السلام عليكم، أنا مش شايفة إنه تعلق مرضي قد ما هي غيرة أخوية عادية وضيق من تصرفات معينة أنتِ مش حاباها وخاصة مع الخلافات اللي بينكم. نصيحة، أخوك شخص كبير فاتركيه ياخد قراراته بنفسه ويتحمل نتيجتها، نصحتِه برأيك خلاص يبقى عملتِ اللي عليكِ والباقي يرجع له وهو يتحمل نتيجة اختياراته بعد كده مهما كانت. حاولي أنتِ تركزي على نفسك وحياتك وبلاش دخول في صراعات ملهاش لازمة وحوارات لأن الزمن بيتغير والمشاعر والعلاقات بتتغير وكمان هم يومين عايشينهم في الدنيا فمش مستاهلة نضيعهم في حوارات وكره ومشادات ملهاش لازمة. وقتك وحياتك أثمن بكتير. وربنا يهدي النفوس ويصلح ذات بينكم. بالتوفيق.
لعرض الإجابة في فدني اضغط هنا