ازيكو عاملين ايه عايزه احكي مشكلتي وياريت حد يساعدني انا متعلقه ب لاعب مشهور ونا اصلا حياتي كلها فاضيه مفيش اي حاجه ف حياتي ولا حاجه تفرحني بس اللاعب ده هو الوحيد الي كنت اتفرج ليه ع ماتشات وميخذلنيش ابدا واتراهن معا صحابي عليه ويكسب وميخذلنيش
اللاعب ده كل حاجه بالنسبالي لدرجه اني بفتح صورو اتكلم معا واعيط وعلطول بحلم بيه بيبقا واقف معايا وقبل كده حلمت اني بعيط وهو قعد يطبطب عليا اللاعب ده مش بحبه عشان كوره وبس لا هو لاعب متواضع جدا وقلبه طيب مفيش حد زيه بشوف معمالته لولاده ومراته بقول ليه مفيش حد فحياتي كده مش بيرد الاساءه بإساءه ابدا
قلبه اطيب من الطيابه وده خلى تعلقي ليه يزيد اكتر ف كان بيلعب قريب ماتش كاس العالم وهو خسر واعلن اعتزاله انا من ساعة اللحظه دي كل حاجه وقفت عندي بقالي ٤ ايام مش باكل ولا بخرج من البيت والي يشوف البوست ده يقول عبيطه دي ولا مالها ده مجرد لاعب بس لا هو مش مجرد لاعب ده حد اتعلقت بيه ف حياتي كان ملازمني ف يومي وشعور الفرح ف حياتي علطول والله العظيم بسببه مش قادره اصدق اني مش هشوفو تاني
أنا شوفته بيعيط انهارت وحسيت ان الدنيا ضاقت بيا اوي الناس كلها بتتريق عليا بس محدش حاسس بيا ولا بالوجع االي فيا ابدا انا اتعلقت باللاعب ده جدا حتى لما لعب قدام منتخبي قلت لا خلاص اكيد هشجع منتخبي بس حصل حورات ف الماتش ومنتخبي خسر بس لقيت الاعب ده زمايله شايلينو وفرحانين بيه وهو طاير وبيترفع لفوق زي الطفل فرحت ليه اوي مجرد م شوفته فرحان قلبي كان طاير معا نسيت منتخبي اصلا وعارفه ان دي حاجه مش صح الموضوع مش عارفه بمزاجي ولا حاجه خارجه عن ارادتي لو حد عندو تفسير يقولي لاني مش عارفه اعيش حياتي من بعد م شوفته كبر ف السن واعتزل حاسه اني عايزه اموت والله💔
بصي أنتِ بنفسك قلتي السبب... ان حياتك فاضية ومفيش حاجة تانية شاغلاكي أو مديّاكي إحساس بالفرحة عشان كده اللاعب ده أخد مساحة أكبر من الطبيعي في حياتك وبقى مش مجرد لاعب بتشجعيه بقى مرتبط عندك بكل حاجة حلوة.. أنا مش هقولك اكرهيه أو إنك غلطانة عشان بتحبيه أنتِ معجبة بأخلاقه وصفاته مش بكورته بس وده شيء مفهوم لكن لازم تفرقي بين إنك تعجبي بحد وبين إنك تعلقي حياتك كلها عليه. هو شخص ربنا خلقه واداله موهبة ونجاح لكن هو عنده حياته وأهدافه وانتي كمان ليكي حياتك وأهدافك وحاجة مهمة برضو لازم ناخد بالنا إن مش كل حاجة بنشوفها قدام الكاميرا بتكون الصورة الكاملة. أكيد الشخص المشهور بيظهر جوانب معينة من حياته وغالبًا بنشوف الحاجات الحلوة واللقطات اللي بتخلينا نحبه لكن الواقع أكيد أكبر من كده. مش معنى ده إن الشخص وحش أو إنك لازم تكرهيه لكن خلي عندك عقل ناقد ومتخليش مشاعرك تسوقك من غير تفكير،، جربي بعد ما تتفرجي على ريلز أو فيديوهات سواء عنه او عن اي حاجه تانيه،،تسألي نفسك أنا استفدت إيه؟ أنا عملت إيه لنفسي؟ الناس دي بتسعى وبتتعب وبتحقق حاجات في حياتها طب وأنا فين؟ هل أنا ببني حاجة لنفسي ولا بس بتفرج على غيري وهو بيحقق أحلامه؟ ممكن أفضل أشجع وأتابع لحد ما الموضوع يتحول لتعلق كبير وفي الآخر هما بيكسبوا وبيكبروا في حياتهم وأنا وقتي وعُمري بيروحوا ممكن يكون وجوده فرحك في وقت كنتي محتاجة فيه حاجة تفرحك لكن مينفعش يكون هو مصدر سعادتك الوحيد لأن أي حاجة غير ربنا معرضة إنها تتغير. عشان كده خلي تعلقك الأكبر بالله وخلي إعجابك بالناس دافع إنك تطوري نفسك مش سبب إنك توقفي حياتك،،،فكري نفسك دايما انك اتخلقتي لي؟ و دورك و واجبك اي؟ و مش مطلوب منك تنسيه فجأة لكن ابدئي تقللي الحاجات اللي تزود التعلق واملي حياتك بحاجات تخصك انتي...صدقيني الوقت هيبقي كفيل انك تنسيه و ان يبقي بالنسبالك مجرد شخص عادي،،،خدي الصفات اللي حبيتيها فيه كإلهام واشتغلي على نفسك عشان تبقي الشخص اللي انتي كمان تفخري بيه.
