𝑴𝑰𝑹𝑨 .

"زعلان بسبب ريبوست تيك توك" دى تفاهه حرفيا ومش محتاجه المعامله دى ولكن علشان يحس بنفس الشعور الزعل بتاعك عامله بنفس المعامله اللى اتعامل معاك بيها واعتقد مفيش صاحب كويس بيعمل كدا لو انت متفق انه مش بيحبك ابعد عنه و روق دماغك من اذيته

هو انت ممكن تشوفيها من منظور تانى غير انك مريضه نفسيه هو الشخص اللى اقترح عليك الدكتور النفسي دا صح علشان ممكن تكون توتر مفرط توتر بدرجه اكبر شويه من الطبيعي وخصوصًا انك بتقولى " دي طريقتي علشان اهدي " زي مثلا فى ناس وقت التوتر بتعضعض القلم او بتضغط على اصابعها او اشياء اخري كتيره ولكن انت مش مريضه ولا حاجة انت بس محتاجه تطمنى من دكتور كويس علشان دى مشكلة خطيرة طالما وصل لإيذاء نفسك وترك آثار وجروح فده معناه إنك محتاجة دكتور يشخص حالتك ومش معناه انك مريضه خالص بالمره واهم حاجه وقت التوتر تبعدى اى حاجه ممكن تأذي نفسك بيها لحد ما تروحى للدكتور علشان حتى لو اوقفتيها هترجعي تانى فأنك تروحي عند دكتور وتحكيلها المشكله دى وهى هتعرف ايه دا علشان فعلا دى ممكن بعد فترة تأثر بالسلب عليك

ربنا يتم شفاكِ على خير انتِ معاكِ السنه كلها لحد قبل رمضان الجاي تصومي الايام اللى عليك وكمان يجوز تصوميهم متفرقين مش لازم على بعض وتتعبى نفسك يعنى فى اي يوم انت عايزه تصوميه وانوي النيه وصومي بنية قضاء الايام اللى عليك ومافيهاش اى تعب عليك لو صومتيهم ايام متفرقه وفى اى شهر لكن قبل رمضان الجاي

يبقي حلك الوحيد انك تدركي حجم المشكله انها كبيره اوى وخوّفي نفسك ان الوقت دا انا هتحاسب عليه يعنى ممكن يكون سبب جنه ونار ارعبي نفسك حرفيا واتحدى نفسك وقولى انا همسحه وفوضي امرك لربنا وانوى نيه حسنه انك مش عايزه تضيعى وقت وتظلمى نفسك فى الاشي والتفاهات واتحدي عقلك وقوليله انك هتمسحي الابليكيشن وانا قدها وهعرف اعمل كدا واستبدليه بأى ابليكيشن كويس ياخد وقتك مثلا ابليكيشن نختم تحفه بجد ممكن تختمى القران عليه بسرعه او ابليكيشن يفكرك انك ماترجعيش التيك توك تانى علشان ربنا يرضي عنك وانت بتضيعي وقت كتير وبعدين مافيش حاجه اسمها مافيش فايده انت بتحاولى تقنعي نفسك انك مش هتعرفي بس لو قولتي بنيه واراده انا اعرف هتعرفي اعرفي ان دا مصدر تعاسه وليس سعاده واجبري نفسك انك تمسحيه ومش ترجعي تانى حطي ربنا فى قرارك هتختارى مين يعنى شيخ قال مره "اترك ما لا يعنيك واملأ فراغ ما لا يعنيك بما يعنيك" فاهمه يعنى امسحي كل الابليكيشنز الموجوده عندك واللى بتاخد وقتك مش بس التيك توك هو السبب بردو اى تطبيق ريلز كل دا بيسحب من دماغك وغالبا يسبب نسيان شديد غير الطبيعي والرسول قال "المؤمن القوي خير وأحب إلى الله من المؤمن الضعيف" يبقى لازم يكون عندك إراده يتبعها نية وثقه فى ربنا وفى نفسك انك قدها( يَا يَحْيَىٰ خُذِ الْكِتَابَ بِقُوَّةٍ ۖ وَآتَيْنَاهُ الْحُكْمَ صَبِيًّا) خدي الموضوع جد واستعيني بربنا مش هتحتاجي الاب دا تاني انا كنت بفكر نفسي بحاجه كويسه كنت بكتب الحاجات اللى مش هينفع اعملها واحطها بروفايل للموبايل من جوا علشان مثلا ماعملهاش واغلبها بسيب المذاكره واروح افتح ريلز وكنت بخوف نفسي ان فيها ميوزك وحرام هشيل ذنوب وبالفعل اتجنبها فكرة البروفايل كانت حاجه كويسه بتفكرني انى اتجنب تضيع لوقتي وبس اسفه على الاطاله !

