بصراحة أنا متفهمة جدا خوفك، لأن فعلًا في بيوت كتير لحد دلوقتي مش بتتعامل مع الأمراض النفسية بجدية خصوصًا الجيل الأكبر، وفي ناس للأسف بتشوفها دلع،،، فطبيعي تكوني خايفة من رد فعلهم. بس برضه متقفليش كل الأبواب قبل ما تجربي. فكري كده، معقول مفيش حد واحد بس في العيلة ممكن يسمعك؟ حتى لو مش مامتك أو باباكي، يمكن أخت.. أخ او بنت خال..بنت عم..أو أي حد انتي حاسة إنه قريب منك وممكن يحتويكي. ولو فعلًا مفيش، هل عندك صاحبة قريبة تثقي فيها؟ لإنك مش محتاجة حد يحل كل حاجة، على قد ما محتاجة حد يسمعك ويفهمك. وبلاش تفضلي كاتمة كل ده جواكي، سواء مشاعرك أو كلامك، لأن الكتمان بيخلي الحمل أتقل على الواحد. ولو مش قادرة تتكلمي مع حد دلوقتي،،، جربي تكتبي كل اللي جواكي أو تسجلي فويس لنفسك كأنك بتحكي لحد.. ربنا يخفف عنك ويطمن قلبك. 🤍
خايفة اتكسر او يحسسوني اني دلوعة كالعادة ومشاكلي ملهاش لازمة .. خايفة يكدبو فيا حاجه بحاول اصدقها علشان اصلحها ... فعليا الحياة بالنسبالي بقت كإنها حيطة سد عاوزة دماغي تقف شوية ومبقتش فهماني
تم النشر الخميس، ٢٣ يوليو ٢٠٢٦
خايفه من كلامهم او تعليقاتهم ع الموضوع اللي بتخليه يسوء ولا من اي بالظبط؟ يبنتي خايفه لي كدا بجد؟ أنتِ تعبانه و بتعالجي نفسك اي الصعب المخيف اوي ف كدا؟ العفو،،ربنا يعينك 🌿
تم النشر الخميس، ٢٣ يوليو ٢٠٢٦
خايفة اوييي بس هحاول اعملها بجد شكراا على كلامك
تم النشر الخميس، ٢٣ يوليو ٢٠٢٦
ولو لقيتي إن الموضوع هيعمل مشاكل أو إنها برضه مش متفهمة، حاولي تاخدي السيشن في وقت البيت يكون هادي شوية. البسي سماعه لو عندك عشان محدش يسمع الطرف التاني وانتِ كمان وطي صوتك على قد ما تقدري.. ولو لسه الموضوع صعب ساعتها ممكن تقولي إن عندك كورس أونلاين أو درس بتحضريه. أهم حاجة متوقفيش علاجك بسبب الخوف، لأن انقطاع 3 أسابيع مش في صالحك. وإن شاء الله تكملي علاجك على خير 🤍
تم النشر الخميس، ٢٣ يوليو ٢٠٢٦
حبيبتي متجلديش نفسك، اللي انتي فيه بيخلي حتى الحاجات اللي الواحد كان بيحب يعملها تبقى تقيلة عليه، فمتفتكريش إنك بعدتي عن ربنا أو إن ربنا غضبان عليكي. حتى لو مش قادرة تعملي كل اللي كنتي بتعمليه حاولي متقطعيش خالص، حتى لو بدعوة من قلبك أو بركعتين. وربنا أعلم بيكي وباللي بتمري بيه. وبالنسبة للسيشنز بلاش توقفيها لأنها أصلًا المفروض تساعدك تعدي الفترة دي. وأنتِ مش كنتي قولتي إن مامتك أصلًا معترفة بموضوع الاكتئاب وكانت قبل كده قالت لأختك تروح لدكتور نفسي؟ طب ليه متجربيش تفهميها بصراحة إن دي سيشن علاج وإنك محتاجاها بدل ما تفضل مستغربة أو يسوء ظنها؟ جايز رد فعلها يطلع أحسن من اللي متوقعاه.
تم النشر الخميس، ٢٣ يوليو ٢٠٢٦
انا كنت قريبة من ربنا اويي حاسه اني بعدت مبقاش عندي طاقة اعمل اللي كنت بعمله كنت بصلي قيام ليل والاذكار وكده مبقتش بعمل حاجه ولا عندي طاقة هو الفروض بس .. السيشنز خدتها اونلاين علشان ميفضالوش يسألو كتير راحه فين بقو لما يشوفوني بتكلم بيقولو بتكلمس مين وحسيت ماكتي شكت فيا اني بكلم حد ولد يعني ف بقى عندي خوف اصلا اخد السيشن بقالي 3 اسابيع موقفه وخايفة اخد السيشن اتس
تم النشر الخميس، ٢٣ يوليو ٢٠٢٦
طيب يا حبيبتي هقولك، هو فعلًا في عائلات كتير بيبقى عندهم فكرة إن اللي أصغر منه مش عنده مشاكل،،و انك الصغيره ف هيشوفوكي مدلعة ومش شايلة مسؤوليات كتير عادي.. وكمان الحاجات اللي حصلت معاكي زي إنك فقدتي الطاقة ومبقتيش عايزة تعملي حاجات كانت بتبسطك دي اصلا من أعراض الاكتئاب نفسه، يعني متحمليش نفسك ذنب حاجة عقلك وجسمك بيمروا بيها.. ومش هنقدر نغير قناعتهم كلها أو نخليهم يفهموا كل حاجة، بس المهم إنك متخليش كلامهم يخليكي تكرهي نفسك أو تحسي إنك السبب في كل ده.. وحاولي تقربي من ربنا في الفترة دي أكتر احكيله اللي جواكي واطلبي منه يعينك ،،، وكمان حاولي تكملي فترة علاجك كويس ومتفضليش قاعدة مع الأفكار اللي بتوجعك طول الوقت.. لأن التفكير الكتير في الحاجات اللي بتضايقك بيزود التعب. ركزي على إنك تعدي الفترة دي على خير وإن شاء الله الأمور تتحسن.. ربنا يعينك و يخفف عنك.
تم النشر الخميس، ٢٣ يوليو ٢٠٢٦
مامتي معترفه عادي وقالت لاختي قبل كده تروح لدكتور نفسي وكده وانا عادي كنت بقول بهزار قالتلي انتي شوفتي ايه علشان تحتاجي ده .. هما مقتنعين اني متدلعه واني معنديش مشاكل وان مشاكلي تافهه لإني الصغيرة .. صحابي انا اصلا صغرت دايرتي مبقاش عندي حد احكيلة او اجري عليه حتى معنديش امان لأي حد .. انا مبقاش عندي طاقة اتكلم او اكتب اللي مضايقني حتى الحاجات اللي كنت بحاول فيها تبسطني مبقتش خلاص بحاول اشغل نفسي ب أي حاجه.. عيلتي مكونه من 3 افراد ولاد عمي وخالتي وكده مش معايا رقمهم حتى مش قريبين يمكن اختي قريبه شويه بس صعب احكي او اتكلم هى مش فضيالي ودايما مشاكلي الابسط بالنسبالهم فليه اتكلم واتكسر اكتر.. ولكا يسألو عن السبب ازاي هقدر اقول انهم السبب الرئيسي للي انا فيه !!
تم النشر الخميس، ٢٣ يوليو ٢٠٢٦
لعرض الإجابة في فدني اضغط هنا