انا بعشق منظر الدم و بيجيلي رغبة شديدة اني اني اسكب دم على جسمي ذي اللي بيسكب ميه لدرجة اني لما بندبح طير دائما بخلي الدم يلمس جسمي و بكون حاسه بمتعة ونشوه و خصوصا منظر الدم على السكينة و كمان بحب البيوت المهجورة و خصوصا القصور و المستشفيات المهجورة و خصوصا المصحات النفسية بحس اني كنت موجودة في الأماكن المهجورة دي في زمن تاني و بجسد تاني بس بنفس الروح ، و دائما بشوف قدام عيني مع العلم اني بكون صاحية مش نايمة بشوف بنت لابسه فستان ابيض طويل بتدخل قصر مهجور مظلم الأشجار قدامه جافه و بتفضل تجري في طرقات القصر و بتكون مزعورة لحد ما بتلاقي جثة راجل مقتول مش واضح منه غير ايده و فيها ساعة و جنبه كاس وسكي مسكوب و الدم سايح تحت منه بتصرخ البنت و بتجري لحد ما بتدخل اوضه فيها طفلة صغيرة جدا منزوية في جنب و حضنه لعبتها و بتبكي بشكل هستيري ذي ما تكون بتصرخ في بكاها فالبنت الكبيرة بتحس بحسرة ناحيتها و بتحاول تقرب منها لكن ذي ما يكون في حاجز بين الاتنين و مش قادرين يوصلوا لبعض فبتخرج و بتجري عالسلم فبتلاقي قاتل متسلسل ملثم بيقتلها بطريقة بشعة و وفجأة البنت بتجريفي غابة مظلمة ورعب و أصوات صراخ و برضو القاتل بيقتلها تحت شجرة و الدم بينتشر و فجأة هى اللي بتكون بتقتل الراجل ده . و بعدين يتحول المكان لمشرحة فيها نفس البنت على ترولي الجثث و بتكون عريانة تماما و فيه دكتور بيشرحها و قبل ما يلمسها بيلاقيها اختفت ووقفت وراه ولما شافها لقاها بتبصله باستغاثة و بتقوله كلمة واحدة : منتحرتش.
و مرة تانية يتحول المكان لمصحة نفسية مهجورة فيها نفس البنت على سرير و مقيدة بقميص و بتنظر للغرفة بنظرات غريبة و مرعبة جدا .
والله العظيم الحاجات دي مش حلم ولا من تأليفي الحاجات دي بشوفها قدام عيني و انا صاحية وبالترتيب ده و بكون في الوقت ده مستمتعة جدا و في قمة النشوة ،بحس احساس غريب و متناقض بين اني مش عايزة أخرج من الحالة دي لانها متعتي الوحيدة في الحياة و بين اني حاسه ان في حاجه abnormal ولازم اعرف ايه اللي بيحصلي خصوصا اني حاولت الانتحار 3 مرات و بفكر فيه كتير و كمان كنت بأذي نفسي بالحرق البسيط اللي ميسيبش اثر و ساعات بعمل جروح في الايد و الرجل عشان اشوف شكل الدم عالسكينة و بحس اني عندي رغبة قوية اني اقتل حد و اعذب فيه و على النقيض اني كمان حنينة جدا وبحب الاطفال و الرحمة وعمري في حياتي مأذيت أو ظلمت حد بالعكس اني اتعرضت لظلم طول حياتي و كمان انا برسم وبكتب شعر و في نفس الوقت بحب الظلام و الانعزال مع اني بعامل الناس عادي و ليا زمايل وأصدقاء بيحبوا يتعاملوا معايا بس ساعات بحس اني انا اللي بعمل حدود و احيانا تانيه بحس اني مش مرغوب فيا حاسه اني مش شخصية واحدة حاسه اني كل حاجه و عكسها و في حاجات اكتر من كده بكتير .ارجو الافادة فضلا
سيناريو حلم اليقظة قريب جدا من سيناريوهات أفلام الرعب بس بتقولي انك مش بتشوفي أفلام رعب ... المهم بقا نقطة انك بتأذي نفسك دا معناه انك بتسمعي ب الآلم ودا آلية دفاع لا إرادي بيعملها المخ علشان تركزي ف الآلم دا وتتجنبي ألم أهم اللي هو غالبا تروما ناحيتي حاولي تغيري من استيل يومك ب قدر الامكان وتمارسي اكبر قدر ممكن من الهوايات وتقتلي فكرة وقت الفراغ لو عندك المقدرة تشتركي ف منظمات خيرية زي رسالة مثلا اعملي كدا اعتقد هتفرق معاكي جامد
تم النشر السبت، ٢٤ فبراير ٢٠٢٤
بتقرأى قصص وروايات ؟ روحتى المقابر اخر مره امتى؟ بتصل؟
تم النشر الثلاثاء، ٢ يناير ٢٠٢٤
الموضوع بدأ معكي منذ متى؟ وهل اهلك عارفين بالموضوع ده ولا لا؟ بتعملي يوجا؟ او اي تأملات؟
تم النشر الثلاثاء، ٢ يناير ٢٠٢٤
أعتقد أنك بحاجة إلى رقية شرعية أو طبيبة نفسية أو كليهما. حاولي تكثري من قراءة القرآن عامة وسماع وقراءة أيات الرقية خاصة
تم النشر الثلاثاء، ٢ يناير ٢٠٢٤
يعني السيناريو دة ظهر قدامك فجأة من غير ما تكوني تخيلتي حاجة زي كدة بنفسك وقعدتي تفكري فيها؟
تم النشر الثلاثاء، ٢ يناير ٢٠٢٤
لاء عمري ما قصدت اني افكر في حاجه ذي دي هي بتجيلي كفكرة لاارادية و بتتوالى الأحداث فيها بدون ما اقدر أخرج منها
تم النشر الثلاثاء، ٢ يناير ٢٠٢٤
لاء مش بشوف افلام رعب
تم النشر الثلاثاء، ٢ يناير ٢٠٢٤
حضرتك بتشوفي أفلام رعب؟
تم النشر الثلاثاء، ٢ يناير ٢٠٢٤
لعرض السؤال في فدني اضغط هنا