لو فكرتي فى الانتحار يبقى ايمانك بربنا ضعيف اوي ! حلك تصلحي علاقتك مع ربنا مش مع اهلك علشان لو علاقتك بربنا كويسه كنتِ حليتي مشكلة اهلك من زمان ومش وصلت لمشاكل كتيره اتعلمي تقربي من ربنا ويرضي عنك علشان بمساعدة ربنا تعرفي تحلي اى مشكله بالايمان والاراده وليس وسائل اخرى تسبب ان ربنا مش يرضي عننا وندخل فى متاهات! اجعل هَمك الاول والاخير هو الله يكفيك الله هَمّ كل شي

انصحك تحاولي تقنعى اهلك ان انت المفروض تدخلى المجال اللى بتحبيه وهتنجحي فيه ولو دخلتى مجال مش حباه مش هتعرفى تتأقلمي معاه علشان مش بتحبيه وكان ينفع ادخل مجال انا عايزاه وبحبه وهحقق فيه نجاح كبير وبعدين مافيش حاجة اسمها هندسه للولاد و طب للبنات مفهوم غلط اختى فى هندسة حاسبات و اخويا فى طب اسنان يعنى عادى جدا ملهاش علاقه اهم حاجة تدخلى مجال انت عايزاه مش مجال اهلك عايزينه ولكن لازم قبل ما تدخلى يكونوا راضيين عنك ويوافقوا على القرار دا علشان ربنا يباركلك وصلي استخاره وادعي لربنا يختارلك الخير علشان فعلا ممكن الخير فى المجال اللى اختارته مامتك يعنى استخيري ربنا وكل الامور هتوضح ولحد ما الامور توضح حاولى تتكلمي مع اهلك كتير وتقنعيهم ان دا حلمك ومستقبلك واللى هيحدد نحاجك انت وربنا يهديكِ للخير

المفروض مين اللى يسامح مين؟ الام مش بتوصل للطريقه دى غير بعد ما تعانى كتير انتِ السبب فى دعائها عليكِ شوفي عملتِ ايه وصلحيه اعملى العكس بدل ما تحاولى تتجنبيها قربي منها وصلحي علاقتك بيها ولو مش قادره علشان هى دعت عليكِ اعتبريها بنية بر بوالدتك وان ربنا امرنا بكده و فوّضي امرك لربنا وقوليله انك بتبري مامتك علشان ربنا امرنا بكده ودى طاعه واستخلص نيتك كلها لربنا والامور كلها هتتحسن وترجعوا كويسين احسن بكتير من كلمة مش قادره اسامحها !

ماتفكرش بالطريقه المبرره للخطأ دى تانى يعنى هى كدا كدا هتضرك علشان الجهاز المناعى هيستجيب ليها انت بتقول عندك حساسيه وانا صغير معنى كدا انها راحت اعتقد لأ ممكن ترجع فى اى لحظه بس مش ظاهره علشان انت بتقي نفسك مش اكتر فكرة انك هتبدأ بجزء صغير علشان مضغوط وعايز حاجه تفصل بيها دا مش تفكير لو بدأ بجزء صغير هتتعود وهتدمنها ومش هتعرف تمنع نفسك منها و هى اصلا مُضره جداااا للصدر دى غنية عن التعريف ابشع من السجائر العاديه وعلى الناحيه الدينيه فهى كدا كدا حرام طيب وليه من الاول سلبياتها طاغيه عليها ابعد عنها و إلجئ لأي حاجه تانيه تفيدك وماتاخدش عليها ذنوب

مافيش حاجه اسمها شغفى وحبي للمذاكرة اختفوا اللى عنده حلم هيجري وراه حرفيًا ثانيًا بما انك تالته ثانوى اكيد عارفه مستر محمد عبدالجواد قال كل لما تتعبوا روح بُص فى وش بابا وماما مش هيهونوا عليك ابدًا شكلهم وتعبهم وهما مستنين منك تفرحيهم ويحصل العكس علشان كلمة (شغفي اختفى) ولو مش علشان حلمك علشان اهلك اللى عايزين يفرحوا بنتيجتك وجزئية انك هتلحقى تخلصي ولا لا فا اقولك بشهادة كل الناس اه اه اه هتعرفي شهرين كفاية ابدأى مع المراجعه وشدى حيلك وكمان فى ميزة مستر محمد صلاح منحة ادخلى فيها لعل وعسي يكون ليك نصيب لقدر الله ملحقتيش كليتك ولكن ارجعى عن فكرة التأجيل علشان زى ما حصل السنه دى هيحصل السنه الجاية وبصراحه مش كويس خالص تكونى لسه فى تالته و دفعتك اولى جامعه و جزئية الاونلاين ولا سنتر انصحك بعد ما تهدى وترجعى ل ربنا وتشكيله همك و ترجعى عن قراراتك الخطأ دى وتنوي نية جديدة بنفسيه وراحه جديدة بدون تضيع وقت خدى كل دروسك اونلاين ولكن دا مع الشخص اللى هيعتمد على نفسه وهيكون جدع بجد مش شخص هيرجع لكلام شغفى ضاع والكلام اللى مش له فايده دا استعينى بربنا وابدأي من جديد وكل المدرسين فى الوقت دا بيشرحوا المنهج من جديد انت مش محتاجه غير نفسيه كويسه ونية جديده واستعينى بربنا وفوّضي امرك ل ربنا وتوكلي عليه وانت والله هتخلصي وتراجعى وتكونى متطمنه كمان

