هو كدا كدا فى كلا الحالتين انك المفروض تصالحيها دايمًا مش هى خالص مش تحطى نفسك قدام مفهوم انك مريضه علشان عقلك ميعتمدش الفكره دى ولو اعتمدها انت مش هتعرفى تعملى حاجه وهيكون مبررك لنفسك انا مريضه! لا متعمليش كدا وحاولى تفهمى نفسك ان دا مجرد توتر علشان الثانويه والوقت واوشكنا على النهايه خلاص وممكن فعلا انك بسبب خوفك وتوترك من ثانوى بتنامى واحتمال كبير يكون النوم دا مش نوم صحى يعنى مش نوم بتعمق اللى اى شخص ممكن ينامه بالعكس انت ممكن تنامى بس دماغك شغاله باللى حواليك انا كنت زيك فى الاول بس عرفت ان ماما زعلانه منى علشان النوم اللى مش متظبط ودا بسبب التوتر مش اكتر لكن انا عارفه لو مظبطتش نومي هفضل مع ماما خناقات صبح وليل وبالاخص انى كنت بنام بالنهار و بذاكر بليل ودا هى مش بتحبه علشان مش بتكون متطمنه عليا وانا سهرانه الليل كدا وانا السنه اللى فاتت اغمي عليا بسبب النوم دا والمشكله كنت فى امتحانات وقلقت كل البيت بسبب الشي دا ولو معتقده مامتك تتغير مش هتتغير انت اللى لازم تغيرى تصرفاتك علشان ماما تكون فاهماك ومش تتخانقوا مع بعض حتى لو جيتى على نفسك معلش استحملى علشان دى ماما وهى بتعمل كدا علشان خايفه عليك والله انا اكتشفت دا بعدين اما فهمت ماما كانت بتتعامل بجديه شويه علشان بس مش اذى نفسي بس دلوقتى فهمت كل حاجه وهى بخوفها و خناقاتها معايا عرفتنى اتعامل صح مش تزعلى دا اول طريق انك تتعلمى الصح من مامتك ظبطى نومك وحسنى مذاكرتك و ارجعيلها بأعلى الدرجات علشان تشوفك فى اتجاه تانى وخلي بالك مش تقنعى نفسك انك مريضه علشان هتقتنع بسهوله
انا اصلا باخد ادويه بسبب موضوع النوم ده لانه كان مبوظ يومي ومزاجي دايما متلغبط وفعلا السبب الأساسي ليه التوتر والقلق ان شالله هبقي احسن وحاضر هعمل زي ما قولتى شكرا ليكي 🤍
تم النشر الثلاثاء، ٧ أبريل ٢٠٢٦
لعرض الإجابة في فدني اضغط هنا