السلام عليكم ورحمة الله وبركاته
انا تالته ثانوي وعندي مشكله في الانجليزي اكثر ماده معقده بالنسبالي بفهم ولكن لا استطيع الحل وبغلط كتير عند الحل وهذا الموضوع أرهقني كثيرا ولا اعرف كيف اتصرف
ارجو المساعدة انا عندي استعداد للتعلم ومعنديش كسل مهما كان الحل لفهم الماده
عشان تتمكن من مذاكرة وفهم اللغة الإنجليزية، حاول تبدأ بحاجات بسيطة زي الاستماع اليومي لمقاطع قصيرة بالإنجليزي وترجمتها، واحفظ كلمات جديدة كل يوم مع جملها. كمان اقرأ مقالات أو قصص بسيطة، وراجع القواعد الأساسية واحدة واحدة. استخدم التطبيقات التعليمية زي Duolingo أو YouTube، وحل تمارين كتير علشان تثبت المعلومة وتطور مستواك بسرعة.
تم النشر السبت، ١١ أكتوبر ٢٠٢٥
وعليكم السلام ورحمة الله وبركاته بصي الانجلش عموما اكتر الاعتماد على الكلمات احفظي الكلمات كويس اوي فيه كلمه مش فاهمه معناها تكتبيها في كراسه كدا و تترجميها بقا سواء مع المدرس الخاص بكي او من خلال ترجمه جوجل مع العلم انا بعمل كدا الكلمه اللي بتوقف معايا اكتبها فـ كراسه بـ الترجمه بتاعتها علشان وانا براجع ابص عليها كدا حرفيا تعتبري حليتي نص المشكلة بقا من ترجمه وقطعه وحل الكلمات طب الجرامر شوفي الجرامر بشرح مبسط بلاش تحفظي الجرامر افهميها الاول اعملي مخطط تكتبي فيها حسب فهمك واللي يوقف معاكي جربي تراجعيه وحاولي تحفظيها بس بعد لما تفهميها الاول جربي وانتي بتحلي تحلي مثلا والكشكول االي انتي كاتبه فيه قدامك واحده واحده على ما تتعودي عايزه اقولك ان الجرامر طبعا ليها مفاتيح حل بيبقا ليها كلمات اول لما اشوفها اعرف انا غي زمن ايه يبقا كل زمن تحفظي الكلمات بتاعته كدا حرفيا والله لو مشيتي زي ما بقولك الدنيا هتبقا فل معاكي اوي الموضوع صعب في البدايه بس انتي ما شاء الله عليكي بتقولي ان عندك شغف ربنا يجعلك كدا دايما الاول يارب فـ حاولي فعلا تجربي كدا وحلي كتير اهم حاجة الحل الكتير والله الانجلش حرفيا ممكن تضمني فيها نص الدرجات من الجرامر لان الجرامر حسب تحليلك للجملة وفهمك ليها وتشوفي مفاتيح حلها اللي هي الكلمات الداله يعني وتعرفي انتي في زمن ايه وتطبقي القاعده تمام هنحس ان الدنيا فل خالص يعني.. الكلمات شبه ما قولتلك حفظ الكلمات اللي عندك دا بنسبه للحل عليهم طب القطعه هحاول اترجم طب فيه كلمه مش عارفه اترجمها وانا في الامتحان ومش مسموح ليا اترجم من جوجل او أسأل حد هتسيبي الكلمه وتشوفي اللي بعدها على طول وتبدأي تترجميها ولما تكوني جمله هتعرفي معنى الكلمة و الكلمه اللي توقف معاكي اكتبيها وإسألي كتير لو فيه حاجة مش واضحة معاكي إسألي راجعي الانجلش بإنتظام لان حقيقي الجرامر بتتنسي خالص فاهمه وربنا معاكي دايما يارب وبالتوفيق وافتكري ان اغلبنا عندنا نفس المشكله وانك مش لوحدك 💗
تم النشر الأحد، ١٢ أكتوبر ٢٠٢٥
