السلام عليكم ورحمه الله وبركاته طب انت اعجبتي بيه ليه انت ذكرتي بعض الصفات اللي هي صفات كويسه متدين عنده خلق ظاهر في تصرفاته كلامه كويس فيعني صفات مبدئية تخلينا ممكن نشوف اي حد ده شخص كويس بس هو ده الاعجاب يعني انت متضايقه من نفسك بقى انك اعجبتي لانك حاسه انه لما الاعجاب يبدا من عندك وانت ما شفتيش اعجاب من الطرف الاخر انت شايفه انه كده ده تقليل منك انت دي فكره واضح انها متاصله عندك جواكي عامه يعني انت لو شفتي نفس الوضع ده قدامك في شخصين قدامك هتقولي للبنت لا انت ازاي تعجبي بحد هو معجبش بك اصلا فهي الفكره دي اللي متأصله عندك اللي خليتك تضايقي تبقي متضايقه من نفسك لانك كانك كده كسرتي قانون عندك يعني؟ وعموما مش محتاجه خالص انك تضايقي من نفسك لانه عايزه ان احنا نعجب بالاشخاص يعني احنا انت ما روحتيش بناء على الاعجاب ده اتصرفتي اي تصرف مش كويس انت اتعاملتي عادي وهو طبيعي جدا لسبب سابق معرفته بزميلتك الثانيه انه يكون الكلام موجه لايه اكتر ده شيء طبيعي لكن بالنسبه لك انت مفيش صلة كبيره فيعني هدي الامور بالنسبه لك كل اللي بيحصل معاكي ده طبيعي جدا ولكن نصيحه مني ليكي خلي الامور واضحه ومحدده اكتر يعني بلاش تتمادي في الموضوع اكتر بلاش اللي صاحبتك بتعمله ده يروح بطريقه هتكون مش ألط حاجه يعني خلينا نكون واضحين خالص احنا بنتقابل ليه او ان انت بتتقابلي معاه هل هو عارف انه انتوا بتتقابلوا علشان يعني تحاولوا تتعرفوا على بعض قصدي الزواج ولا لا لانه ده لازم يكون شيء واضح والا هنبقى فعلا بنعك بلاش يعني يا اما نكون الامر واضح احنا ليه بنتقابل. يا اما بلاش خالص يحصل ده مره ثانيه.
الله يباركلك يا أستاذة ياسمين على نصايح حضرتك ، جزاكم الله خيراً يارب العالمين
تم النشر الخميس، ١٠ يوليو ٢٠٢٥
الحقيقه انه لا زواج وعشان كدا انا مضايقه مني ومضايقه ان غيرت من صحبتي وانا مش وحشه ولا بحب اغير من حد انا بحبها جدا وهو شخص كويس ومهذب والحقيقه هو فعلا يعرفها ويعرف أهلها غيري انا دي معرفتي الأولى بيه وانا كمان اعرف هو ايه وحاجات كتير وأشخاص تربطنا سوا بس مجتش فرصه اقول دا وفي نفس الوقت حسيت يعني هو ممكن يشوفني انسانه معقده أو مش بعرف اتكلم وفي نفس الوقت اضايقت ان انا مش حابه اصلا ان بالي ينشغل ب حد انا الشخص دا كنت بشوفه في العادي وحقيقي كنت عادي مش بركز معاه لان في الحقيقه مش في بالي اي شئ دلوقتي لما شوفته وهو مكسوف وكلامه محدد اتشديت ليه في حين أن دا غلط ومش بس غلط لا انا فكرت في حاجة ممكن متحصلش اصلا ان ابقا بارتنر ليه
تم النشر الخميس، ١٠ يوليو ٢٠٢٥
لعرض الإجابة في فدني اضغط هنا