ازاي ارجع ثقتي بنفسي انا مريت بحاجات كتير اوووي وحشة
وحصلي صدمات من اقرب صحاب ليا مبقاش عندي صحاب من كتر مانا بقيت خايفة من كل الناس
وبعد وفاه بابا بقيت مهزومة ومهزوزة من جوايا معنديش اي ثقة ف نفسي
دايما بحس بنظرة الناس ليا إني قليلة رغم اني مش قليلة
وبحس اني مش كفاية وان كل الناس الي حواليا شايفني حاجة وحشة اوي انا اه كنت بعمل حاجات غلط وانا صغيرة بس لما كبرت وعقلت بطلت اعملها
وبقيت أعقل وانضج بس برضو بشوف ناس كتير بتحاول تقلل مني وبنظرتها بحس اني شخص اقل من العادي
بحس انهم شاكين فيا طول الوقت ودايما بيبصوا لي باستحقار المشكلة الكبيرة عندي ان ماما هيا اكتر شخص هز ثقتي بنفسي وبتقلل مني قدام اي حد حتى قدام البواب ومراته واوقات بتعمل كدة بصيغة هزار لدرجة اني حسيت ان حتى البواب ومراته مش بيحترمو كلمتي ودايما شايفني حد قليل رغم اني دكتورة
وأقرب الناس ليا دايما شايفني حد مش كويس هل دا عشان انا ضعيفة الشخصية ولا عشان بابا اتوفي ووفاتة عملي صدمة نفسية فعشان كدة شايفة كله شايفني كده
حاسة اني بقيت بكره انزل من البيت بقيت بحس ان كل الناس ف الشارع شايفني وحشة وان كلة مراقبني
خسرت شغلي في مكان محترم جدا بسبب اني عصبية طول الوقت حساسة فوق اللزوم لو حد اتكلم اي كلمة بهاجمة مش بزعيق بس باخد جمب وبقطع معاه للابد
ازاي اغير من نفسي حاسة بقيت كارهه حياتي بعد موت بابا اوووووي حاسة اني مليش حد ويتيمة
ازاي ارجع اثق في نفسي ازاي اتعامل مع الناس من غير خوف وازاي ابطل اشوف نفسي بعين الناس واعمل لكل واحد حساب
نفسي حاجة تخليني ارجع كويسة انا وصلت مرحلة وحشة اوي اوووي من الزعل جوايا مش عايزة اصحي ولا اكلم حد واكتر حد مش متقبلة اكلمه ولا اشوفه ماما اول مرة اكون كده من ناحيتها بس حصل دا لانها اهانتني اوووي واول مرة بعد وفاه بابا تمد ايدها عليا من وقتها وانا مش قادرة اتعافي واكون كويسة
كله حاسس اني قافلة وكاتمة في نفسي بس مش قادرة احكي واقول لحد حاجة والا عايزة ابان اني بعد السن دا بنضرب من امي وبسبب اني رديت عليها واول مرة اعمل كدة بس الدنيا ضاقت بيا وحسيت انها ضغتطتني
انا بكتب كل كلمة وانا بعيط ومش عارفة ابطل عياط وبقيت اقل حاجة تخليني انهار عياط لدرجة لو شوفت ف الشارع اي موقف بسيط اعيط
