بصي أنتِ بنفسك قلتي السبب... ان حياتك فاضية ومفيش حاجة تانية شاغلاكي أو مديّاكي إحساس بالفرحة عشان كده اللاعب ده أخد مساحة أكبر من الطبيعي في حياتك وبقى مش مجرد لاعب بتشجعيه بقى مرتبط عندك بكل حاجة حلوة.. أنا مش هقولك اكرهيه أو إنك غلطانة عشان بتحبيه أنتِ معجبة بأخلاقه وصفاته مش بكورته بس وده شيء مفهوم لكن لازم تفرقي بين إنك تعجبي بحد وبين إنك تعلقي حياتك كلها عليه. هو شخص ربنا خلقه واداله موهبة ونجاح لكن هو عنده حياته وأهدافه وانتي كمان ليكي حياتك وأهدافك وحاجة مهمة برضو لازم ناخد بالنا إن مش كل حاجة بنشوفها قدام الكاميرا بتكون الصورة الكاملة. أكيد الشخص المشهور بيظهر جوانب معينة من حياته وغالبًا بنشوف الحاجات الحلوة واللقطات اللي بتخلينا نحبه لكن الواقع أكيد أكبر من كده. مش معنى ده إن الشخص وحش أو إنك لازم تكرهيه لكن خلي عندك عقل ناقد ومتخليش مشاعرك تسوقك من غير تفكير،، جربي بعد ما تتفرجي على ريلز أو فيديوهات سواء عنه او عن اي حاجه تانيه،،تسألي نفسك أنا استفدت إيه؟ أنا عملت إيه لنفسي؟ الناس دي بتسعى وبتتعب وبتحقق حاجات في حياتها طب وأنا فين؟ هل أنا ببني حاجة لنفسي ولا بس بتفرج على غيري وهو بيحقق أحلامه؟ ممكن أفضل أشجع وأتابع لحد ما الموضوع يتحول لتعلق كبير وفي الآخر هما بيكسبوا وبيكبروا في حياتهم وأنا وقتي وعُمري بيروحوا ممكن يكون وجوده فرحك في وقت كنتي محتاجة فيه حاجة تفرحك لكن مينفعش يكون هو مصدر سعادتك الوحيد لأن أي حاجة غير ربنا معرضة إنها تتغير. عشان كده خلي تعلقك الأكبر بالله وخلي إعجابك بالناس دافع إنك تطوري نفسك مش سبب إنك توقفي حياتك،،،فكري نفسك دايما انك اتخلقتي لي؟ و دورك و واجبك اي؟ و مش مطلوب منك تنسيه فجأة لكن ابدئي تقللي الحاجات اللي تزود التعلق واملي حياتك بحاجات تخصك انتي...صدقيني الوقت هيبقي كفيل انك تنسيه و ان يبقي بالنسبالك مجرد شخص عادي،،،خدي الصفات اللي حبيتيها فيه كإلهام واشتغلي على نفسك عشان تبقي الشخص اللي انتي كمان تفخري بيه.
تسلميلي.. بجد فرحت إن كلامي ريحك وده أهم حاجة عندي، كنت بس عايزاكي تشوفي الموضوع من زاوية تانية مش أكتر. وانتي واضح إن قلبك طيب وبتقدري الحاجات الحلوة في الناس،،بس متنسيش نفسك وسط كل ده 🤍
تم النشر الخميس، ٢٣ يوليو ٢٠٢٦
والله اكتر كلام ريحني انتي عاقله جدا مبصتيش للموضوع بنظره وحشه زي ناس كتير وطلعتي عيوب ف الشخص ده بل قولتي كلام يمكن قلل الي عندي شويه💞
تم النشر الخميس، ٢٣ يوليو ٢٠٢٦
لعرض الإجابة في فدني اضغط هنا