ازاى الزواج بالحب يرفع سقفا وهميا من التوقعات؟ انا اعتقد العكس وبيحصل فترة خطوبه علشان الشخصين يفهموا بعض بدون تصنع دا لو مش بيحبوا بعض اما لو هما بيحبوا بعض دا شي تانى مش متعلق باللى بتقوله خالص وليس الحب هو سبب الكره دا مفهوم خطأ ملحوظه الحب فى الاسلام مش حرام انما الارتباط هو اللى حرام واعتقد المفهوم اللى بتقول عليه مفهوم ارتباط وليس حب !

هو كدا كدا فى كلا الحالتين انك المفروض تصالحيها دايمًا مش هى خالص مش تحطى نفسك قدام مفهوم انك مريضه علشان عقلك ميعتمدش الفكره دى ولو اعتمدها انت مش هتعرفى تعملى حاجه وهيكون مبررك لنفسك انا مريضه! لا متعمليش كدا وحاولى تفهمى نفسك ان دا مجرد توتر علشان الثانويه والوقت واوشكنا على النهايه خلاص وممكن فعلا انك بسبب خوفك وتوترك من ثانوى بتنامى واحتمال كبير يكون النوم دا مش نوم صحى يعنى مش نوم بتعمق اللى اى شخص ممكن ينامه بالعكس انت ممكن تنامى بس دماغك شغاله باللى حواليك انا كنت زيك فى الاول بس عرفت ان ماما زعلانه منى علشان النوم اللى مش متظبط ودا بسبب التوتر مش اكتر لكن انا عارفه لو مظبطتش نومي هفضل مع ماما خناقات صبح وليل وبالاخص انى كنت بنام بالنهار و بذاكر بليل ودا هى مش بتحبه علشان مش بتكون متطمنه عليا وانا سهرانه الليل كدا وانا السنه اللى فاتت اغمي عليا بسبب النوم دا والمشكله كنت فى امتحانات وقلقت كل البيت بسبب الشي دا ولو معتقده مامتك تتغير مش هتتغير انت اللى لازم تغيرى تصرفاتك علشان ماما تكون فاهماك ومش تتخانقوا مع بعض حتى لو جيتى على نفسك معلش استحملى علشان دى ماما وهى بتعمل كدا علشان خايفه عليك والله انا اكتشفت دا بعدين اما فهمت ماما كانت بتتعامل بجديه شويه علشان بس مش اذى نفسي بس دلوقتى فهمت كل حاجه وهى بخوفها و خناقاتها معايا عرفتنى اتعامل صح مش تزعلى دا اول طريق انك تتعلمى الصح من مامتك ظبطى نومك وحسنى مذاكرتك و ارجعيلها بأعلى الدرجات علشان تشوفك فى اتجاه تانى وخلي بالك مش تقنعى نفسك انك مريضه علشان هتقتنع بسهوله

ممكن دا يكون برد شديد والبرد دا لامس لعضلات الصدر وسبّب التهاب لعضلاتك ومش بترتاح غير مساج ممكن تقولى ايه اللى دخل البرد فى الم العضلات دا امر وارد لان شد أو التهاب عضلات الصدر أو الظهر بييجي من قعدة غلط او برد او نوم وحش أو حمل حاجة تقيلة ولكن اللى برجحه من الوصف اللى بتقوله دا برد علشان ممكن يعمل تشنج في العضلات "انا بقول عن تجربه حصل مع اختى كدا بردو والدكتور قالها التهاب العضلات بسبب برد شديد "