السلام عليكم بص ال grammar اللي بتاخده هتلخصه عندك في مايند مابس يعني اعمله خرائط ذهنية و اكتب اهم الحاجات و التركات اللي المدرسين بيقولوها و هما بيحلو لان دي هتساعدك تحل احسن و هي دي تركات الحل بالإضافة للقاعدة الأساسية اللي في الكتاب لما تلخصها بايديك من غير ما تحفظها هتلاقيها ثبتت في مخك ... و يا حبذا لو لقيت حد تشرحله القاعدة دي بعد ما فهمتها او تفتح الكاميرا و تتخيل نفسك بتشرح و تشرح او تفتح شات جي بي تي و تكلمه بالمايك و تشرحله ... ده كده هتلزق في دماغك مش هتروح ... ثانيا بقي انك بعد كده تبدأ تحل و كل ما يقف معاك سؤال تعلم عليه و لما تروح للمستر تساله ع كل تفصيلة و ليه و ازاي طب ولو ... استفسر ع كل حاجة لان طبيعي جدا وانت بتحل هتلاقي حاجات جديدة و مش كل حاجة هتكون اتشرحت اكيد في جديد و ده بتكتشفه لما تحل .. انت بتحل عشان تتعلم حاجة جديدة ولو عندك غلط تصححه انت بتتدرب مش في امتحان اخى السنة خد بالك! ثانيا الكلمات لما تاخدها ابدا حل عليها ع طول قبل ما تحفظها و مش مشكلة ترجع للدرس وانت بتحل لان هي لو هملت كده هتثبت معاك بعدها لو ما ثبتت تعمل اي؟ تروح تقرا كل الكلمات انجلش الاول و بعدها ترجمتها عربي مرتين او ٣ ... بعدها لو ما ثبتت هتاخد كل الكلمات الجديدة او الصعبة بس و تحطها في جمل و تبدأ بقي كل كلمة تجيبلها جمل من خيالك ... واستعمل الكلمات دي في يومك ... اخر خطوة بقي هي انك تقعد تعيد و تزيد في الكلمات دي .... وأنصحك في بنت اسمها ياسمين خالد تقريبا بتقدم محتوي للانجلش علي اليوتيوب تحفة جدا و هتساعدك تحسن الانجلش بتاعك و تديك تركات حلوة ... بالتوفيق
تم النشر الأحد، ١٢ أكتوبر ٢٠٢٥
وعليكم السلام ورحمة الله وبركاته يا ملاك، أشعر تماماً بما تمرين به، ومهمتي هنا أن أساعدك بكل حب ودعم! مادة الإنجليزي كثير من الطلبة بتواجه صعوبات فيها، خصوصاً لما يكون الفهم صعب لكن بتصعب عملية الحل. لنبدأ مع بعض بخطوات عملية تساعدك على تجاوز هذه العقبة: تقسيم المادة لأجزاء صغيرة بدلاً من محاولة فهم كل شيء مرة واحدة، قسمي الدروس لمواضيع صغيرة وركزي على نقطة واحدة في كل مرة (مثل القواعد، أو المفردات، أو التراكيب). فهم القواعد أولاً القواعد هي المفتاح لفهم الجمل وحل الأسئلة. يمكنك استعانة بكتب مبسطة أو فيديوهات شرح باللغة العربية تشرح لك القواعد بطريقة سهلة. التدريب على الحل بشكل دوري حاولي تحلي أسئلة بسيطة أولاً، وإذا أخطأتِ فسجلي الأخطاء لتراجعيها بعد ذلك. تذكري أن الأخطاء جزء مهم من التعلم. استخدام قاموس عربي-إنجليزي عندما تقابلين كلمات صعبة، استخدمي القاموس لفهمها ثم اكتبيها في دفتر خاص لتراجعيه يومياً. ممارسة اللغة يومياً يمكن أن تكرري الجمل أو التدريب على كتابة جمل بسيطة، أو حتى الاستماع إلى مقاطع إنجليزية مع ترجمة. التواصل مع مدرس أو خبير إذا كنتِ تودين، يمكنك أيضاً البحث عن خبير في اللغة الإنجليزية على منصة فدني يساعدك بجلسات تدريبية أو استشارات مركزة. تنظيم الوقت وعدم الضغط على نفسك حاولي تخصصي وقتاً يومياً منتظماً للإنجليزي، حتى لو 20 دقيقة فقط، لكن باستمرار. وأخيراً، لا تيأسي أبداً، فالتعلم رحلة وكل خطوة صغيرة بتقربك من هدفك. وأنا هنا دائماً لدعمك وتشجيعك، وإذا حابة، اسألي دايماً وأنا عندك. هل تحبين أن أساعدك في اختيار مصادر عربية مبسطة لتعلم قواعد الإنجليزي؟ أو ربما أساعدك في طريقة حل سؤال معين؟ فقط أخبريني!
تم النشر السبت، ١١ أكتوبر ٢٠٢٥
لعرض السؤال في فدني اضغط هنا