القصة وما فيها إني بقيت شخصية عديمة المشاعر بسبب اني وانا طفلة كنت طفلة زي الاطفال وحساسة جدا بس أهلي كان وضعهم المالي ضئيل ومش احسن حاجة فكنت بحس بالإهمال منهم واني عاوزة منهم اهتمام وحب ودعم ولكن نشأ عندي خوف من البشر والمعلمين والقيود
وكمان كان عندي صديقة حسيت معها بالأمان ولكن بسبب غلطة مني وصفتني اني أنانية وحاجات كتير وانقطعت علاقتنا وانا رجعت صالحتها عشان تسامحني في حقها وأنها تعتبر الوحيدة اللي ملأت الفراغ بتاعي في الدنيا،
رغم اني اعرف ناس وبعرف افتح مواضيع وكدا ولكن وحيدة بمعني الكلمة من اول ابتدائي لحد الكلية فبيقت تصرفاتي عبارة اني بعاند كل حاجة ومبثقش في حاجة وغير اني فشلت اني ادخل الكلية اللي عايزها ودعيت كتير ورحلة علاج عشان التقبل ولكن برضو بحس بالحنين لها
وبقيت بعاني من مشاكل النسيان وما أشبه اني مش انا الشخصية اللي عايزها غير خناقاتي مع اهلي بسبب الوضع المادي والزواج قبل ما اصل 30سنة رغم اني لسه بالعشرين بسبب اني أخواتي اتزوجوا على كبر وناس مطلقة وعندها عيال وكل شوية يشتكوا من الحياة فأنا اصبح عندي عقدة لو لقيت في شخص نقص في المواصفات وغير كدا هما عاوزين اني اتزوج بسرعة قبل ما اكون زي اخواتي
وانا حاسة اني يئست من حياتي وبقيت ما بعرفش ادعي وساعات ادعي معرفش هتقبل ولا لا وهنجح ولا لا وهعمل وحاولت التزم كام مرة وفشلت بقيت بخاف من المواجهة عشان محسسش نفسي بالضعف عشان اعدي
وبخاف اموت وانا مقصرة مع اهلي رغم إني عارفة أنها أمور خارجة عن إرادتهم واني اخر واحدة واكون السابعة وغير اني أخواتي منهم اللي بيلوم ابويا علي ومنهم اللي عادي والحياة بتعدي وأعمارهم ما بين 40و30 ومفيش حد منهم مقتدر على الزواج وخائف من المسئولية والفشل
فأنا تكون عندي خوف من الحياة والمستقبل واني افضل زي ما انا واموت واتحاسب وانا معملتش حاجة في حياتي غير اني ماكنتش احسن حاجة مع اهلي واني فقدت الظن وبقيت مش عارفه حاجة في حياتي غير اني اتمني معجزة تحصل معايا ودعاء والخوف من إن العمر يعدي وأنا زي ما أنا
بصي انا مش شيخ او رجل دين او واعظ انا انسان طبيعي عادي ملهوش في الدنيا دي كلها غير انه يرضي ربه ويعمل المأمور بي ويرضي أهله ويطيعهم ويعمل خير في الدنيا حتى لو معهوش واني اشوف انا بحب اي واعمله مثلا ارسم واصلح حاجه انزل مع صحابي او حتى اتابع افلام واشاركها لناس اخترتهم بعنايه وموقفش حياتي على حد كدا، يعني اتعلم حاجه جديده واكلم ناس كتير ابقا اجتماعي انفرد بقراءة كتبي المفضله اروح ايفنتات اعمل كل اللي نفسي فيه بما انه مش بيزعل ربنا ولا في حاجه عيب واتجوز في الوقت اللي يريحني بما اني شغال وبصرف على نفسي ومش مخلي نفسي محتاج وبساعد اهلي وأسندهم ماديا وانزل وقت ما انا عايز وارجع وقت ما انا عايز وأخلص جيمي واكل اكلي بانتظام واروح واجي والدنيا حلوة لي؟ لأن طول ما انا حاطط في بالي ان الدنيا مش مستاهله وحلوة واقدر اعمل اللي انا عايزه فيها حتى لو اتطربقت على دماغي اوريها ان مهما بعتت يومي مش هيبوظ لأن انا عايز حياتي تبقا كويسه ومش عايز يوم يبوظ منها لأني بحب حياتي وبقدرها جدا لكن طول ما انا بسمح لأي مشكله مهما كانت تتمكن مني وقفلت، أي حاجه خارجيه ممكن تساعد اني اهدى وافكر صح فحل المشكله دي وانا شخصيا بفكر بسلبيه وبروح اشكي لعبدالله واسيب ربنا نفسه فا المشكله عمرها ما هتتحل فا انا اروح ادعي لرب العباد واللي حطني في المحنه دي عشان يختبرني ويشوف لما اقع هقوم تاني واقع واقوم وهكذا... ولا هفضل قاعد علي الارض بعيط ومستني حد يقومني ربنا مبيحطش حد في محنه او مشكله غير وهو عارفه انه قادر على حلها مش هيحطلك اختبار فوق طاقتك فمهما كانت المشكله حطي في بالك ان دايما لكل داء دواء وانا قدها وهعديها مهما الدنيا بعتت.