اينعم انا مجربتش الشعور دا مش علشان انا حياتى كويسه لا مفيش حد حياته خاليه من التقلبات ولكن انا مش كنت بوصل للدرجه دى ولكن هقولك وجهة نظرى يمكن تفيدك انت ممكن تعتزل العالم وخليك مع نفسك مش معنى تعتزل العالم انك تكون فى اوضتك وقافل على نفسك الباب لا كدا انت بتكتئب زياده انا اقصد عيش حياتك بمعنى( اللامبالاة) كل الدنيا تتشقلب برا هى مع نفسها انا مع نفسي بصلح اللى كسرته فى نفسي ممكن تقول بس مش سبب الاكتئاب دا انا ممكن شخص تانى بس هقولك انت اللى سيبته ( يتغلب عليك) ووصلت للحاله دى اتعلم تفهم نفسك كويس واعرف ان الشيء دا هيوجعك ابعد عنه الانسان لوحده مش مستحمل تصادمات يبقى تجنب الناس وتجنب مشاكلهم وخليك مع نفسك بتحل مشكلة الاكتئاب دى ان تفرغ عقلك لحاجات ايجابيه وبس انك تعمل كل حاجه بتحبها فى الفترة دى وانت فرحان بيها تجري كتير دا بيحسن من مستواك النفسي واقرأ كتير و ابدأ اسمع قصص الانبياء والمعاناه اللى كانوا بيعانوها فى رحلتهم لتبليغ كلام الله مش هتلاقى اذى اكتر من كدا وكتر من صلاتك واستغفارك كتير والحق نفسك اول باول واقنع عقلك (انك اقوى من اى اكتئاب) علشان مش يبادر بيك تانى ونصيحه عن تجربه بقى لو بقيت تحكى لربنا عن كل حاجه مخنوق منها ومزعلاك من الحياه هترتاح اوى حتى لو 15 بعد صلاه انت بتحبها ويستحسن قبل الفجر بنص ساعه كدا وآسفه على الاطاله و ربنا يهديك ويصلح لك حالك

يعنى ايه 19 سنه دا عُمر كامل امال انتو دلوقتى عندكم كام سنه! أنا اعتقد إن اللي بيحصل دلوقتي مش حب بجد ممكن يكون فضول أو لأنه عارف إنك بتحبيه من زمان انت مستاهلة حد يختارك من الأول مش بعد 19 سنة ومش هيتغير فى يومين و الحب الحلال الحقيقي ودا بيبان من بدري بيكون واضح مش بعد سنين طويلة من التجاهل وحذارِ تفنى عمرك فى حب حرام !

الفرق بين الانسان والحيوان او الميزه اللى ربنا ميّزنا بيها عنهم هو العقل و الحمد لله على النعمه دى علشان تفكر انت ليه حياتك ضنكه كدا مع ان فى غيرك دلوقتى بيقول اللهم لك الحمد حمدًا كثيرًا كما ينبغى لجلال وجهك ولعظيم سلطانك على الحياه اللى هو عايشها مش لازم رفاهيه خروجات شاتات سوشيال مش لازم بس هو( راض بحياته) حتى لو شايف فيها حاجه مش احسن حاجه بيحاول (يستعين بربنا) ويصلحها انت بتقول حياتك ما بين اكل نوم شغل واكدتها بالتكرار طيب فين عبادتك و برك لاهلك و بحثك على حل لمشاكلك و لجوئك لربنا فين من يومك اعتقد ان النفسيه زفت زى ما بتقول مش علشان مفيش صحاب ولا علشان شات ولا علشان سوشيال ولا علشان خروجات مش دا المطلوب علشان تكون حياتك سعيده انت ايمانك ضعيف اوى ليه كدا ما احنا عارفين ان الدنيا دار شقاء والراحه فى الاخره يبقى نعمل لاخرتنا بقى حاول تصلح علاقتك بربنا وكل حاجه هتتصلح واقرأ قرآن كتير واسمعه دايمًا هيريح بالك وهيهديك ولو دخلت الاذكار فى يومك يبقى حرفيًا انت مش هتكون عايز اى حاجه من الدنيا غير انك تكون راض عن نفسك وعايش حياه هادئه بدون صراعات نفسيه

ما شاء الله عليكِ باين ان شخصيتك قوية وعجبني اوى وانتِ بتقولي اصبحت اكثر جديه فى الحفاظ على وقتى واصبح لدى حدود واضحه بجد انت جدعه انك عملتى كدا ولوحدك اهم حاجة سلامك النفسي وراضيه عن اللى عملتيه وانت مش رسميه ولا حاجه هما بس غيورين منك علشان مش هيعرفوا يعملوا زيك انتِ شطورة عرفتى تعملى كدا وخليكِ كدا اهم حاجة تكوني واثقه ان اللى بتعمليه دا صح ويرضي ربنا انك بتحافظى على وقتك

