كم من الوقت تحتاج الفتاه لنسيان خطيبها السابق خطوبه سنتين... ؟
الوقت بينسي اه وعلى حسب شخصيتك بردو بتحدد تقدري تنسي وترجعي تتعايشي تاني في قد ايه بس لازم تساعدي نفسك انك تتخطي، تبعدي عن أي حاجه ممكن تفكرك بيه أو تسترجع ذكريات معاه ، تقربي من ربنا اكتر وتعملي حاجه لنفسك حتى لو بسيطه بس حطي كل وقتك في نفسك ، والحاجات اللي بتحبيها، هتتوجعي شويه فترة وهيجيلك وقت هتحني ويوحشك ووقت هتبقي كويسه ومش شاغلك وهكذا وده طبيعي، بس هترجعي أحسن من الأول. المهم متسيبيش نفسك للزعل. وربنا يعوضك خير بإذن الله
تم النشر الثلاثاء، ٣٠ ديسمبر ٢٠٢٥
السلام عليكم، هو مفيش وقت محدد أو قاعدة ثابتة لده، كله يعتمد عليكِ. لو كان فيه مشاعر وتعلق وكنتِ نفسيا وعقليًا راسمة مستقبلك على الشخص ده أكيد هيكون التجاوز والنسيان أصعب من لو كانت مجرد خطبة رسمية قائمة على الاختيار العقلي بدون تورط المشاعر. لكن عمومًا، حتى مع وجود مشاعر التجاوز مش مستحيل حتى لو هياخد بعض الوقت والجهد. الحل بيدك. برمجي عقلك على فكرة إن خلاص مفيش نصيب. اشغلي نفسك في حاجات أهم وخلي عندك أهداف جديدة أو حتى أهدافك القديمة اللي وقفتِ شغل عليها (لو كان عندك)... لو يومك مشغول ومثمر الأفكار مع الوقت هتتراجع وهتلاقي عقلك بقى يركز على مستقبلك والأهم في حياتك. اقعدي مع نفسك وافهمي الدرس أو الرسالة اللي المفروض تخرجي بها من تجربتك مع الشخص ده... أي حد بيدخل حياتنا أو أي تجربة بنمر بها لازم بتترك أثر وبنتعلم منها. فلو فيه أي خطأ وقعتِ فيه اعرفي إيه هو الخطأ عشان تتجنبي مستقبلا ولو فيه حاجة إيجابية طلعتِ بها احفظيها. للمستقبل، خليكِ متوازنة في توقعاتك ومتوقفيش حياتك على شخص عشان تتجنبي الخذلان إذا حصل غير توقعاتك لا قدر الله. وربنا يوفقك ويعوضك خير إن شاء الله.
تم النشر الاثنين، ٢٩ ديسمبر ٢٠٢٥
لا توجد هنالك معادلة للحساب... الأمر يتعلق بك وبقناعتك بأنه يمكنك ان تحبّي وتعطي فرصة لشخص اخر يتقدم لك؛ فكم من امرأة توفي زوجها او تطلقت ثم وجدت العوض في رجل آخر وتزوجت... وكم من فتاة تمت خطبتها اكثر من مرة ولم يتم الامر بالزواج ثم وجدت شريك حياتها المناسب في الوقت المناسب... اريدك ان تنظري لحياتك، كيف يمكنك ان تشغلي نفسك، هوايات او "كورسات" او رياضة.. قومي ببناء حياتك وشخصيتك وطبعا لا تتركي الدعاء والاستغفار فإنه والله اثره عظيم
تم النشر الاثنين، ٢٩ ديسمبر ٢٠٢٥
عزيزتي، أولاً أشعر بألمك وأتفهم تماماً صعوبة تجاوز خطبة دامت سنتين… الوقت مش ثابت، يختلف من فتاة لأخرى حسب عمق العلاقة والظروف، لكن عادةً يحتاج الأمر من 3-6 أشهر للبداية، وقد يصل لسنة كاملة للشفاء التام. المهم مش الانتظار، بل العمل اليومي! خطوات عملية لتسريع الشفاء (من منظور نفسي وإسلامي): قطع الاتصال تماماً : بلوك كل شيء، وامسحي الذكريات (صور، هدايا). "القلب يشفى بالبعد". ركزي على نفسك : ابدئي روتين يومي قوي – صلاة منتظمة، قراءة قرآن (سورة الشرح للراحة)، رياضة خفيفة، وهواية جديدة زي الطبخ أو الرسم. اكتبي مشاعرك : دفتر يوميات لتفريغ الغضب والحزن، ثم احرقيه (بأمان!). ابني شبكة دعم إيجابية : ركزي على عائلتك، وابحثي عن أهداف جديدة زي تعلم مهارة أو مشروع شخصي. ادعي الله : استشيري الدعاء "اللهم أذهب الهم عني"، وثقي أن الخطبة كانت اختبار لشيء أفضل قادم. أنتِ قوية وستخرجين أقوى! لو احتجتِ دعماً أعمق، شوفي الخبراء في https://www.fedni.net/experts، أو ابحثي أسئلة مشابهة في فدني لتجارب أخريات. 💕
تم النشر الاثنين، ٢٩ ديسمبر ٢٠٢٥
تم النشر الاثنين، ٢٩ ديسمبر ٢٠٢٥
السلام عليكم ورحمة الله وبركاته ، يجب ان تعي ان الخير فيما قدره الله وتسأل الله خيرا وتستعن بالله وتسأل الله من فضله ، فقد قال تعالي (واسألوا الله من فضله)، وان تصبر فإن الله مع الصابرين وإن تتقي الله يأتيها الصالح إن شاء الله وتشغل نفسها بالمفيد وتعي ان ما حدث أمر مقدر وان كان مقدر لها الشخص سوف يأتيها ولا تقلق ولا تحزن فإن الله لا يضيع عباده الصالحين ولا تنتظر حل سحري بالنسيان لان هذا تضييع للعمر.
تم النشر الاثنين، ٢٩ ديسمبر ٢٠٢٥
مفيش مقياس محدد كل تجربة غير التاني، لكن في عوامل بتساعد على التخطي اولا الاستعانه بالله تبدأى تكتبي اسباب عدم الاكتمال لتتجنبيه في التجربه القادمة بإذن الله، كمان انك يكون ليكي اهتمامات حياتيه وانشطة ،دورات، صحبه، مقابلات عائلية
تم النشر الخميس، ١ يناير ٢٠٢٦
على حسب كل واحد وشخصيته
تم النشر الثلاثاء، ٣٠ ديسمبر ٢٠٢٥
والله على حسب قدرتها وغلاوته عندها ممكن تنساه في شهر او اتنين او اقل على حسب إرادتها هي بس عموماً نصيحه تسحل نفسها في شغل وحياتها هتنساه اسرع
تم النشر الثلاثاء، ٣٠ ديسمبر ٢٠٢٥
السلام عليكم.. مش مطلوب تنساه خليه في ذاكرتك ولكن لا يكون ملف مفتوح يبث سمومه ولكن يكون ملف مقفول تحت اسم تجربة وخبرة
تم النشر الثلاثاء، ٣٠ ديسمبر ٢٠٢٥
كله بارادتها هي لو عايزة تنسي هتحاول علي قد ما تقدر تشغل نفسها وتحاول تتحكم في تفكيرها بيه لكن لو هي مش عايزة وبتضحك علي نفسها يبقي هتضيع عمرها علي البكاء علي الاطلال وهي هيبقي عايشة حياته متجوز ومخلف
تم النشر الثلاثاء، ٣٠ ديسمبر ٢٠٢٥
لعرض السؤال في فدني اضغط هنا