السلام عليكم ورحمه الله وبركاته
انا طالبة جامعية في الفرقة الأولى عايزة أطور من نفسي و مش عارفه حاولت كتير بس كل مرة بوقف في الأول عايزة أشتغل و ابقي مستقلة بنفسي مش عارفه كل مرة بحاول و بفشل و المشكلة إن الكل شايفني فاشلة مش بعرف اعمل حاجه و لو وقعت في مشكلة مش بعرف اتصرف اعمل اي 😥😥
وعليكم السلام ورحمة الله وبركاته انتى بتبدأى رحلة التأسيس فى الاصل فالفشل والمحاولة هما سمات المرحلة الوصول لاى نجاح فى وراه مرات سقوط اكيد لازم تتحركى بخطة واضحه ومحدده وعادى لو كل شوية عدلتى فيها او غيرتيها كل ما تقابلك معلومات جديدة هتلاقى رؤيتك اختلفت فبالتالى ممكن تحركاتك وتوجهاتك تختلف ابدأى بالمهارات الاساسية فى التواصل والادارة والتكنولوجيا العامة استمرى على القراءة فى مجالات مختلفة مش مجال واحد وخصوصا الحاجات اللى بره مجال دراستك الحاليه جربى حاجات كتير وخصوصا الانشطة الطلابيه استغلى الفترة دى فى البناء وبعدها ابقى طورى اللى هتثبتى عليه ان شاءالله
تم النشر الجمعة، ٢٥ أبريل ٢٠٢٥
وعليكم السلام ورحمة الله وبركاته. أختي العزيزة، أشعر بما تمرين به وأود أن أخبرك أن ما تشعرين به هو شعور طبيعي جداً، خاصة في مرحلة الجامعة التي تعتبر تحديًا كبيرًا في حياة الكثير من الشباب والفتيات. إليك بعض النصائح التي قد تساعدك في تجاوز هذه المرحلة وتطوير نفسك: التحديد والأهداف : حددي أهدافك بشكل واضح. ابدئي بأهداف صغيرة يمكن تحقيقها، ثم انتقلي لهدف أكبر. اكتبِي هذه الأهداف وراجعيها بانتظام. التخطيط والتنظيم : قسمي وقتك بين الدراسة وتنمية المهارات وأي أنشطة أخرى تسهم في تعزيز استقلاليتك. يمكنك استخدام تقنيات مثل قائمة المهام أو التقويم لتنظيم مهامك اليومية. تعلم المهارات الجديدة : ابحثي عن الدورات التدريبية أو ورش العمل التي تتعلق بمجالك الأكاديمي أو حتى اهتماماتك الشخصية. التعلم المستمر سيساعدك في بناء ثقتك بنفسك. الاستفادة من الدعم : لا تترددي في طلب المساعدة من زملائك أو أساتذتك. يمكنك أيضًا البحث عن موجه أو مرشد ليساعدك في تطورك الشخصي والمهني. تغيير نمط التفكير : حاولي تغيير نظرتك للأخطاء والفشل. بدلاً من اعتبارها عوائق، اعتبريها فرصًا للتعلم والنمو. كل تجربة تعطيك دروسًا قيمة. الثقة بالنفس : ادرسي ما تجيدينه واحتفي به. كل شخص لديه نقاط قوة، اعملي على تعزيز تلك النقاط. تذكري أن النجاح يتطلب الوقت والجهد، فلا تفقدي الأمل. اعتني بنفسك وكوني صبورة. ودوماً تذكري أن العبرة ليست بما يقوله الآخرون، بل بما تشعرين به تجاة نفسك. إذا احتجت للمزيد من النصائح أو دعم إضافي، لا تترددي في طرح أسئلتك. أنتِ قادرة على التغيير وتحقيق أهدافك.
تم النشر الخميس، ٢٤ أبريل ٢٠٢٥
هوا يعني اي فشل ، فشل بمعني اصح يعني محاوله خاطئة كونك بتستمري فالمحاوله ده دليل أن في منهم اكيد هينجح وهتبقي اكيد مش فاشله اذا متسلميش دماغك وعقلك وقلبك لحد واوعي تيأسي وتقولي أن كلها زي بعضها اسعي واتعبي واعملي اللي عليكي لكن اوعي توصلي للحظة يأس تضيعي بيها كل اللي عملتيه
تم النشر الثلاثاء، ٢٩ أبريل ٢٠٢٥
وعليكم السلام ورحمة الله وبركاته مفيش حاجه اسمها فشل ده تحدي الناس ال يقولولك يا فشل هادول بيكونوا اول ناس هتقولك لما تنجحي انا ال وقفت معاكي انا ال قلتلك كده عشان تنجحي او ممكن يكونوا مش عوزينك تنجحي اصلا حاولي تفهمي نفسك اكتر وتعرفي نقط ضعفك و نقط قوتك و تعرفي ميزاتك و عيوبك و تحاولي تتخلصي منها و حاولي تعتني بجسمك و نفسيتك و افهمي نفسك و جسمك وروحك عادي لو فشلتي في الأول ف الدنيا تحدي و مفيش وقت ترتاحي فيه إلا لما رجلك تدخل الجنه، مش مهم لو حد سبقك و وصل قبلك لي حلمك المهم انك بتحاولي و بتتوكلي على الله نصيحه مني لو تبقى عوزه تخدي خطوه في حياتك لازم أول شخص تسأليه عن رايه في الخطوه دي هو ربك، و اطلبي منه المساعده في خطوات حياتك كلها و توكلي على الله، اعملي ال عليكي و التوفيق مع الله وحده و في رعاية الله وحفظه ❤️
تم النشر السبت، ٢٦ أبريل ٢٠٢٥
حلو الحماس ولكن لازم حاجتين ١- قائمة مهام بخطوات عملية ، ٢-إستمرار ... خلي تركيزك يومي هيمشي ازاي وهعمل فيه ايه ... جهزي من بليل قائمة بالمهام وفي النهار حاولي تطبقي (مش ضروري كلهم) ..... يعني ١-قائمة مهام بخطوات عملية ، ٢-استمرار
تم النشر الأحد، ٢٧ أبريل ٢٠٢٥
اول حاجه شوفي شغل انزلي ودوري معمل مثلا صيدلية شغل مع مدرس دوري وهتلاقي تاني حاجه اشتركي فانشطة فكليتك او مدرستك وده هيديكي ثقه في نفسك متشغليش بالك بكلام حد وقوي قلبك واي موقف تتحطي فيه اتعاملي بكل هدوء
تم النشر الأحد، ٢٧ أبريل ٢٠٢٥
اجمل حاجه الفشل عشان بنتعلم منه المهم تفضلي تحولي وتاخدي بالاسباب اسعي بكل قوتك وطبيعي الناس هتتنمر عليكي كل الناس كده مش انتي بس اللي بيحصل ده معاكي اكتر ناس حققوا انجازات علي مستوي العالم كانوا اكتر ناس فشله ودي حقيقه وبفضل المثابرة والعمل الجاد حققوا نجاحات كبيره محدش عرف يعملها اهم حاجه العمل بالاخد بالاسباب والنجاح هيجي غصب عنه
تم النشر الثلاثاء، ٢٩ أبريل ٢٠٢٥
لعرض السؤال في فدني اضغط هنا