مش تعملي حاجه قربّي من ربنا اكتر وكدا كدا دى علاقه محرمه وانتِ عارفه كدا ودى مش فيها نقاش سمعت احد الشيوخ كان بيقول ربنا اما بيشوف العبد منشغل عنه و قريب من حد تانى بيبعد الشخص دا عنه علشان يرجع لربنا تانى يعنى ارجعى لربنا والتعلق بالله يغنينا عن البشر خليكِ واثقه ان اختيارات ربنا هى الخير دايمًا والشخص اللى مشي دا هو الشر ليكِ ومتحاوليش تفكرى فى الموضوع علشان مش هتأذي حد غير نفسك ربنا يهديك ويصلح حالك

اللى مصدومه منه ان باباك اللى بيقولك اجبلك سماعة غش! وكويس ان ضميرك رافض الفكره دى معنى كدا انك عارف ان دى حاجه غلط مش صح خالص اينعم ممكن الغش يجبب درجه حلوه لكن فى فرق بين اللى (ربنا باركله) فى درجته وجابها من نفسه واللى غش وكدا كدا البركه منزوعه من حياتك وربنا مش هيكون راض عنك علشان دا مستقبلك تخيل اول خطوه على سلم المستقبل بُنيت بغش متخيل؟ ومفيش حاجه اسمها غشيت فى تالته اعدادى ودخلت ثانوى يبقى اغش فى تالته ثانوى وادخل الجامعه هى بصراحه المعادله حلوه لكن عواقبها بشعه بجد ربنا مش غافل عن اللى بتعمله لو سامحك مره فعلشان تخاف ربنا ومش تعملها تانى مش تيجى انت وبتقول عادى ما انا غشيت ونحجت اعمل كدا بردو لا لا وبعدين انت عايز تكون دكتور عايز تبني مستقبلك على غش؟ اعتقد مفيش دكتور عايز كدا فالشاهد من الموضوع لو استعنت بالله وتركت فكرة الغش دى ربنا هيرزقك ببركه وراحه رهيبه فى الكليه الخير ليك

اعتقد دى مشكله معظمنا بنعاني منها ان عقلنا بيهرب من المذاكرة فى وقت الضغط علشان كدا بنلجئ لاى حاجه سهله علشان بس المخ معتقد ان المذاكرة دى محتاجه مجهود كبير او صعبه او بكره الامتحان وهو وقت الامتحان دا بس يعنى لو قبل الامتحان بأيام مثلا اسبوع مش بيحصل كدا بالعكس بتكون مرتب نفسك كويس جدًا علشان كدا بنهرب لحاجه اقل توتر وضغط من امتحان بكره بس اعتقد ان المخ بيعمل كدا كدفاع عنه هيبذل مجهود كبير وهو بيدور على الراحه مش عايز ارهاق يعنى انت بتهرب من الضغط بطريقه لا اراديه وانت ذكرت ميزه كويسه اوى ما شاء الله عليك انت مش متعلق بالموبايل ولو عليك مذاكرة مش بتنام غير لما تخلصها ممكن تهيئ نفسك قبل المذاكره بأنك تقرأ قرآن او تذكر الله اصل لو انت ذاكرت وقعدت تقنع عقلك ان اما اخلص مذاكره او بكره بعد الامتحان هروح اعمل الحاجه اللى عايزها دى مش هيقتنع بالعكس هيتشتت اكتر وهتقعد تفكر طول المذاكره ومش هتركز واعتقد حالة الهروب دى ذكرت فى القرآن يعنى مثلا ربنا اما كان بيحذر الناس ويقولهم قوم نوح وثمود وعاد على اللى حصلهم الايه ذكرت ففرّوا الى الله معنى كدا انهم كانو خايفين هربوا ل ربنا علشان خايفين كذلك ممكن نقول كدا علينا ان عقلنا بيهرب من الضغط اللى عليه وهو امتحان بكره لحاجه سهله مش فيها ضغط اسفه على الإطاله!

مش لازم تسكنى آلمك ومش لازم بردو تتحملى علشان هو مش بيحبك ومش متمسك بيكِ علشان فعلا مش اول مره انت بتقولى اخبرني بالذهاب لبيت أبي( كعادته) فى كل خلاف الجمله التانيه دى اصلا كفيله ان الموضوع بالنسبه له عادى وهو مش بيحبك ليه بتعتقدوا ان لو الاب والام انفصلوا ابناءهم هيعانوا لا بالعكس دا احسن ليهم بكتييير ولنفسيتهم من انك تعيشي تحت خلاف وعدم تقدير و وهو اللى عايز يسيبك اصلا فا طاقتك هتخلص اصلا ومش كل مرة هتعرفى تتحملى علشان طفلتك طفلتك عايزه نفسيه كويسه وحياه هادئه خاليه من المشاكل والخلاف علشان تعرف تكون سويه نفسيًا

