فاهم طبعا انك بتعيشي تجربة صعبة جدا وأنكِ حاسة بالألم واليأس. مقدّر صراحتكِ وقدرتكِ على التعبير عن مشاعركِ. و إن رغبتكِ في الابتعاد عن العنف والبحث عن بيئة آمنة أمر طبيعي ومفهوم تمامًا. من المهم أن تعترفي بمشاعركِ وتُعبّري عنها بطريقة صحية. ما تتكسفيش ابدا من البكاء أو انك تعبري عن مشاعركِ مع حد تثقي فيه. احكي للمدرس او المدرسة بتاعتك اللي بتحبيها عن اللي بيحصل معاكي و اطلبي منها هي اللي تتكلم مع اخواتك او مامتك او باباكي . شوفي حد من قرايبك عمتك او خالتك او عيالهم حتى لو سنهم كبير و بترتاحي مع حد في الكلام , او حتى اطلبي منهم انك تروحي تقعدي معاهم يومين مثلا . و لو مش عارفة تتكلمي مع حد خالص و بتتعرضي للضرب جامد اتصلي بخط المساعدة للطفل الخط الساخن 16000 أو من خلال رقم الواتس اب على الأرقام 01102121600 ، 01016609579 او عن طريق الصفحة الرسمية لــ المجلس القومي للطفولة والأمومة على الفيس بوك - الموقع الرسمي للمجلس القومي للطفولة والأمومة http://www.nccm.gov.eg/ المهم أنك تفتكري و تتاكدي أنكِ مش لوحدكِ وأن فيه كتير بيحبوكي و يمكن اخواتك حتى لو بيضربوكي عشان بيحبوكي ف ممكن تعرفيهم انهم لو بيحبوكي يتكلموا معاك و يقولولك ايه الغلط اللي عملتيه و اوعديهم انه مش هيتكرر . بس خليكي عارفة ان فيه كتير بيحبك و عايز يساعدك . و احتاجتي مني مساعدة كلميني يا حبيبتي . واثق في قدرتكِ على التغلب على الظروف الصعبة دي وتحقيق أحلامكِ و انك مهما حصل هتفضلي بتنظي و بتعملي اللي عندك و تهتمي بدراستك . مع تمنياتي ليكي بحياة سعيدة.
طبها وشكرا ليك عشان حاسه انك اكتر حد فهمتني
تم النشر الجمعة، ٢٩ مارس ٢٠٢٤
طبعا انتي فدها و ماشاء الله واضح انك سنك صغير بس عقلك كبير و ان شاء الله مش هيكون فيه ضرب و متستحمليش ولا تكتمي كلام جواكي اللي يضربك اتكلمي معاه و حسسيه و فهميه انه ربنا هيحاسبه على دة طبعا و ثانيا زي ما قولتلك اطلبي انك تعرفي سبب الضرب و عالجيه ربنا معاكي يا قمر و ركزي في دراستك اهم حاجة بعد قربك لربنا ,و طبعا ربنا احسن حد تقفي تصلي و تحكيله كل اللي عندك و تطلبي كل اللي انتي عايزاه و انتي متاكدة مليون % انه هيقف معاكي.
تم النشر الجمعة، ٢٩ مارس ٢٠٢٤
انت معاك حق بس انا عارفه هموم الناس ومبحبش اشغل حد بهمومي بالنسبه للضرب انا هستحمل هيعدي بس انا كنت محتاجه اتكلم وشكرا لكل حد ساعدني انا مقدر مساعدتك اوي ربنا مستحيل يحملني فوق طاقتي وانا قده وهي تخلص تالته ثانوي و هكلمه
تم النشر الجمعة، ٢٩ مارس ٢٠٢٤
لعرض الإجابة في فدني اضغط هنا