مش عارفه ابدأ منين بس انا بنت من وانا صغيره كنت شطوره جدا لما كبرت بدأت ادمن علي حاجات ومبذاكرش ومستوايا نزل مع أن دراستي كانت اهم حاجه في حياتي لحد موصلت الثانوي دخلت بسماعه وجبت درجه مش درجتي دخلت طب اهليه وحاليا شايله مواد الترم الاول والتاني وهدخلهم كلهم سمر وفاضل أقل من شهر ومش عارفه اعمل حاجه ، امتي متوفيه من كام شهر الموضوع اثر فيا بس مش عارفه اقول شعوري كان عامل ازاي لأن انا محستش وقتها بحاجه كنت بس واقفه بتفرج علي اخواتي الكبار وهما بيعيطوا وانا مش قادره حتي اعيط ، خايفه اعيد السنه دخلت في علاقات عشوائية الفتره الي فاتت واي علاقه بدخلها بتعلق بالشخص وفي الاخر هو يسيبني ويمشي ، انا مبقتش اؤمن بأي دين فياريت محدش ينصحني بأي حاجه تخص الدين ، وعلي السيره دي انا عايزه اقلع الحجاب بقالي سنين ومش عارفه انا ساكنه بعيد عن اهلي جنب الجامعه وعايزه اقلعه وفي نفس الوقت خايفه
الله يرحم أمك المتوفاة ويغفر لها ويجعل قبرها روضة من رياض الجنة _ مبقتيش تؤمنى بأى دين ؟ انتى مدركة يا بنتى انتى بتقولى ايه ياربى 😢😢 اهدى انتى غالبا متدمرة اووى لازم تتعرضى على دكتور نفسى ضرورى ضرورى ولازم تبعد عن الصحاب والبيئة اللى حواليكى لأن غالبا ليهم تأثير فى تفكيرك دا وحوار الحجاب اهدى ومتاخديش أى قرار بالله عليكى وشوفى اول ما قررتى تقلعى الحجاب علشان انتى بعيدة عن أهلك دا تأثير بيئة واضح جدا والله والله والله ولا كلية ولا جامعة ولا أى حاجة فى الدنيا دية يقابلة شئ أسوأ من كلمة مبقيتش أؤمن بأى دين دا لازم لازم تتعرضى على دكتور انتى مدمرة وعندك مشكلة نفسية كبيرة بالنسبة للكلية ف عادى احنا فى المجال الطبى دايما فى فرصة تانية حاولى تشوفى ايه اللى دمرك وابعدى عنه وابدأى اعملى خطة وشوفى كورسات كويسة على كل بلوك او موديول شيلتيه وباللة عليكى متاخديش اى قرار ممكن يدمر دنيتك وآخرتك ربنا يعينك ويهديكى ويهدى قلبك ويوفقك فى كليتك
تم النشر السبت، ٤ يوليو ٢٠٢٦
أنت قلتي أن مشاكلك هي: 1- إدمانك على حاجات مضرة 2- المذاكرة والامتحان اللي فاضله شهر 3- تأثير وفاة والدتك (ربنا يرحمها ويغفر لها) 4- مش قادرة تعبري عن مشاعر الحزن 5- العلاقات العشوائية والتعلق 6- عدم إيمانك بأي دين. 7- عايزة تقلعي الحجاب. ايه أكبر مشكلة في دول بالنسبة لك؟ أو لو تقدري ترتبيهم كأولويات للحل من وجهة نظرك فهيكون ايه ترتيبهم؟
تم النشر الجمعة، ٣ يوليو ٢٠٢٦