اما تعتمدى على نفسك وتغلطى وتتعلمى مش هتكوني ضعيفه اما تكوني عندك الثقه الكافيه فى نفسك وتحمل المسؤليه حتى لو صغيره يبقى انت مش ضعيفه لو غيرتي اصلا مفهوم انك ضعيفه دا هيغير فيكِ حاجات كتيره اما تقولى انك قويه اينعم ممكن مش تصدقيها لكن العقل هيعتمدها عنده ولو وثقتى فى نفسك بشكل كافى مش محتاجه اكتر من كدا علشان تكوني شخصيه قويه و جزئية ان مفيش حد جمبك انت مش محتاجه حد غير ربنا التعلق بالله يغنينا عن البشر حسّنى من علاقتك مع ربنا و قربي منه اكتر انت هتكونى فى مكان تانى خالص بجد

اعتقد مفيش وقت ثابت نقول فيه خلاص الإنسان نضج النضج مش بالسن خالص حاجه بيكتسبها من تجاربه اللى بيتعلمها ويفهمها من الحياه أنتِ مش محتاجة تتغيري كل شوية علشان تبقي كويسة وبالاخص دا تحت تأثير كلام الناس أنتِ محتاجة تبني نسخة ثابتة منك بتسمعي أي نصيحة وبتحسي آه دي صح فتغيري نفسك بسرعة وبعد شوية تحسي إنك تايهة أو مش شبه نفسك الإنسان مش محتاج يبقى مثالي هو محتاج يبقى فاهم اوك اسمعى النصيحة بس متنفذهاش فورًا خدي وقتك واسألي نفسك هل ده مناسب ليا أنا؟ ولا مناسب للشخص اللي قالها؟ اقبلى إنك مش لازم تتغير كل شوية التغيير الكتير السريع بيضيع الهويه زى ما انت بتقولى جيت على نفسي جامد بسبب نصيحه شخص ما واحتمال تكون غلط اصلًا حطي مبادئ بسيطة تمشي عليها اعرفي نفسك أكتر وحبّى نفسك اكتر خليكِ واثقه اكتر فى نفسك يبقى عندك ثبات شوية في قراراتك مش تغيري حاجه ولو غيرتى يبقى للاحسن

اللي انتِ فيه دا طبيعي جدًا ومش معناه إنك فاشله أو مش شاطره بالعكس واضح إنك بتجربي وبتسعى وعايزه تطورى من نفسك مع سنك الصغير ودي أهم خطوة اما بقى موضوع إن الناس مش واثقة فيكِ ممكن يكون عشان لسه في بداية طريقك مش علشان انتِ مش كويسه ولكن بيسيبوا معرفتك للشي ويقولوا انت صغيرة مش بالخبرة الكافيه حاولي تركزي على تطوير نفسك واحدة واحدة وخلي عندك صبر شوية لأن النجاح بياخد وقت وكمان حاولي تثبتِ نفسك بالفعل مش بالكلام يعني كل مرة تعملي حاجة صح الناس هتبدأ تثق فيكِ أكتر فامتزعليش اصبري وهييجى وقت و هتفرحى اوى بتعبك دا انتِ اصلا شطوره ما شاء الله

@السائلة اه فهماكِ بس انت مش هينفع تصبري على نفسك اكتر من كدا انت بتموتيها حرفيا فا روحى للدكتور علشان تشخص حالتك وتبعدى عن اذيت نفسك عمدًا

عمري ما سمعته الصراحه لكن لو محتاره فركزي على المتخصصين فى الماده نفسها على مستر محمود مجدى وعبد المعبود يمكن انت عايزه توفرى وقت للمواد التانيه بس اهم حاجة الفيزياء تخلص وتكونى بتحلى لوحدك كويس فيها وممكن تسمعى نظام المراجعه للاتنين وتشوفى جدولك ماشي مع مين احسن

بصي علشان ماتندميش انك اشتركتى وانت مش عارفه نظامه هى فعلا هيكون ضغط جامد جامد ولكن مع الشخص المجتهد واللى ناوي بجد يلم الدنيا هو تحفه ولكن هياخد منك نص الاسبوع يعنى ضغط اوى ولكن شارح كل تفصيله تفصيله والحل كتير طبعا علشان كدا رشحتهولك اسمعي فى فيديوز كتيره على اليوت شوفي شرحه ولو عجبك انوي تخلصيها قبل العيد معاه ولو مش عايزه مستر محمود مجدى جميل بردو بس مش احسن حاجه

فيزياء مستر محمد عبدالمعبود وانت مغمض عامل عظمه فى المراجعه اللى مخلص المنهج واللى مراكم هيستفيد اوييي والكيمياء مستر محمد عبدالجواد تحفه هتكون فاهم وحافظ فى نفس الوقت عن تجربه

