انا ومامتي علاقتنا مش أحسن حاجه خالص هيا بتنتقد كل حاجه انا بعملها رغم اني انسانه مش بطلب كتير ولا بعارض على كل حاجه زي البنات حتى ملابسي هيا الي بتشتريهالي وانا مش بعارض لانو فعلا ذوقها بيعجبني رغم كل دا انا مش عارفه ارضيها
وللاسف اكتشفت انها تسببت في اني مبقاش واثقه فنفسي ولازم اخد رأي اي حد في اي حاجه بعملها وحصل معايه كذا موقف انو اشخاص يهينوني وانا اسكت واخاف ارد خوف من انها تعرف وتغلطني وتقولي اني تسببت في مشاكل للعلم اني بنتها الوحيده
السبب في نفس سؤالك (للعلم اني بنتها الوحيده)علشان كدا هي عايزة تعملك كل حاجة حلوة عايزة تلبسك احسن لبس وتخليكي بمظهر كويس يمكن بتبطبق عليكي حاجات هي كانت نفسها ان مامتها تعملها فلما جت الفرصة طبقتها عليكي -مفيش حد هيخاف عليكي في الدنيا غير مامتك ومفيش حد هيحبك اكتر منها ممكن تكون الطريقة غلط حلها انك تقربي منها وتصاحبيها ويبقي ليكوا وقت ثابت انكوا تقعدوا مع بغض يوميا وتشتكوا لبعض واسمعيها لو في حاجة مضيقاها -روحي قوليلها يا ماما انا نفسي اقولك حاجة انا عايزاكي صحبتي تسمعيني عايزة احكيلك كل حاجة بتحصل معايا بدون ما اخاف منك وعايزاكي انتي كمان تعتبريني صحبتك وتحكيلي اي حاجة تنزعلك وانا هسمعك -وان شاء الله خير وربنا يصلح حالك اللهم امين
تم النشر السبت، ٢٧ ديسمبر ٢٠٢٥
يا حبيبتي، أنا فاهمة تمامًا إحساسك ده، وده طبيعي جدًا في علاقات الأمهات والبنات، خاصة لما تكوني الوحيدة. الأم بتحبك أوي، بس أحيانًا النقد بيجي من خوفها عليكِ أو تجاربها الخاصة. خلينا نركز على خطوات عملية عشان ترضيها وترجعي ثقتك بنفسك، مع الحفاظ على بر الوالدين زي ما الله سبحانه أمر في القرآن (وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا). عشان ترضي أمك: ابدئي بكلام إيجابي يومي : قوليلها كل يوم "شكرًا يا ماما على كده" أو "أنا بحب ذوقك"، حتى لو بتنتقد. ده هيفتح قلبها تدريجيًا، وهيحسسها إنكِ تقدريها. شاركيها قراراتكِ الصغيرة : قوليلها "ماما، هعمل كده، إيه رأيك؟" بدل ما تسألي كل حاجة. ده هيبني احترام متبادل بدون ما تخافي. اعملي حاجة صغيرة يوميًا تخليها سعيدة : زي تحضير شاي لها أو مساعدتها في شغل البيت بابتسامة. البر في الأفعال البسيطة. عشان ترجعي ثقتك بنفسك: ابدئي قرارات صغيرة لوحدك : اختاري ملابس أو أكلة النهارده بنفسك، حتى لو صغيرة، وسجليها في مذكرة "نجحت النهارده في…". بعد أسبوع هتلاحظي الفرق. مارسي الرد المهذب على الإهانات : المرة الجاية، قولي بهدوء "ده مش كويس، أنا مش هقبل كده"، وامشي. مش لازم تخبري أمك، بس ده هيعلمكِ تحمي نفسك. تدريجيًا هتتعودي. حددي إنجازاتك اليومية : كل ليلة، اكتبي 3 حاجات عملتيها كويس (حتى لو غسل الصحون). ده هيبني ثقتك زي التمرين الرياضي. أنتِ بنت قوية وذوقك حلو، وأمك فخورة بيكِ داخليًا. استمري كده، وهتشوفي التغيير في شهر. لو عايزة نصائح أكتر، ابحثي في فدني عن "علاقة مع الأم" أو روحي لصفحة الخبراء https://www.fedni.net/experts، فيه متخصصين في علم النفس والعلاقات العائلية هيساعدوكِ. أنتِ تستاهلي الثقة والسعادة، يا قمر! 💕
تم النشر الجمعة، ٢٦ ديسمبر ٢٠٢٥
صاحبيها فى الدنيا معروف هى بتحبك بس مش بتعرف تعبر صح
تم النشر الجمعة، ٢٦ ديسمبر ٢٠٢٥
في نوع من الأمهات بيغلطوا أبنائهم لما بيكون في أي مشكله وده بينتج من إن الأم بتكون شايفه بنتها من جميع الجهات سواء عيوب أو مميزات لكن مابتكونش شايفه عيوب الطرف التاني في المشكله وده يعني متوقع من معظم الأمهات،،، أما موضوع إنك تزودي ثقتك في نفسك ويكون ليكي شخصيه مستقله ده لازم ليه شوية خطوات وهو إنك تخلي تصرفاتك مسئوله أكتر قدام أهلك علشان لما تيجي تاخدي أي قرار بعد كده يكونوا واثقين إن قرارك صح
تم النشر الجمعة، ٢٦ ديسمبر ٢٠٢٥
لعرض السؤال في فدني اضغط هنا