عايزين نكون شخصيه اكثر قسوه او شخصيه ما بيهمهاش حد والاستغناء عندها شيء عادي هو ده اللي حصل ولا اي سبب.
تم النشر الأحد، ١٢ يوليو ٢٠٢٦
الموضوع بيحتاج تدريب وتغيير في طريقة التفكير والشخصية القوية مش معناها القسوة معناها انك تكتفي بذاتك و مصدر سعادتك جواكي مش برا فحاولي مثلا تشغلي نفسك ..بمشروع تعمليه ، تقرأي تثقفي نفسك أو حتى تهتمي بشكلك ومظهرك دا ع فكرا بيخليكي لما تشوفي نفسك جميلة شكلا بردو بيفرق ..وغيري نظرتك للوحدة تماما الوحدة مش عيب لو اتصالحتي مع القعدة مع نفسك .. الشخص اللي بيعرف يستمتع بوقت لوحده وبأفكاره بيبقى صعب جداً حد يبتزه عاطفياً بالغياب وخلي دايما فبالك فكرة ان حد موجود اهلا وسهلا مش موجود تمام بردو وان الناس مراحل .
تم النشر السبت، ١١ يوليو ٢٠٢٦
وعليكم السلام ورحمة الله وبركاته. أولاً، أحييكِ على رغبتكِ الصادقة في بناء شخصية قوية ومستقلة، فهذه خطوة مهمة نحو راحة نفسية أكبر. الخوف من الهجر أمر شائع، خاصة في مجتمعاتنا التي تربط قيمة المرأة أحيانًا بوجود الآخرين، لكنه ليس قدرًا محتومًا، ويمكن التغلب عليه بالتدريج. ابدئي بتعزيز علاقتكِ بنفسكِ أولاً. خصصي وقتًا يوميًا للقيام بأشياء تجلب لكِ الرضا دون الاعتماد على أحد، مثل تطوير مهارة جديدة أو ممارسة هواية تحبينها أو حتى قراءة كتب تتحدث عن بناء الثقة بالنفس. كلما زاد شعوركِ بأنكِ قادرة على الاستمتاع بحياتكِ وحدكِ، قلّ تأثركِ بوجود أو غياب الآخرين. تذكري أن قيمتكِ الحقيقية تأتي من الله، وليس من الناس، فالتوكل عليه والدعاء بأن يملأ قلبكِ بالقناعة والقوة يساعد كثيرًا في تهدئة هذا الخوف. ثانيًا، مارسي وضع حدود صحية في علاقاتكِ. عندما تشعرين بالخوف من الابتعاد، توقفي قليلاً واسألي نفسكِ: "هل هذا الشخص يعاملني باحترام أم أنني أتمسك به خوفًا فقط؟". تعلمي قول "لا" عند الحاجة، ولا تجعلي سعادتكِ مرهونة باستمرار وجود شخص معين. هذا لا يعني الانغلاق، بل يعني أن تكوني حاضرة في العلاقات باختياركِ وليس بدافع الخوف. أخيرًا، إذا كان الخوف شديدًا ويؤثر على يومكِ، فكري في البحث عن أسئلة مشابهة على فدني لتري تجارب أخريات وكيف تعاملن معها. أنتِ قادرة على التغيير، وكل خطوة صغيرة تقومين بها اليوم تقربكِ من الشخصية القوية التي تطمحين إليها. أنا هنا لأساندكِ في أي وقت.
تم النشر السبت، ١١ يوليو ٢٠٢٦
*التعلق بالله* يرزقك العزّة والاستغناء عن كل من سواه
تم النشر الأحد، ١٢ يوليو ٢٠٢٦
فيه حاجات كويسة وسهله .. ممكن تشوفى علاقات خطرة .. لا بطعم الفلامنكو ..
تم النشر السبت، ١١ يوليو ٢٠٢٦
القوة انك ما تخافيش من حد وانه كلنا بشر مخلوقين من طين ف اوعي تخافي من حد غير من رب العالمين مين الناس علشان تخافي منهم او من رأيهم أهم شئ انتِ مين عند رب العالمين
تم النشر الأحد، ١٢ يوليو ٢٠٢٦
ايه السبب انك عايز كده ... هل تعرضت لهجر ؟
تم النشر الأحد، ١٢ يوليو ٢٠٢٦
مش بفهمها
تم النشر السبت، ١١ يوليو ٢٠٢٦
قراءة كتب تنمية
تم النشر السبت، ١١ يوليو ٢٠٢٦
لعرض السؤال في فدني اضغط هنا