@Mohamed Ali اه براحتك خالص اهم حاجه تفوق من الاكتئاب بسرعه علشان ترجع لحياتك الطبيعيه

@السائلة العفو يا جميلة ♡

انا متفقه معاكِ جدًا كلامك كله مظبوط

@Mohamed Ali يعنى بتقول الكلام الجميل دا كله عن ربنا وجاى علشان تشوف حل دا انا اعتقدت ان ايمانك ضعيف، طيب ربنا يزيد ويبارك امشي فى الطريق دا واخره النور بأذن الله وتوكل على الله ومش تعطل نفسك باى حد تانى خليك مع نفسك واصلاحها ( لامبالاه !)

ليه هى اللامبالاة هتنطبع فيك ولا تقصد انك هتاخد فترة طويله علشان تتأقلم وممكن تتعود عليها ؟

انا قرأت الكومنتس بتاعتك واعتقد انت بتمر بالظلم فى مرة معلمة القرآن قالتلى حاجه جميله اوى عنها هى بردو مرت بالظلم وقالتلى انا كنت مصدومه من اللى ظلمنى ومش كان بايدى انى اعمل حاجه ولا اتخانق فيه بس عارفه ان ربنا موجود ومتأكده انه مش هيسيب حقى قالتلى مش قولت غير جملة حسبي الله ونعم الوكيل وانى فوضت امري لربنا بتقولى تانى يوم بالضبط الشخص اللى ظلمنى دا جاء ليا واعتذرلى قدام اللى اتظلمت قداهم كلهم يعنى انا فهمت فضل كلمة حسبي الله ونعم الوكيل دا بعدين وازاى الشخص يفوض امره لربنا فأنت فوض امرك لربنا ربنا على كل شي قدير وهو هيجبلك حقك بس يكون عندك يقين ان ربنا هيجبلك حقك مش كلام وخلاص

@Mohamed Ali ربنا يبارك فى اهلك طيب انت عايز ايه اكتر من دعم اهلك لك فى الفتره دى اعتقد هما كفايه و بالنسبه للامبالاة هتفيدك ان شاء الله بس مش دايمًا احسن تنطبع صفة البرود فيك !

انا مش عارفه مشكلتك بس بنحاول نلقى حل للصدمات الداخليه و الاكتئاب ومش لازم ايه المشكله لازم انت تحلها بنفسك وبسرعه علشان الاكتئاب مش مجرد شويه زعل دا اكبر من كدا بكتير علشان كدا قولت حلولي تكون بارد فى تعاملك ومش عصبي وانا لو مكانك هعمل كدا واكيد اهلك هيعذروك مش هييجوا عليك فى الفتره دى اهم حاجه تكون مرتاح نفسيا

@mai mahfouz لا لا انا مش كدا مش لازم اعرف مطلامه مش شي اساسي انا اصلا بعتقد مفيش حاجه اسمها تفسير احلام علشان كدا متفقه مع كلامك شكرً يا مي ♡♡

@Mohamed Ali مش صعب والله الخلاصه جرب تحاول تكون بارد عندك لامبالاه اليومين دول لحد ما تبقى بخير مش هتخسر حاجه لو جربت

شكرًا ليك وانا متفقه معاكِ ان مش كل الاحلام ندور على تفسيرها لكن الاسلام وضحلنا 7 مواضع مش ينفع فيهم نستفسر عن الحلم لكن انا مش فى 7 مواضع والحمد لله

اجعلي همك الاول والاخير هو الله يكفيك الله هم كل شي ربنا يهديك للصواب والخير يا جميله ♡

خليك مع ربنا كل الامور هتوضح ولو كان خير ربنا مش هيمنعه

من رايي ومش تزعلى انا مع احساسك وان دا كله هبل فى هبل مش تزعلى انا صريحه جدا

هو انت ليه عايزه تلغبطينى مش قولتى خد رقمى من روم كنا فيه وازاى دلوقتى عمره ما كلمنى 🤦🏼‍♀️

جدعه خليكِ دايما مع ربنا وخافى ربنا علشان دا اللى هيفوقك عند كل شي غلط ممكن يحصل

تمام انت مش كدا لكن هو كلم بنت ولو مش سابوا بعض انت زمانك داخله على سنه 20 بتحبيه من طرف واحد

مطلامه عارفه انك ممكن تدخلى فى منطقه غلط يبقى كدا بتحللى لنفسك الموضوع انه مش كويس!

انت بتقولى عمرك ما عملت كدا استحاله قصدك على ايه

والله انت جدعه انك عملتى بلوك بس انت عملتيه علشان اتوترتي مش اكتر

اجل انا متفقه معاك مفيش حد بيكلم بنت ويكون كويس دا عمل تهلكه نهى الرسول (ص) عنها !

