انا عايشة في بيت عيلة و في خلافات في العيلة كتير مش على وفاق المهم اخويا قرر انه يخطب بنت خالي بالرغم انه في بعض الاعتراضات على بعض التصرفات زي اللبس و حاجات تانية بس هو كان شايف انه ليه تأثير كبير و يقدر يغير كل دا و هو خد الخطوة دي الأول راح قالها و بعد كدا قالنا مع ان مكنتش شايفة داعي انه يعمل حاجة زي دي بس هو غالبا كان شايف ان احنا مش هنبقى حابين حاجة زي دي عشان الخلافات
و خصوصا ان امي و امها علي خلافات كبيرة المهم انه عمل كدا و امي زعلت جدا و مكنتش مصدقة انه يعمل كدا انا حاولت اسيطر على زعلي و قولتله عادي دي تجربة و اهي خطوبة عشان مخسرش اخويا و مزودش الزعل على امي مع اني كنت متضايقة جدا
المهم عدا فترة حوالي شهر اعتقد حصل ان والدتي يدوب بتنزل علي السلم و هما فاتحين الباب تقول السلام عليكم و تنزل من غير ما تدخل بس دا العادي عامة من قبل الموضوع اصلا بس هي اتضايقت و نزلت على النت ان امي اغلي حاجة عندي و اللي يزعلها يزعلني و قامت قايلة لاخويا ان خلاص ميكملوش و اخويا قالها ليه قالتله مش متوافقين وقالها تمام
بدأت بعدها تنزل حالات حزينة و حاجات عن الفراق و كلام من دا غالبا هي كانت فاكرة انه هيقولها لا و مينفعش نسيب بعض و الكلام دا المهم جات بعد فترة بعتتله تقوله عامل ايه و هو رد قالها الحمد لله و بقى لما يبقى واقف في الشارع تقف في البلكونة تبص عليه بقت بتنزل لجدي بالرغم انها مكنتش بتنزل طبعا لما بتسمع صوت اخويا بتنزل و بتقعد طول ما قاعد
و كنا في مرة قاعدين عمالة تبص له بس هو مبصلهاش خالص و تقعد تضحك و تنزل بشعرها و امها بتشجعها على كدا و كمان بتنادي لاخويا و تستشيره في حاجات خاصة و بنت خالي تبقى قاعدة
و انا متضايقة جدا و بتعصب من حاجة زي دي لدرجة الغضب و اختي شايفة اننا متعلقة بأخويا بزيادة و بتقعد تضحك عليا و تتريق ان دي غيرة زيادة و بتقولي انا ملاحظة عليكي ان كل ما اخوكي يفكر يرتبط بتتعصبي و تضحك
مع العلم ان اختي كانت في فترة في حياتها متعلقة بمرات خالي زي الصحاب لدرجة تسمع كلامها اكتر من امي و دا سبب خلافات كتير فانا مش عارفة اتخلص من الموضوع ازاي و لا انا عارفة اذا كنت صح و لا لا و اختي لسه بتنزل عند مرات خالي و تقعد معاها
و انا ببقى متضايقة و هي قاعدة معاها بحس ان اختي مش فارق لها اصلا و تقولي دا بنت خالك دي غلبانه و امها بتعمل كدا عشان شايفة ان بنتها متعلقة باخويا و بتحبه و تعصبني زيادة و تقولي انتي مش عارفة النصيب فين ما يمكن يرجعوا تاني و انا ببقى بفكر معقول بعد كل دا و كل الحاجات اللي اخويا بيرفضها يرجع بحس من اللي حواليا ان في هجوم عليا
