أنا أخويا في تالتة ثانوي علمي وهو مش بيذاكر خالص ومستواه الدراسي ضعيف في السنين اللي فاتت فهو حتى مش عنده خلفية تراكمية للمواد سواء عربي أو إنجليزي أو أي مادة تانية بيروح ويجي من الدروس طول السنة ومفيش نتيجة ومفيش مذاكرة طبعا ولا أي مجهود منه حتى لما جيت أذاكر له بقيت قاعدة شبه بحفظه
العربي النصوص مثلا فيه صور بلاغية ببقى محتاجة أشرحله كل حاجة حرفيا من الألف للياء وبقيت حاسة دا إرهاق عليه
في الإنجليزي ماعندهوش أصلا حصيلة لغوية فمش عارفة ممكن أساعده إزاي في آخر كام شهر دول وإيه أحسن تكنيك أستخدمه معاه في المذاكرة؟
الحل من وجهه نظري في حالته دي انه ياخذ المنهج متجزأ بمعنى ايه انه مثلا لو درس ٧ صفحات بلاش مثلا زي من مدرسين ما بيعملوا ان هم بيشرحوا نص الدرس والمره اللي بعدها النص الثاني او ممكن كمان الدرس كله على مره واحده ،، اثناء مذاكرته حاولي تشرحي له كل صفحه بتفصيلها فاهماني ان هو مثلا لا الدرس سبع صفحات هناخد الصفحه الاولى نعرف محتواها بالتفصيل بحيث ان لو في حاجه قديمه هو مش فاهمها هترجعي تشرحيها له بسهوله وهكذا بقى مع كل المواد التجزئه للاقل من الكميه بتاعة الدروس لان انت كلامك بيدل ان هو ال skills اللي عنده اقل من اللي في سنه, ,, هو لو اتعود على الطريقه دي ومشي بيها في كل المواد اه يعني هتبقى محتاجه وقت لكن هيفهم الدروس كويس جدا
تم النشر الثلاثاء، ٢٧ يناير ٢٠٢٦
الانجليزي عايز كلمات كتير يحفظها بقية المواد مذاكره كتير المشكله ان الطالب لو مفيش عنده طموح مفيش اي حاجه تنفع معاه لازم من جواه يبقي عايز يبقي حاجه عموماً ربنا يجزيكي خير انتي كويسه وبتحاولي تساعدي وان شاء الله ربنا يكرمه ويوفقه ويجبر بخاطرك انتي اخت جدعه وربنا هيعوضك خير
تم النشر الأحد، ٢٥ يناير ٢٠٢٦
ممكن تطرحي عليه سؤال مهم جدا انت نفسك تبقي اي ؟؟ بناء على الإجابة الصادرة منه تقدري تضحي بوقتك من اجله وتقدري انك أيضا تساعدعن طريق دورس خصوصية منفرد لواحدة مع مذاكره مكثفة لازم ياخد دروس خصوصيه ويكون لواحدة من غير مجموعة. شكرا على اهتمامك بأخيك 🌹✨
تم النشر الثلاثاء، ٢٧ يناير ٢٠٢٦
يا حبيبتي، أنا فاهمة إحباطك تمامًا. مساعدة أخوكِ في تالتة ثانوي علمي مش سهلة، خاصة لو مفيش خلفية ولا حماس، بس برضو ممكن تحققي تقدم في آخر 3-4 شهور دول لو ركزتِ على خطة ذكية وبسيطة. أنتِ مش هتقدري تعملي معجزة لوحدها، بس هتقدري تبني له أساس وثقة. خلينا نروح خطوة بخطوة: 1. غيري الطريقة الأولى: مفيش حفظ، ده فهم وتطبيق للعربي : متعمليش حفظ نصوص كاملة. ركزي على "الصور البلاغية" الأساسية (استعارة، كناية، تشبيه) بشرح بسيط زي قصص قصيرة. استخدمي أمثلة من الحياة اليومية، وخليه يرسمها أو يكتب جمل بسيطة. هدف: 10 دقايق يوميًا لـ5 صور بلاغية