يا حبيبتي، أنا ذكية، وأنا هنا معاكِ دلوقتي، بقرأ كلامك وأنا حاسة بوجعك كله. أنتِ مش لوحدك في اللي بتمري بيه، وده مش ضعف شخصية ولا لأنك "قليلة" – ده صدمات نفسية كبيرة زي وفاة باباكِ (رحمه الله) اللي خلقت حزن عميق وشعور باليتيمة، وخيانة الأصحاب، وأهم حاجة معاملة مامتكِ اللي هزت ثقتكِ أكتر. أنتِ دكتورة، عاقلة، وبتعملي تغييرات إيجابية – ده دليل قوة، مش ضعف. خلينا نبدأ نرجع ثقتكِ خطوة بخطوة، عمليًا ومن غير تعقيد: 1. ابدئي ببناء ثقتكِ الداخلية (مش بعين الناس) : كل يوم صباحًا : اكتبي 3 حاجات إيجابية عن نفسكِ (مثل: "أنا دكتورة ناجحة"، "أنا عقلت وتغيرت"، "ربنا معايا"). اقريها بصوت عالي قدام المراية. ده هيغير نظرتكِ لنفسكِ تدريجيًا. تذكري إنجازاتكِ : خدي ورقة واكتبي كل اللي عملتيه صح (حتى لو صغير زي "بطلت الحاجات الغلط"). راجعيها يوميًا. أنتِ مش "حاجة وحشة"، أنتِ إنسانة قوية مرت بمحن. 2. تعاملي مع مامتكِ بحدود واضحة : قوليلها بهدوء مرة واحدة: "يا ماما، كلامك ده بيوجعني جدًا، ومش هسكت عليه تاني. أنا بحبكِ بس محتاجة احترام." لو عملت كده تاني، خدي مسافة مؤقتة (روحي غرفتكِ أو امشي بره شوية). مش لازم تردي بعصبية – قولي "مش هكمل الكلام ده" وامشي. ده مش تمرد، ده حماية لنفسكِ. لو الضرب حصل، ده مش طبيعي أبدًا. فكري في الانتقال لمكان تاني مؤقتًا إذا قدرتِ (شقة صغيرة أو قريبة موثوقة)، عشان ترتاحي. 3. غيري نظرتكِ للناس والخوف : متفكريش في 'عين الناس' : هما مش بيراقبوكِ زي ما بتتخيلي – كل واحد مشغول بنفسه. لما تحسي كده، قولي لنفسكِ: "ده وهم مش أكتر." ابدئي بتمارين صغيرة: اطلعي الشارع 10 دقايق يوميًا، ركزي على خطوتكِ مش على اللي حواليكِ. مع الناس الجدد : ابدئي بكلام بسيط زي "إزيك؟" ولو حد قلل منكِ، اقطعي الصلة فورًا بدون عصبية – بس ابتسمي وقولي "مش مناسبين لبعض". أنتِ مش مضطرة تثبتي نفسكِ لحد. 4. سيطري على العصبية والبكاء : للعصبية: لما حد يقول كلمة، عدي لـ10 في بالكِ قبل الرد. ده هيرجع شغلكِ أحسن، ويفتح أبواب جديدة. للبكاء: لما تحسي عاوزة تبكي، اغسلي وشكِ وقولي دعاء: "اللهم إني أعوذ بك من الهم والحزن". صلي ركعتين، واقري قرآن (سورة الشرح خاصة للضيق). ده هيخفف الزعل اللي جواكِ. 5. روتين يومي بسيط عشان ترجعي تحبي الحياة : صحي: مشي 20 دقيقة يوميًا + أكل صحي (فاكهة، ماء كتير). روحي: صلاة الضحى + ذكر الله 10 دقايق. عملي: حددي هدف صغير يومي (مثل "هكتب CV جديد النهاردة"). نامي بدري، وابتعدي عن السوشيال اللي بيزود الخوف. أنتِ مش ضعيفة وهترجعي أقوى، بس خطوة خطوة. لو عايزة دعم أكتر، روحي صفحة الخبراء في https://www.fedni.net/experts وابحثي عن متخصص نفسي إسلامي، أو دوري على أسئلة مشابهة في Fedni هتلاقي إجابات كتير. أنتِ قوية يا دكتورة، وهتقومي، أنا فخورة بيكِ! 💕
تم النشر الثلاثاء، ٢٠ يناير ٢٠٢٦
السلام عليكم ... اكيد والدتك ظلمتك وأكيد هي سبب مشاكلك ولكن زي ما انتي مظلومة قد يكون هي كمان اتظلمت وهي صغيرة // باختصار الحل الأمثل انك تفرغي كل المشاعر السلبية عن طريق ربع ساعة كتابة أفكارك يوميا + احذري ان يضيع عمرك كله في عقلية الضحية لأن ده ممكن يخليكي نسخة مؤذية مكررة منها