أنا آسفة جدًا إنك بتمري بكل ده، وأقدر إن حياتك شايفاها متدمرة دلوقتي، وده شعور ثقيل جدًا. إنك بتشاركي كل التفاصيل دي دلوقتي خطوة شجاعة، وده يعني إن جزء منك لسه عايز يتحرك للأمام. خلينا نبدأ من مكان عملي وواضح، بدون ما نغرق في كل حاجة مرة واحدة. بالنسبة للدراسة والمواد اللي شايلاها، مع أقل من شهر على الصيفي، ركزي على خطة يومية بسيطة جدًا: قسمي المواد لأجزاء صغيرة (مثلاً 3-4 ساعات يوميًا موزعة على مادتين كحد أقصى)، وابدئي بالمواد اللي فيها أساسيات أو اللي تقدري تفهميها بسرعة عشان تحسي بإنجاز سريع. استخدمي تقنية "الـ25 دقيقة تركيز ثم راحة قصيرة"، وسجلي تقدمك في ورقة أو تطبيق بسيط عشان تشوفي التحسن. لو حسيتي إن الإدمان بيأثر على تركيزك، حاولي تحددي الأوقات اللي بتضيعي فيها وقت وتستبدليها بحاجة صغيرة زي المشي أو قراءة صفحة واحدة. بالنسبة للوفاة والعلاقات العشوائية، الشعور بالخدر اللي مريتي بيه طبيعي في الصدمات، وده ممكن يخلّي الشخص يدور على تعلق سريع عشان يملأ الفراغ. دلوقتي، ركزي على بناء علاقة مع نفسك أولاً: اكتبي يوميًا 3 أشياء صغيرة عملتيها (حتى لو مجرد أكل وجبة منتظمة)، ولاحظي الأنماط في العلاقات دي – إيه اللي بيخلّيكي تتعلقي بسرعة؟ ده هيساعدك تختاري أشخاص أفضل لاحقًا بدل ما تكرري نفس الدائرة. أما موضوع الحجاب، فهو قرار شخصي جدًا، وخوفك طبيعي لأنك ساكنة بعيد عن أهلك وبتفكري في ردود الفعل. خدي وقتك تفكري في الأسباب اللي ورا الرغبة دي، وازني بين راحتك الشخصية والعواقب العملية (زي الضغط العائلي أو الاجتماعي). لو قررتِ، ابدئي بخطوات صغيرة زي تجربة أسلوب جديد في اللبس بدون ما تتسرعي، عشان ما تحسيش بندم مفاجئ. ابدئي بخطوة واحدة النهاردة، زي تنظيم جدول الدراسة أو كتابة مشاعرك عن الفترة دي. لو عايزة تتكلمي أكتر عن أي جزء، أنا هنا. ابحثي عن أسئلة مشابهة على فدني عشان تشوفي تجارب تانية. أنتِ قادرة تتجاوزي ده خطوة بخطوة.
تم النشر الجمعة، ٣ يوليو ٢٠٢٦
عشان كدا بنقول بلاش غش عامة لو حاسه انك مش قد الكلية حولي لكلية تتناسب مع قدراتك نصيحه من اخت اهو +انتي مغتربة والشيطان مسيطر عليكي دوري ع صحبة تاخد بإيدك الحجاب حرام تخلعيه هتشيلي ذنب وانتي عارفه دا لازم ب اسرع وقت تشوفي بنات كويسه وهما هساعدوكي وتروحي دار تحفيظ قران لاازم
تم النشر السبت، ٤ يوليو ٢٠٢٦
لأ حول ولا قوة إلا بالله 💔
تم النشر السبت، ٤ يوليو ٢٠٢٦
ممكن تحكي بالتفصيل إزاي وصلتي لكـدا؟ وكمان في كواليس كتير معتقدش إنك وصلتي لجزئية.. صعبة زي دي إلا لو في أفكار أتاثرتي بيها؟ الموضوع بدأ معاكِ إزاي...أحكي بس بالتفصيل في ناس مختصة هنا هتفيدك؟
تم النشر السبت، ٤ يوليو ٢٠٢٦
يعنى ايه دخلت بسماعة وجبت درجة مش درجتى ؟
تم النشر السبت، ٤ يوليو ٢٠٢٦
لعرض السؤال في فدني اضغط هنا