تم النشر الخميس، ٢٣ يوليو ٢٠٢٦
السلام عليكم...دى عاطفة ملهاش مساحة فى حياتك وانتى لقيتى المنفذ ده بتاع اللعيب ...لقيتى فيه صفات من اللى انتى حاباها فى النموذج الذكورى عموما وجهى عاطفتك للى حواليكى كلهم عشان الامور تبدأ تكون اهدى جواكى
تم النشر الثلاثاء، ٢١ يوليو ٢٠٢٦
بتحبي ميسي؟ بتحبي واحد صهيوني؟ بيدعم اسرائيل وبيساعد ان اخواتك يتقتلو؟،، عمتا مش هلومك لان الحب اعمي بس روحي شوفي عيوبه عامله ازاي كفايه بس انه هو صهيوني دي لوحدها تكرهك فيه اصلا،، وعايزه اقولك مش عشان هو بيعامل مراته وولاده كويس يبقى هو كدا ما خفي كان اعظم يمكن فعلا كدا بس فيه عيووب كتييير اوي، يحبيبتي انتي عندك جفاف عاطفي وديي مش حاجه تسيئ ليكي ابدا حاولي تشغلي نفسك بانك تطوريها وتشبعي نفسك بنفسك بانك تعملي الي انتي بتحبيه وتشتغلي وتجيبي فلوس وتدلعي نفسك وقربي من ربنا واعرفي انك في معصيه لانك لازم تغضي بصرك انتي فتنتي بيه وياريته مسلمممممم،، اول م تحسي اني هتعجبي بشاب ايا كان هو مين غضي بصرك فورا واقطعي الي يوصلك للشاب دا سواء كان شغل او دراسه او حتي لو كان بيجيلك على النت، وادعي ربنا دايما بالزوج الصالح الي يعفك ويعاملك المعامله الي تستاهليها وربنا يريح قلبك،، وعايزه اقولك الي انتي فيه دا مش دلع ومتستهزقيش بنفسك كل واحد مُبتلي في حاجه مختلفه عن التاني
تم النشر الأربعاء، ٢٢ يوليو ٢٠٢٦
أنا آسفة جدًا إنك بتمري بكل الوجع ده، وأقدر إن الشعور ده حقيقي ومؤلم بالنسبة لك، مش مجرد "لاعب" زي ما الناس بتقول. تعلقك بيه جاي من فراغ كبير في حياتك، وهو كان ملء الفراغ ده بالفرح والأمل، وده طبيعي إن الإنسان يتعلق بحاجة أو شخص بيديله إحساس بالسعادة لما الحياة تبقى فاضية. بس اللي بيحصل دلوقتي هو حزن زي الفقدان، وده بيخليكِ تحسي إن الدنيا وقفت. من منظور نفسي واجتماعي، التعلق ده غالبًا بيكون "تعلق أحادي الجانب"، يعني اللاعب مش عارف بوجودك ولا بمشاعرك، وده بيخلي الوجع أصعب لأن مفيش تواصل حقيقي يساعد على الشفاء. في الإسلام، بنتعلم إن القلوب بتطمئن بذكر الله، وإن الفرح الحقيقي والسند الدائم من ربنا مش من أي بشر، حتى لو كان متواضع وطيب زي اللاعب ده. ربنا بيختبرنا أحيانًا بفقدان حاجة كنا متعلقين بيها عشان نرجع نملى حياتنا بحاجات أكتر استدامة وبركة. عشان تتجاوزي الفترة دي، ابدئي بخطوات صغيرة عملية: حاولي ترجعي لروتين يومي بسيط زي الأكل في مواعيد ثابتة ولو وجبة خفيفة، واخرجي من البيت حتى لو لدقايق قليلة في الشارع أو الحديقة. ابحثي عن هوايات أو أنشطة جديدة تفرحكِ، زي متابعة رياضات تانية أو قراءة أو حتى مشاركة في مجموعات على فدني عن مواضيع مشابهة عشان تشوفي إن في ناس كتير مرت بنفس الشعور وتجاوزوه. كل يوم قولي لنفسكِ إنكِ قادرة تبني مصادر فرح جديدة، وادعي ربنا يملى قلبكِ بالسكينة والقوة. لو الشعور ده مستمر ومأثر على صحتكِ، فكري في إنكِ تتكلمي مع متخصص نفسي يساعدكِ تفهمي الجذور أكتر. أنتِ مش لوحدكِ، وهتعدي الفترة دي بإذن الله. ابحثي عن أسئلة مشابهة على فدني عشان تشوفي تجارب تانية.
تم النشر الثلاثاء، ٢١ يوليو ٢٠٢٦
اكيد دا ميسي 😑
تم النشر الأربعاء، ٢٢ يوليو ٢٠٢٦
لعرض السؤال في فدني اضغط هنا