يا حبيبتي، أول حاجة أقولك إن شعورك ده طبيعي جداً في عائلة مليانة خلافات زي اللي عندكم، خاصة لما الأخ بيبقى محور الحنان والاهتمام. مش تعلق "مرضي" بالمعنى اللي بتخافي منه، ده أقرب للغيرة الأخوية اللي بتنمو مع الوقت لو مفيش حدود واضحة، بس ممكن تتحكمي فيها عشان متأثرش حياتك. إيه اللي يثبت إنها مش مرضية؟ بتضايقك بس مش بتمنعك من أي حاجة تانية (زي اللي بتقولي عليه). جاية من مكان حب وخوف على أخيك وعلى العيلة، مش كره أو سيطرة. اختك الصغيرة اللي بتتريق عليكي، هي بس بتشوف الجانب الخفيف، بس إنتِ عارفة اللي جواكي أعمق. خطوات عملية عشان تتخلصي من الضيق ده: اتكلمي مع أخوكِ بهدوء : قوليله "أنا بحبك وخايفة عليك من الخلافات دي، بس أنا معاك في قراراتك" – ده هيقرّبكم ويخفف الغيرة. ركزي على نفسكِ : ابدئي مشروع صغير زي قراءة كتاب أو تعلمي مهارة جديدة، عشان تشغلي دماغك وتحسي بقيمتك الخاصة. ادعي لأخوكِ وليكِ : قولي "اللهم يسر لنا الخير واصرف عنا الشر" – النصيب مكتوب، ولو رجعوا أو لا، اللي هيحصل خير إن شاء الله. ابتعدي شوية عن المواقف دي : لو بنت الخال بتنزل، غيّري مكانكِ أو اشغلي نفسكِ، متدخليش في تفاصيلها. اختكِ التانية اللي بتنزل عند مرات الخال، سيبيها – كل واحدة ليها طريقتها، وإنتِ متعلقيش رأيكِ بيها. لو حسيتِ إن الغضب بيزيد، دوري على أسئلة مشابهة في فدني هتلاقي إجابات كتيرة، أو روحي لصفحة الخبراء https://www.fedni.net/experts واستشيري متخصص نفسي أو مرشد أسري هناك، هيساعدكِ تفهمي نفسكِ أكتر. أنتِ قوية وبتحبي عيلتكِ صح، هتعدّي الفترة دي إن شاء الله. لو عايزة تفاصيل أكتر، قولي! 💕
تم النشر الجمعة، ١٧ أبريل ٢٠٢٦
اظن اخوكي عاقل ومقدر كل حاجه وانتي مش لازم تخافي عليه اوي كده وحتى لو غلط في اختيار مش نهاية الكون ما تقلقيش وسيبك من الحورات الصغيره دي واشغلي نفسك باهداف كبيره
تم النشر السبت، ١٨ أبريل ٢٠٢٦
مش تعلق قد ما هو انزعاج من حاجه غلط بتتعمل قدامك ، بس عمومًا كبري دماغك من الحوارات دي وركزي على تطوير نفسك أحسن
تم النشر السبت، ١٨ أبريل ٢٠٢٦
حاولى تخرجى نفسك من الحوارات ديه كلها غالبا بنت خالك مكانتش عايزة الإنفصال وانتى غالبا بتحبى والدتك جدا جدا بس نصيحتى اهتمى بنفسك أكتر وكدا كدا أخوكى مش صغير هو عارف مصلحتة وانت انصحيه لو حسيتى انه ممكن يقبل على خطوة تؤذية بس وسيبى أختك تعمل اللى هى عايزاه ووالدتك هى اللى تتعامل مش انتى فاهمانى اشترى سلامك النفسى
تم النشر السبت، ١٨ أبريل ٢٠٢٦
حياكِ الله، أنتِ محتاجة تفهمي نفسك في سلسلة لـ د. عبد الرحمن ذاكر الهاشمي رائعة على يوتيوب ممكن تحاولي تسمعيها، وأغلب محاضرات الدكتور عن فقه النفس وحاجات هتفيدك جدًا جدًا أما بالنسبة لـ جزئية العيشة في بيت عائلة، بصي في حاجات كتير جدًا في حياتنا مفروضة علينا وإحنا محتاجين أننا نتعايش معاها، بدون حزن، أما فكرة التعلق فـ هو أخوكِ عادي ميكونش تعلق لدرجة التملك فهماني، وباقي الأمور محتاجة منك دعاء يعني مثلًا تدعي أن مشاكلهم تكون أقل وربنا يحسن أخلاقهم، وبرضو الاختصار يعني مثلًا بلاش مشاحانات ومقارنات ركزي في نفسك وفي حياتك....
تم النشر السبت، ١٨ أبريل ٢٠٢٦
لعرض السؤال في فدني اضغط هنا