السلام عليكم ورحمة الله وبركاته.
انا في تانية بكالوريا عندي مشاكل كتير في المذاكرة نتيجه اني مكنتش بذاكر في أولى ثانوي وبجد دا مأثر علي اوي لان في حاجات معتمده على مذاكراتي وتاسيسي في اولى ف الموضوع بقى صعب..
أول حاجه الانجليزي انا مستوايا مش حلو فيه خالص من انا وصغيره وغير كدا في حاجات كتيره أخدناها في اولي ثانوي ومتشرحتش تاني في تانية وموجوده واصعب وكمان انا مش عارفه احفظ كل م احفظ كلمات أنساهم...
تاني حاجة اني دائماً مليش نفس اذاكر برغم اني متراكم عليا كتير اوي دايما بهرب للتلفون ولما اقفله بهرب للنوم اي حاجة اضيع فيها وقتي وخلاص واللي هو معنديش دم بجد ولو ذاكرت بسمع المحاضرة واذاكرها واحل الحاجات اللي على المنصه وبس ولا بحل تاني ولا بحل كتاب المدرس مش عارفه ايه البروود اللي انا فيه دا انا مكنتش كدا ايام اعدادي بجد كنت دحيحه لكن سنه اولي ثانوي مكنتش بفتح الكتاب ابدا بجد
اجابتي على سبيل المثال وبنفكر مش على سبيل ان ده الحل المحصور: عندك مثلا ٧ ايام في الاسبوع الطبيعي ان كل مادة درسين في الاسبوع يعني يوم الجمعة اجازة مفيهوش مذاكرة ولا حصص فممكن تستغليه ل لم التراكمات + عليهم انك تخصصي وقت في اليوم مثلا نص ساعة او ساعة ل لم التراكمات غير المذاكرة اليومية الجديدة ، او ممكن تكتفي بيوم الجمعة او بالأيام اليومية مثلا او حتى بلاش لم تراكمات الفترة دي ، الي انت شايفاه - بنسبة للأساسيات كلنا كدا عامةا، عندك كورسات التأسيسية زي محمد صلاح عربي و محمد عبد المعبود فيزيا ، محمد صلاح اصلا في باقة الشهر الاول اول درس كان بيقول اسمع محاضرة تأسيسية الاول قبل ما تسمع اول درس في النحو عندك في المنهج - او ممكن مثلا لو المدرس قال جزئية في المحاضرة او الفيديو علابتوب تفتحي الموبايل في تطبيق جيميني وتعملي ريكورد تنقلي الجزئية الي قالها المدرس وتقوليله المدرس قال كدا مش فاهمه والانجليزي بتهيألي لو اخدتي مع مدرس كويس مش لازم تأسيس ممكن تكتفي بخطة جيمي، عندك منصة انجلشاوي بيشرح المنهج ببطئ جدا وشرحه بسيط جدا وبيشرح الأساسيات ومش بيختصر او على حسب بقا ممكن لو انتي بتاخدي في سنتر لما ترجعي البيت تسألي جيمي كدا يعني - حددي الكلية الي نفسك فيها وشوفي مجموعها ولازم تقولي لنفسك انا عايزة كذا فبتالي لازم اعمل كذا عشان احصل على كذا، يعني واحد عايز مجموع عالي فلازم يتعب ويطحن فعلا، والمسارات العلمية زي الطب والهندسة مذاكرتها طحن الطحن بزات في المواد العلمية عايزة مذاكرة وحفظ وفهم عميق وحل كتير مش زي المواد الادبية وبكالوريا عندك ميزة ٤ مواد في السنة منهم ٣ مواد ادبية اصلا بدل ثانوية عامة ٤ مواد منهم ٢ ادبية تقريبا لو انتي مسار علمي يعني واحد مسار علمي بيدرس فيزيا وعربي وتاريخ وانجليزي واحد في ثانوية عامةا فيزيا وكيميا واحياء وعربي وانجليزي تقريبا على ما اعتقد كلهم في سنة واحدة يعني اصلا ضغط المذاكرة اقل في البكالوريا، -وبتهيألي الاول تلتزمي بإنك تتابعي كويس مع المستر سواء اونلاين او سنتر ولما تستقري تبدأي تحلي بقا كتاب خارجي بس هوا اصلا انك تلتزمي مع مدرسك دي حاجة ممتازة اصلا -ووقت المذاكرة على حسب ممكن تستغلي الوقت من الفجر للضهر عندك ساعات كتير فاضية -او من العشاء ساعات فاضية للفجر وتنامي بعد