تم النشر الأربعاء، ١٤ يناير ٢٠٢٦
خلي الساموراي ده حليفك في المسؤليات اللي جايه
تم النشر الأربعاء، ١٤ يناير ٢٠٢٦
حابه أقول لك انت مش عديمه المشاعر انت شخصيه حساسه وحنينك لصاحبتك ده مش ضعف منك ده معناه ان انت لسه ما زال عندك الشعور بالوحده وده محتاج يتعالج محتاجه تتعلمي تحبي وحدتك وتحبي نفسك وبالنسبه لليأس من حياتك انت عندك يأس لانك شاغله نفسك دي المشاكل اللي في حياتك اكثر من انك شاغله نفسك بقى انت عايزه ايه فنصيحتي ليكي انك تقعدي مع نفسك وتبتدي تكتبي كل حاجه انت نفسك تحققيها في حياتك من أصغر حاجه لاكبر حاجه وابتدي واحده واحده حطي هدف لنفسك في اليوم هدف بسيط واقعي تقدري تحققيه كل اما هتحققي هدف كل اما هتحسي بالحماس وهيبقى عندك أمل في الحياه واهم حاجه حاولي تقربي من ربنا سبحانه وتعالى اتعلمي عن اسماء الله الحسنى وصفاته وابتدي تدبري القران اهم حاجه ما تضغطيش على نفسك ابتدي واحده واحده وكل اما تحققي هدف صغير اتعلمي تكافئي نفسك بحاجه انت بتحبيها اكتبي قايمه بكل الحاجات اللي انت بتحبيها واللي بتبسطك وابتدي اعمليها لنفسك كل يوم ولو عندك اي سؤال او استفسار اكتبي لي وانا هرد عليك على طول باذن الله
تم النشر الثلاثاء، ١٣ يناير ٢٠٢٦
يا حبيبتي، أنا ذكية، وأنا هنا معاكِ قلبًا وقالبًا. أول حاجة، أشكرك إنك شاركتيني قصتك، وأنا فاهمة تمامًا اللي جواكِ: الخوف ده متراكم من الطفولة، الإهمال، الوحدة، الفشل في الكلية، ضغط الأهل على الزواج، واليأس من المستقبل. ده مش ضعف منكِ، ده جرح قديم بيحتاج رحمة وشفاء، وأنتِ قادرة تغيريه بإذن الله. خطوات عملية عشان تتغلبي على الخوف ده: ابدئي صغير جدًا كل يوم : مش لازم تثوري على كل حاجة مرة واحدة. اختاري هدف بسيط زي "النهارده هقرأ صفحة قرآن وأدعي 5 دقايق بصدق: 'اللهم ارزقني التوفيق والثبات'". الدعاء مع اليقين والاستمرارية إن شاء الله هيُستجاب، تذكري قول الله: "وَمَنْ يَتَّقِ اللَّهَ يَجْعَلْ لَهُ مَخْرَجًا". واجهي الخوف خطوة خطوة : الخوف من الفشل ده بيختفي لما تعملي حاجة صغيرة وتنجحي فيها. مثلاً، لو عايزة كلية تانية أو شغل، ابدئي ببحث يومي 10 دقايق عن فرص (دورات أونلاين مجانية زي Coursera أو منصات مصرية). الفشل اللي حصل مش نهاية، ده درس. مع أهلك والزواج : هما مش عارفين يعبروا عن الحب غير بالضغط، بس أنتِ مش ملزمة تتزوجي قبل ما تكوني جاهزة. قوليلهم بلطف: "أنا بحاول، بس عايزة وقت عشان أختار صح". ركزي على صلاح الشخص مش المواصفات، واستخيري ربنا قبل أي خطوة. أخواتك مش قدوة سلبية، الحياة بتتغير بالصبر. الوحدة والحنين : الصديقة دي كانت تعويض، بس السند الحقيقي هو ربنا. ابدئي ببناء علاقات بسيطة في محيطك الاجتماعي. مش هتحسي بالأمان فجأة، بس الخطوات الصغيرة هتجيب ناس طيبين. الالتزام واليأس : فشلتِ كام مرة؟ عادي، (إن الله مع الصابرين) حاولي تلتزمي بأهدافك وخططك ولو فشلتِ يوم، قومي تاني بدون لوم نفسك. الخوف من الموت مقصرة؟ ربنا غفور رحيم، والعمر لسه قدامك وباب التوبة مفتوح فكل ما تحسي بتقصير ارجعي على طول. يا قمر، أنتِ مش عديمة المشاعر، أنتِ حساسة زيادة وده قوة! متستنيش معجزة كبيرة، اعملي اللي عليكِ والمعجزة هتيجي. لو عايزة دعم أكتر، دوري في Fedni على أسئلة زي "الخوف من الفشل" أو "ضغط الزواج"، هتلاقي إجابات كتير. ولو محتاجة استشارة متخصصة، شوفي الخبراء هنا: https://www.fedni.net/experts (في علم نفس وتطوير ذات). أنتِ هتنجحي، صدقيني. 💕
تم النشر الثلاثاء، ١٣ يناير ٢٠٢٦
السلام عليكم ـ استعيني بالله واصبر وادعي الله أن يرزقك الصالح وان يصلح حالك وجاهدي نفسك للخير يهديك الله سبل الرشاد واعلمي ان الخير في ترك الدنيا والعمل للآخره فلا تبالي للدنيا واعلمي أن الله مقدر لك الخير ـ استعيني بالله واسألي الله واعلمي ان الله فقط عنده حل لكل مشاكلك نحن سبب واحيانا لا نملك السبب فلا تكترثي بكلام الناس الجميع يتحدث من منظوره الذي قد يكون مصيب او مخطئ ـ لكن الحق كامل الحق يقدره لك الملك سبحانه وتعالى اسألي ربك بما تريدين واصبري.
تم النشر الثلاثاء، ١٣ يناير ٢٠٢٦
لعرض السؤال في فدني اضغط هنا