عليكم السلام و رحمه اللّٰه و بركاته ، طالما متأكده من مشاعرك و إنك مش بتحبيه ف متكمليش اكتر من كدا عشان هتظلميه معاكي و هتعلقيه بيكي اكتر ،، انا اهلي من بلد ارياف و عارفه المعتقدات الِ بتقولي عليها ، و في الحقيقه إن لو كملتي ذي م خالتك قالت و سبتيه بعد فتره أطول بعدها هيتقال إنك لعبتي بمشاعره و إنك وحشه و لو خطبتي بعد كدا هيقولو كان في واحد تاني في حياتك عشان كدا سبتيه ،، كل ده حصل قدامي ف الواقع ، ف منصحكيش إنك تمشي مع كلام الناس ،و تنسي إن في إنسان لو كملتي معاه هتعلقيه بيكي اكتر و أنتِ في الأصل مش بتحبيه يعني هتظلميه معاكِ أوي ،، في نقطه كنت حابه أتكلم عنها بردو و هي إنكم في فتره خطوبه يعني مش المفروض خالص إن يمسك إيدك ولا يلمسها حتى، عموماً الأفضل إنك تصلي إستخاره تاني و لو حسيتي إنك بردو مش مرتاحه ف أتكلمي مع عمك و أهلك ب هدوء و صارحيهم ب مشاعرك و هم إن شاء الله هيفهموكي ، و بالتوفيق
لا اوقات من غير سبب بحس بخنقه و فضلت فتره كل ما اقعد لوحدى و افتكره بحس بخنقه و بفضل اعيط لدرجه لما كلمته ف الفتره دى مكالمه وحده فضلت اعيط لحد ما عينى ورمت و مكونتش عارفه افتحها كويس لما حكيت الحاجات دى لخالتى قالتلى أن ممكن حد يكون عاملك عمل بسبب الضيقه دى احنا حاليا كويسين مع بعض لما قعدت و اتكلمت معه و قولتله اى الحاجات اللى بضايقنى و اى الحاجات اللى عايزاها بس برضه اوقات بخاف من العلاقه دى و اوقات بكون عايزه انهيها بس الشعور دا مش بيجيلى كتير
تم النشر الاثنين، ١٠ نوفمبر ٢٠٢٥
لازم تفهمي إن حياتك كلها هتعيشيها معاه ف لو لسه مش راضيه اتكلمي تاني مع أهلك و خليكي مُصرَّه اكتر على رأيك، متركزيش مع كلام الناس لإنه مش هيفيدك أبدا لو اتجوزتي واحد مش حاباه من البدايه ولا هيفيدك وقت الخناقات الي ممكن تحصل بسبب عدم ارتياحك له، خايكي عارفه إن أهم حاجه العلاقه تُبنى على رضا و قبول من الطرفين مش على رأي الناس أياً كان هم مين،، هل كونك مش طايقاه دا بسبب عيب في شخصيته ؟ ولا ده في المُطلق العام بعد صلاه الإستخاره؟
تم النشر الأربعاء، ٢٩ أكتوبر ٢٠٢٥
عملت كدا اتكلم مع اهلى و قولتهم انى مضايقه و مخنوقه و مش حابه اكمل اول حاجه قالهالى عمى هوا ف حد ف حياتك و بعدين قالى الناس هى اللى بتقول كدا بصراحه اضايقت جدا بس بعد ما كنت مصره ع رائي و انى مش هكمل دا غير انى اتفاجات بخطيبى لما بكى لما عرف انى مش عايزه اكمل معه المهم فضلوا يتكلمو معه و معايا و قولنا هنبدا من جديد و قولتله ع الحاجات اللى مضايقانى و هوا كمان اتكلم معايا ف الحاجات اللى مضايقه مشكلتى دلوقتى مش فاهمه نفسي اوقات بكون حابه انى اكمل معه و اوقات تانى مش بكون طيقاه خالص و اوقات بحس انى بقيت عبء ع عمى و مش عارفه اعمل ايه
تم النشر الأربعاء، ٢٩ أكتوبر ٢٠٢٥
لعرض الإجابة في فدني اضغط هنا