في فتره معينه حصل شويه مواقف كانت صدمات بالنسبه ليا وكنت بعيط كتير وقتها وكنت عارفه اي اللي جوايا واللي مزعلني بالظبط جت بعدها كانت صدمه كبيره بالنسبالي واكبرهم يعني م بعدها حاسه اني مبقتش انا ومش فاهمه نفسي ولا عارفه اصلا انا مالي بعدها كانت بتحصل مشاكل كتيير بتوتجهني والمفروض ان اللي لو حد قابلها ينهار حرفيا انا بقيت بقابلها بضحك لدرجه اني فكرت نفسي حصلي حاجه ومبقتش اعيط نهائي بقالي حوالي شهرين وحتي مش عارفه كمان اعيط
بقيت بضحك بس حتي كنت عادي بكتب ف النوتس وبرتاح لما اكون مضايقه حاليا جربت اكتب كذا مرا لكن معرفتش مبقتش حرفيا عارفه اي اللي جوايا كل اللي بحس بي اني مخنوقه اوي وف كبت جامد اوي وساعات فجأه كد الاقي ضربات قلبي سريعه وابق خايفه م حاجه بس انا مش عارفه اي هيا
مش فاهمه اي اللي بيحصل ممكن حد يفهمني
في الحقيقة لازم تتوجهي لمعالج .. لان الكلام رايح في ناحية لازم فيها حد يتابع معاكي مش عايزة اشخص بس واضح انك مضطربة لسه بسبب الصدمات اللي تعرضتي ليها، وكمان علشان برضه انتي مفرغتيش مشاعرك ديه .. ف حصلك برضه كبت لكل الصدمات .. ف ده رد فعل طبيعي جدا ل اللي انتي بتمري بيه.
تم النشر الثلاثاء، ٢٥ يوليو ٢٠٢٣
الحياة تجارب وعلشان أنتي تتعلمي لازم تنصدمي مره واتنين وعشره علشان تكتسبي خبره ونضج والإقتناع التام أن الأمان في الله وبالله إذا وصلتي للنقطه ديه أرتحتي لأن كل مشكله تقابلك مره في مره خبرتك هتعلمك إزاي تتعاملي مع مشاكلك بهدوء وأن مفيش مشكله إلا وليها حل بس النضج أنك تجاوزتي مرحله الصدمات الثقة في أن الله مقدر كل شئ وده في حد ذاته طمأنينة
تم النشر الثلاثاء، ٢٥ يوليو ٢٠٢٣
الحل الامثل هما هوا القرب من ربنا والصلاة ع وقتها واذكار الصباح والمساء لو ذكرين او تلاتة زي الفل كبداية وتحاولي تدخلي صلوات سنن ف يومك ولو ركتين بعد المغرب واتنين بعد العشا كبداية برضو وتحاولي تفتحي القرآن كل يوم ولو هتقرأي آيتين بس الحاجات دي لازم تتعمل كل يوم هتلاقي نفسك اما تقربي من ربنا حاسة نفسك بتنجزي كتير ومبسوطة ومشاعرك طبيعية مفيش حاجة غلط بس الفكرا انك تقتنعي دلوقتي انك كويسة وطبيعية ومفكيش حاجة
تم النشر الثلاثاء، ٢٥ يوليو ٢٠٢٣
لعرض السؤال في فدني اضغط هنا