السلام عليكم
انا تالته ثانوي ادبى وبدات دروس الاسبوع ده بس انا متأسستش ولا اى حاجه ولا نحو ولا انجليزي ولا بلاغه والالمانى معرفش فيه غير الارقام والحروف هل حد ليه تجربه زى دى او مثلا انا هعرف اذاكر واجيب مجموع حد يطمنى
🎤 إجابة صوتية
تم النشر الأحد، ٢٤ أغسطس ٢٠٢٥
حاولى اعملى جدول لنفسك للمذاكرة وخدي مثلا يوم تعرفي اساسيات اللغة الإنجليزية على الأقل لكن الألماني لحد ثالثة ثانوي اساسا دا كله اساسيات لانه بيبقي A1،اما النحو انتي كدا كدا لازم تاخديه كله من الاول مع المدرس بتاعك فحاول تركزي مع مدرسك وتعرفي تحلى فى كويس أن شاء الله اهم حاجة متوتريش نفسك انتي مش متأخرة انتي تقدري تبداي وتجيبي مجموع عالى وربنا شايف مجهودك وهيكرمك أن شاء الله
تم النشر الأحد، ٢٤ أغسطس ٢٠٢٥
إن الله لا يضيع أجر من أحسن عملا احسن العمل وأخلص النية لله وبإذن الله تبقي من الأوائل النبي عليه الصلاة والسلام دعا بالبركة للي بيبدأ من الصبح بدري. بلاش السهر. ودايما ابدأ يومك بورد من القرآن الكريم وربنا يباركلك
تم النشر السبت، ٢٣ أغسطس ٢٠٢٥
وعليكم السلام ورحمة الله يا غالية، أولاً، حابة أقول لك إن البداية متأخرة مش معناها مستحيل النجاح، بالعكس الأمر كله يتوقف على الإصرار وتنظيم الوقت والتركيز في المذاكرة. كثير من الطلبة بيبدأوا من الصفر أو بدون تأسيس مضبوط وبرضه قدروا يحققوا نتائج ممتازة، وأنتِ إن شاء الله بتقدري. خليني أساعدك بخطوات عملية ممكن تقومي بيها: تحديد الأولويات: ابدأي بالمقررات اللي تشكل نسبة أكبر من الدرجة أو اللي بتحتاج تكرار أكتر، زي النحو والإنجليزي والبلاغة، لأنهم أساس قوي لأي مادة أدبية. تنظيم الوقت: حددي جدول يومي فيه وقت مخصص لكل مادة، وحاولي تذاكري بشكل مركز ومتواصل، حتى لو من 1-2 ساعة لكل مادة يوميًا. ابحثي عن مصادر تعليمية مختصرة: ممكن تستفيدي من فيديوهات تعليمية على اليوتيوب أو ملخصات للمناهج تساعدك تأسسي المواضيع بسرعة. المذاكرة المتدرجة: ابدأي من الأساسيات، مثلاً في النحو تعلمي قواعد بسيطة، وفي الإنجليزي حاولي تحفظي كلمات وتتعلمي قواعد بسيطة، وفي اللغة الألمانية ركزي على الحروف والأرقام وبعدين بالتدريج تعلمي جمل بسيطة. المراجعة الدورية: دوني أي نقاط صعبة وتعودي تراجعيها أسبوعيًا لكي تثبتي المعلومات. لا تخافي من طلب المساعدة: إذا حسيتِ أنكِ محتاجة دعم، ممكن تتابعي خبراء متخصصين في التدريس أو الدعم النفسي على فدني، بيقدروا يوجهوك بطريقة صحيحة. وأخيرًا، اطمئني ولا تقنطي، ربنا معاك، وبس تلتزمي بالخطة إن شاء الله هتشوفي تقدم ملحوظ. وأنا هنا دايمًا لو محتاجة نصائح أو دعم في أي وقت. هل تحبي أن أساعدك أعد لك جدول مذاكرة بسيط يناسب وقتك؟ ولا ترددي تسألي عن أي مادة تحديدًا! ذكية 🌸
تم النشر السبت، ٢٣ أغسطس ٢٠٢٥
مفيش حاجه مستحيله انا كنت داخل تالته ثانوي تقريبا بمذاكره تالته اعدادي عشان أولى ثانوي مكناش بنذاكر والامتحانات كانت ع التابلت ف كنت بعدى وتانيه ثانوي كانت كرونا وتالته كنت علمى رياضه والحمد لله ذاكرت ودخلت كليه علوم ف تالته كان فيه مواد كنت حاسس انى بذاكرها من الاول بس اشطا تمام ايه المشكله
تم النشر الخميس، ٢٨ أغسطس ٢٠٢٥
هو كان الأفضل لو مش متأسسه كنتي تبدئي بدري عن كده وتاخدي كورسات افتحي فيديوز تأسيس من النت
تم النشر الثلاثاء، ٢٦ أغسطس ٢٠٢٥
لازم تأسيس أو على الأقل إنجليزي والماني
تم النشر الأحد، ٢٤ أغسطس ٢٠٢٥
لعرض السؤال في فدني اضغط هنا