الفجر ضروري عشان تصحي الضهر كدا ، وتحطي الجهاز قدامك وتشغلي فيديو مثلا ذاكر ٦ ساعات مع برعي او اقل من ٦ ساعات اي حاجة وتمشي كدا لازم تعملي جلسات مذاكرة والبريك او على حسب برضوا الي انت شايفاه مناسب -وحاولي دايما تركزي انك تطبقي مبدأ المذاكرة بذكاء انك تحاولي تذاكر بشكل كويس بأقل وقت ممكن لتحقيقه الكويس ده، بإنك تركزي كويس جدا في المحاضرات سواء اونلاين او سنتر وتسمعي المحاضرة بفهم مش بسمعان وخلاص والحاجات الي مجتاجة تتحفظ يا اما تكتبيها على الموبايل او الكراسة او تسمعيها لنفسك غيبا شفوي مرة او مرتين وتحلي كتير، وطريقة الحل انك تكتبي الي انت فاكراه كأنك في امتحان بظبط وبعديها تجيبي الاجابات وتصححي لنفسك ، والجزئيات الناقصة في الاجابات يا اما تسمعيها لنفسك غيبا مرة او مرتين شفوي من غير قراءة او تكتبيها من غير ما تبصي ، بلاش المذاكرة الي هي بتهدر في الوقت عشان اصلا اليوم بيبقا مضغوط والوقت ضيق، يعني لو حاجة احتاجت مجهود زيادة ابذلي لو حاجة مش مستاهلة خلاص، يعني انتي لما تكرري شفوي او مرة او مرتين او تكتبي انتي كدا ذاكرتي مرة بعديها تحلي كتير لما هتحلي كتير انتي اصلا يعتبر بتذاكري وفي نفس الوقت بتحلي، ومع الوقت انتي ذاكرتي مرات كتير -ولو عندك صديقات تشجعوا بعض هتفرق بإنكم تلتزموا بالمذاكرة اليومية وهتساعد في انك تشيلي الكسل والتسويف -ولازم مجاهدة النفس في المذاكرة ويبقا عندك مرونة يعني خلاص ضاع مني وقت خلاص مش انكسر واتحسر لأ احاول اشوف المتاح قدامي واعمله وابدأ من جديد وهكذا دايما، واول بس ما تبدأي جزء صغير من العمل بتلاقي نفسك خلاص دخلتي في مود المذاكرة والكسل اتشال، يعني قولي لنفسك هقعد في المكتب مش هعمل اي حاجة ، هشغل المحاضرة وانا مش مركز اصلا ، المهم تبدأي ولما الكسل يروح تذاكري بقا
تم النشر الخميس، ١ أكتوبر ٢٠٢٦
السلام عليكم، أولا ربنا يوفقك في دراستك وحياتك كلها.💚 انسي خالص إنك مذاكرتيش في سنة أولى وعادي حتى لو كنتِ مهملة السنين اللي فاتت في الدراسة، ده مش معناه إنه فات الأوان إنك تعوضي أي حاجة فاتتك. المشكلة إننا بنربط التعليم والمذاكرة بالتعليم الحكومي واللي بناخده كل سنة في المدرسة فبنفتكر ما دام فاتت السنين يبقى متعلمناش، وده مش حقيقي. معظمنا تأسسنا أصلا غلط في المدارس خاصة في اللغات الأجنبية فانسي خالص السنين اللي فاتت وابدئي من دلوقتي. الإنجليزي ناس كتير بدأت تتعلمه بعد الكلية أو حتى مدرسوش لغة خالص قبل كده وتعلموها لوحدهم من الصفر. الإنترنت دلوقتي عليه كل اللي عاوزة تتعلميه فاستغليه صح، بدل ما بتضيعي وقت على الموبايل استغلي الوقت ده في إنك تتعلمي اللي ناقصك وتأسسي نفسك بنفسك. *** فاعتبري إنك بتتعلمي الإنجليزي من الصفر وملكيش دعوة بمنهج المدرسة دلوقتي، شوفي دروس الجرامر على يوتيوب واختاري المدرس اللي شرحه كان أسهل بالنسبة لك. دي بعض فيديوهات شرح الجرامر كامل. https://youtube.com/playlist?list=PL4z9gdpRQP4wBwC3HLjJ1Tqp_sEkcBgbo&si=fQIo0kMdYYdZH_sU https://youtu.be/gkIfKoXnwQk?si=clVOQU3i9u2vTAkA وممكن لو حسيتِ إن شرحهم مش مناسبك اكتبي على يوتيوب (شرح جرامر إنجليزي بالكامل) وحددي وقت كل يوم تاخدي درس أو أكتر حسب مقدرتك. ******** وده فيديو فيه نصائح لمذاكرة