فقط. للإنجليزي : ابدئي بـ"كلمات أساسية" (50 كلمة شائعة في الامتحانات زي family, health, environment). استخدمي تطبيق memrise أو قناة يوتيوب "English with Lucy" لفيديوهات قصيرة (5 دقايق). بعد كده، اقرأي فقرات قصيرة وخليه يترجم كلمتين بس كل مرة. للمواد العلمية (فيزياء، كيمياء، إلخ) : متشرحيش كل حاجة من الألف. خدي نموذج امتحان سابق، حددي 3 أسئلة سهلة، شرحي الحل خطوة بخطوة، وخليه يحلها لوحده. 2. أحسن تكنيك مذاكرة: "الـPomodoro المصري" + أهداف صغيرة جدول يومي بسيط (ساعة واحدة بس عشان ميزهقش) : | الوقت | النشاط | |--------|---------| | 25 دقيقة | مذاكرة مادة واحدة (فهم + تطبيق) | | 5 دقايق | راحة (يشرب مية أو يمشي شوية) | | 25 دقيقة | مراجعة + حل سؤال | | مكافأة | شوكولاتة أو لعبة 10 دقايق | ابدئي بمادة سهلة عليه (زي الرياضيات لو بيحبها) عشان يحس بالنجاح ويستمر. كل أسبوع: حددوا هدف واحد (مثل: "نخلص 20 كلمة إنجليزي")، ولما يحققه، احتفلوا مع بعض (فيلم أو أكلة مفضلة). 3. حفزيه نفسيًا (من غير ضغط) اتكلمي معاه عن هدفه بعد الثانوية (دكتور؟ مهندس؟) وhربطي المذاكرة بيه: "ده هيفتحلك أبواب كتير يا حبيبي". قوليله: "الله معاكِ، والتوفيق من عنده.. ادعي ربنا ييسرلك ويفتح عليكِ". (دعاء يومي قبل المذاكرة بيبني عادة). لو حسيتِ إرهاق، خدي يوم off وخليه يذاكر لوحده شوية عشان يتعود على المسؤولية. نصيحة أخيرة: ده هياخد صبر، بس لو استمريتوا 3 شهور، هيحقق درجات أحسن بنسبة 20-30% على الأقل. لو عايزة مساعدة أكتر، ابحثي في فدني عن أسئلة مشابهة هتلاقي إجابات كتير من خبراء. أنتِ بطلة إنكِ بتحاولي، ربنا يوفق أخوكِ وييسر أمركِ يا رب! 💪❤️
تم النشر الأحد، ٢٥ يناير ٢٠٢٦
بصي العربي كده كده في ثانويه عامه بيتشرح من الالف واللام الشمسيه والقمريه هي البلاغه اللي تحسبها متراكمه فعلا فممكن تتابعي معاه ف بدروس اون لاين واصلا المدرسين بيشرحوا كل حاجه من الصفر فهتلاقي كل الدروس ع اليوتيوب والانجلش نفس الكلام لو مراكم ممكن تبداي معاه يونت يونت يحفظ كلمات وانتي تسمعيله وهو يحل عليها وانتي تصحيله ولازم انتي تتابعي معاه بعيدا عن الدروس وتشجعيه وتنزلي لمستواه ومتحسسهوش بالقلق وأنه زيرو ومش هينجح لان ده كله بيأثر في نفسيته ودي اهم حاجه في الوقت ده
تم النشر الاثنين، ٢٦ يناير ٢٠٢٦
سيبك من مستواه .. اللوم والندم خطوة لورا .. شجعيه بس مش تحسسيه انك خايفة عليه زيادة عشان ميرميش الحمل عليكي .. لازم يكون في نسبة خوف من الفشل عشان يشيل المسؤولية ويعرف ان ده طريقه وحمله ... ممكن بطريقة أسهل تمري معاه عالدرس بسرعة لمدة ريع ساعة مثلا وبعدين هو يذاكر الدرس بنفسه لمدة ساعة
تم النشر الأحد، ٢٥ يناير ٢٠٢٦
لعرض السؤال في فدني اضغط هنا