تم النشر الثلاثاء، ٢٠ يناير ٢٠٢٦
اتمنى تعرفي قيمة نفسك وتقدريها واحفظي الرساله وكل ما تحسي انك محتاجها اقرئيها هتفرق معاكي 😊
تم النشر الثلاثاء، ٢٠ يناير ٢٠٢٦
ولا يهم حصل خير 😅
تم النشر الثلاثاء، ٢٠ يناير ٢٠٢٦
انا بحسبك بنت فعلا انا اسفة جدا 🥺😊
تم النشر الثلاثاء، ٢٠ يناير ٢٠٢٦
موفقه بإذن الله بس لي حاسس انك فكراني بنت 🤭
تم النشر الثلاثاء، ٢٠ يناير ٢٠٢٦
باذن الله هعمل الي قولتية وهبدا وهكون سند لنفسي ♥️
تم النشر الثلاثاء، ٢٠ يناير ٢٠٢٦
شكرا جدا عن كلامك حقيقي حسيت بشعور جميل وانا بقراه وخلتيني انبسط جدا
تم النشر الثلاثاء، ٢٠ يناير ٢٠٢٦
إنتِ دكتورة، يعني تعبتي وسهرتي ووصلتي لمكانة ناس كتير تتمناها. كون إن مامتك أو حد من صحابك بيعاملك بطريقة مش كويسة، ده انعكاس لمشاكلهم هما مش ليكي إنتِ. ساعات الأهل لما بيمروا بصدمة زي وفاة الأب بيطلعوا غضبهم في أقرب الناس ليهم بطريقة غلط تماماً. حقك تزعلي وتعيطي بس بلاش جلد ذات وفاة الوالد صدمة كبيرة جداً، ومن الواضح إنك مخدتيش وقتك في الحزن ودخلتي في دوامة الدفاع عن نفسك. العياط مش ضعف، ده تفريغ للطاقة اللي كتماها. بس بلاش تقولي أنا السبب أو أنا وحشة. إنتِ إنسانة موجوعة، وده رد فعل طبيعي للوجع. طالما مواجهة امك بتجيب إهانة وضرب، حاولي تقللي الاحتكاك النفسي خليكي موجودة جسدياً بس متفتحيش مواضيع عميقة أو تستني منها دعم حالياً لأنها غالباً مش قادرة تديهولك. لما حد يقلل منك، مش لازم تزعقي، بس ممكن تقولي جملة واحدة أنا مبسمحش لحد يكلمني بالطريقة دي، وتسيبي المكان وتمشي. الصمت القوي أحياناً بيبني هيبة أكتر من العصبية إحساسك إن الناس مراقباكي ده اسمه قلق اجتماعي. ناتج عن فقدان الثقة. الحقيقة إن كل واحد مشغول في حياته، ومحدش مركز معاكي زي ما إنتِ متخيلة. لو خسرتي شغل، ابدأي دوري على حاجة تانية. الشغل هو اللي هيديكي استقلال مادي ونفسي ويبعدك عن جو البيت المتعب. وحاولى تبدأي بحاجات صغيرة جداً. اهتمي بأكلك، اشربي مية، انزلي اتمشي نص ساعة في وقت هادي. الخطوات الصغيرة هي اللي بتبني الثقة من تاني. كلمة أخيرة ليكي: إنتِ لسه دكتورة ولسه بنت غالية، والف من يتمناكي وفقدان بابا الله يرحمه يخليكي إنتِ السند لنفسك. بطلي تشوفي نفسك بعيون مامتك أو عيون البواب، وشوفي نفسك بعيون البنت اللي كافحت ووصلت. لافضل مكانه في المجتمع. بعتذر عن الإطالة 😊 جد ربنا يحفظك
تم النشر الثلاثاء، ٢٠ يناير ٢٠٢٦
up
تم النشر الثلاثاء، ٢٠ يناير ٢٠٢٦
لعرض السؤال في فدني اضغط هنا