الإنجليزي والتفوق فيه، شوفيه وإن شاء الله يفيدك ويسهل عليكِ مذاكرة المادة. https://youtu.be/D8x-x_XxgWQ?si=LRPR_4YlfPDZBTTE ***** بالنسبة لأنك بتنسي الكلمات فده عادي، أصلا اللغات المفروض متتعلميهاش بحفظ الكلمات فقط، الكلمات بتتعلميها في جمل. حفظ الكلمات لوحدها ده اللي بيخليكِ متعرفيش تتكلمي اللغة وتتعاملي بها حتى لو حافظة كل القاموس. الكلمات اللي عندك احفظيها في جمل، وراجعيها باستمرار عشان تثبت وسمعيها لنفسك بصوت عالي. ****** وأي مادة حاسة عندك نقص في تأسسيها أو مش فاهمة نقط معينة في شرح الدروس ابحثي على النت واسمعي الشرح على يوتيوب أو شوفيه مكتوب على جوجل. ****** التسويف والهرب للموبايل والنوم ده طبيعي لأنك ضاغطة نفسك ومش عارفة تبدئي منين. ابدئي بحاجات بسيطة ومتفكريش وراكِ لسه مواد قد إيه، وقسمي فترات المذاكرة لخمسة وعشرين دقيقة بينهم فواصل راحة عشان متتعبيش أو تزهقي. وأهم حاجة، استعيني بالله وتوكلي عليه وإن شاء الله يسهل امورك ويوفقك. بالتوفيق.💚💚
تم النشر الثلاثاء، ٢٩ سبتمبر ٢٠٢٦
وعليكم السلام ورحمة الله وبركاته يا رقية. أولاً، أحب أقولك إن شعورك ده طبيعي جدًا، وكتير من الطالبات بيمرّوا بنفس المرحلة بعد أولى ثانوي، خاصة لو السنة دي كانت مليانة تغييرات وما كانش فيها روتين ثابت. إنتِ مش "مفيش دم" زي ما بتقولي، ولا كسلانة، إنتِ بس محتاجة تعيدي بناء الثقة في نفسك خطوة بخطوة، لأن اللي حصل في أولى ثانوي مش نهاية الطريق، وإنتِ قادرة ترجعي أقوى. بالنسبة للإنجليزي، المشكلة الأساسية إن الأساس ضعيف، فابدئي بمراجعة بسيطة يومية للكلمات الأساسية اللي بتتكرر كتير، واستخدمي طريقة التكرار المتباعد (يعني تراجعي الكلمة بعد يوم، وبعد 3 أيام، وبعد أسبوع) عشان الذاكرة تثبتها. حاولي تحلي تمارين من الكتاب المدرسي أولاً قبل أي حاجة تانية، ولو لقيتي صعوبة في الفهم، قسمي الدرس لأجزاء صغيرة جدًا (مثلاً 10 دقايق بس في البداية) عشان ما تحسيش بالإرهاق. ده هيساعدك تبني أساس تدريجيًا بدون ما تحسي إن الموضوع مستحيل. أما بالنسبة لعدم الشعور بالمسؤولية والتهرب للموبايل أو النوم، فده غالبًا بيحصل لما التراكم يكون كبير والضغط النفسي يزيد. جربي تحددي جدول يومي واقعي جدًا، يبدأ بجلسات قصيرة (مثل 20-30 دقيقة مذاكرة ثم استراحة قصيرة) وتكتبي في ورقة صغيرة "اليوم هعمل إيه بالضبط" عشان تحسي بالإنجاز. كمان، خلي في بالك إن طلب العلم عبادة، وادعي ربنا ييسرلك الأمر ويثبتك، لأن التوكل على الله مع العمل الجاد بيفرق كتير. ابدئي النهاردة بخطوة صغيرة واحدة بس، زي مراجعة درس واحد أو حل تمرينين، وهتلاحظي إن الزخم هيزيد مع الوقت. إنتِ كنتِ دحيحة في الإعدادي، وده دليل إن القدرة موجودة جواكِ، بس محتاجة تُفعّليها تاني بصبر. لو عايزة نصائح أكتر عن تنظيم الوقت أو طرق حفظ معينة، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وكل خطوة صغيرة بتقربك من هدفك. لو حابة تتكلمي أكتر عن أي جزء، أنا هنا.
تم النشر الثلاثاء، ٢٩ سبتمبر ٢٠٢٦
@Mariam Khalid لا كل حاجة مختارها لنفسي محدش غصب عليا ولا يعرفو يعني اي بكالوريا
تم النشر الجمعة، ٢ أكتوبر ٢٠٢٦
داخله المجال غصب؟
تم النشر الخميس، ١ أكتوبر ٢٠٢٦
لعرض السؤال في فدني اضغط هنا