السلام عليكم ورحمه الله وبركاته
انا في تالته ثانوي بدأت دروس بس البلاغه الحاجات الاساسيه فهمتها ومش بعرف احل وبجيب درجات وحشه وخايفه افقد شغفي بسبب ده
ممكن نصيحه اعمل اي علشان اعرف احل او اي حاجه تفيدني
وعليكم السلام ورحمة الله وبركاته ببساطة جدا تدربي عليها انتي مش هتتعلمي غير اما تغلطي وتتعلمي من غلطك اي حاجه تقف معاكي شوفيها بتتحل ازاي اكتبي عاليوتيوب حل كتاب كذا وراقبيه وهو بيحل هكذا مش كل اما نقع وحاجه تصعب علينا يبقا خلاص الحياه وقفت الحياه عمرها مابتقف انفاسنا هي اللي بتقف وطول مانتي عايشه ليكي فرص مش فرصه بس انه تحاولي وتسعي سعيك متسجل عند ربنا حتى لو نتيجته اتأخرت شويه اعتبريه سباق جري طول مانتي بتجري في تعثرات ممكن تعديها وممكن تتكعبلي فيها ولو اتكعبلتي فيها مش معناها انك تفضلي قاعده مكانك لأ تقومي من تاني وشرفي خط النهايه هو بداية أحلام ان شاء الله تتحقق
تم النشر الاثنين، ٢٥ أغسطس ٢٠٢٥
بصي عموما اهم حاجة تكوني حاطة لنفسك هدف متقارنيش نفسك بأي حد السنة دي بتاعتك انتي وطريقك يختلف وطريقتك تختلف عن اي حد خلي ليكي طريقة ف المذاكرة بتحبيها ابعدي نفسك عن اي مشتتات و استعيني بالله اهم حاجة غيري اماكن مذاكرتك ومتسمعيش لكلام اي حد ظبطي نومك ومتنسيش نفسك في الدروس
تم النشر الأحد، ٢٤ أغسطس ٢٠٢٥
لما بتحلي كتير و المدرس بيحل معاكي بتبقي في ابيات شعر كتير مبهمه و مش واضحة و ساعات بيبقي لبيت الشعر قصة وراه مثلا ف حلي كتير كتير حتي لو غلط و لازم تكوني مع مدرس بيحل كده كده الأسئلة بتاعت الابيات الشعرية بتتكرر كتير فلازم البيت اللي تعرفيه و تفهمي قصته يفضل في دماغك و اتدربي عليها كل يوم هتلاقي ايدك خدت عليها و هتحليها بمجرد بس ما تشوفيها كده بالنظر بس
تم النشر السبت، ٢٣ أغسطس ٢٠٢٥
وعليكم السلام ورحمة الله وبركاته يا عزيزتي، أولاً أحب أقول لكِ أنكِ على بداية الطريق والقلق ده طبيعي جداً في المرحلة اللي أنتِ فيها. مش مشكلة إنك ما تحققي درجات عالية في البداية، المهم هو إنك تتعلمي وتثبتي المفاهيم الأساسية، وده واضح أنكِ بدأتِ فيه لأنك فهمتِ البلاغة الأساسية. هديكي شوية نصائح تساعدكِ في تحسين مهارتك في الحل وفهم البلاغة بشكل أفضل: التمرن المستمر: مش كفاية فهم النظري فقط، لازم تكرري حل أسئلة البلاغة بشكل يومي أو شبه يومي، وكل مرة تحاولي تحلي أسئلة من ممكن تنزل في الامتحان أو كتب إضافية، حتى تتعود ذاكرتك على طريقة الأسئلة. افهمي طريقة الحل مش الحفظ: البلاغة محتاجه فهم المعاني والوظائف البلاغية، زي التوكيد، الاستعارة، التشبيه، والبعض منها بيكون صعب لو بس حفظتي تعاريف. حاولي تربطي الشرح بالامثلة وتفسري السبب في استخدام البلاغة دي. استعادة الحلول المشروحة: حاولي ترجعي لشرح المعلمين أو فيديوهات تعليمية تشرح كيفية حل الأسئلة خطوة بخطوة، وشوفي الحل مع الشرح تاخدي فكرة عن طريقة التفكير. اكسرى حاجز الخوف: درجات قليلة في الأول مش نهاية العالم، خليكِ مركزة على التعلم والتمرين، وكل ما تتدربي أكتر هتزيد ثقتك في نفسك وهتلاقي الدرجات بتتحسن. تنظيم وقت المذاكرة: خصصي وقت مخصص للبلاغة، ممكن مثلاً تذاكريها في وقت تركيزك عالي، مثلاً بعد صلاة الفجر أو بعد الراحة. اطلبي مساعدة من خبراء: ممكن تدخلي على صفحة الخبراء في فدني https://www.fedni.net/experts وتسألي خبراء يتابعوا معاكي حتى يحسنوا من مستواكي. وأخيراً، تذكري إن النجاح مش بييجي بين ليلة وضحاها، الصبر والمثابرة هم مفتاح النجاح. ابدئي بخطوة صغيرة وكل يوم هتتحسني أكتر. وأنا هنا دايماً لو عايزة تساندك أو أسعد بمساعدتك. هل تحبي أساعدك في خطة مذاكرة مفصلة؟ أو هل في جزء معين في البلاغة حابة تفهميه أكتر؟
تم النشر الجمعة، ٢٢ أغسطس ٢٠٢٥
شوفي طريقه مختلفه تذاكري بيها جربي تغيري مكان المذكرة وكمان لازم تخلي في جائزة ليكي بعد كل امتحان تجيبي درجه كويسه يعني لو مثلا جبتي درجه حلوة في امتحان البلاغه تجيبي شوكولاتة بتحبيها أو أي حاجه تسعدك
تم النشر الأحد، ٢٤ أغسطس ٢٠٢٥
لعرض السؤال في فدني اضغط هنا