انا مش عارفه والله دا اسمه ايه كان مفروض يكون جد شويه

ليه تندمى مش بتقولى كويس

خلاص يبقى استخيري ربنا واهم حاجه مش تقدمى خطوه لقدام غير لما تكونى فاهمه وراضيه عن كل حاجه

انتو كنتو بتتكلموا قبل كدا؟

خلاص اسأليه بس استأذني من اهلك الاول ويكونوا معاك احسن مش هو متربي معاك اصلا

كان يعرف بنت قبل كدا يبقى كدا شخص كويس ؟

تخافي من ايه هو انتِ مش مفوضه امرك لربنا ليه يا بنتى توكلى على ربنا وفوضي امرك له

ازاى يعنى وقت غلط

اها خلاص خليكِ مع ربنا ويمكن كويس ويمكن لا كدا كدا اختيارات ربنا دايما الخير لينا

طيب انت ممكن تعرفي اهلك انك ممكن تسأله فيس تو فيس؟

بس خلاص اهلك هما عارفين اكتر منك وكمان انت استعينى بربنا قبل كل خطوه وصلي استخاره كتير علشان تتيقني

مش تردي عليه لو بيحبك هييجى ل باباكِ غير كدا مش بيحبك

انتو 20 طب ازاى بتحبوا بعض من 19 لغبطتينى

بصي نصيحه منى لو بيحبك ييجي ل باباكِ وغير كدا اقفلى بابه واتقى شره انت غاليه اوى

مش تزعلى منى مفيش حاجه اسمها تقريبًا كده زى ما قولتلك اللى بيحبك مش هستنى 19 سنه انا اصلا مصدومه من الرقم يعنى قبل ما اتولد ولا ايه بالضبط 😂

شكرًا يا ذكية اتمني اختى تعملى روبوت حلو زيك كدا مش هحتاج حاجه من الدنيا تانى 😄💗

حرام عليكِ بجد ليه بتقوليله كدا يعنى من كان يؤمن بالله واليوم الاخر فليقل خيرًا او ليصمت يعنى قوليله خير او اسكتى احسن ومين قال ان فى شخص بيذاكر ومجهوده بيضيع دا مستحييييل كل واحد بياخد على قد تعبه او وزياده دا من كرم ربنا علينا مش شطاره مننا لكن ربنا كريم ولو انتو فعلا عملتو كدا علشان تنجحوا مش هتنجحوا ولو نجحتوا بالغش هيكون نجاح مؤقت وما بعده ندم !

@أحمد سعيد من وجهة نظره المانجا هنعملها بكرة ويروح حجز الكورة اللى مش هينفع يتأجل علشان صحابه كلهم نازلين الحجز دا وهو هيقعد يفكر بقى فى الكوره وهو بيذاكر ماده كدا غريبه اكيد مش هيعرف يركز وهيزعجني انا علشان كدا دا اللى بتكلم عليه هروب من ضغط وعنده امتحان بكره يالله ربنا معاكم ويوفقكم

@أحمد سعيد امال انا اعمل ايه كنا متفقين نذاكر لحد الساعه تلاته ونكافئ نفسنا بعصير مانجا اما نخلص المذاكرة وهو راح حجز الكوره ورجع كمل مذاكره لوحده 😂

@أحمد سعيد اه فهمت عليك بس هى حاجه غريبه شويه احنا ابسط شويه منكم نمسك الموبايل او ننام فعلا اخويا عنده امتحانات ميدتيرم مع ان امتحاناته صعبه وبيقولى انا عايز اضعاف الأيام اللى قبل المواد علشان يخلص اللى عليه وامبارح راح حجز كوره وهو فى نص المذاكرة عادى يعنى 🤦🏼‍♀️

الشكر لله انا ماعملتش حاجه أهم حاجة إنك تكوني علي طبيعتك ومش تغيري حاجه ويمكن دى اول تجربه تعرفى منها الشخص بينضح ازاى ربنا يوفقك دايمًا

خلاص قربي من ربنا هو اكتر حد عارفك يمكن انتِ فى بلاء دلوقتى علشان بعيده عنه ارجعى تانى واهتمى بالقران والاذكار والصلاه واسمعى قرآن كتير وانتِ بتذاكرى علشان ربنا يبارلك و ربنا غفور رحيم يعنى قربي من ربنا حالك هيتغير 180 درجه ربنا بيقول لو ذنوبك بلغت عنان السماء والارض و الشمس والكرسي وكل شي فرحمت ربنا وسعت كل شئ انتِ فاهمه ربنا يبسط الامور لينا ازاى علشان نرجع تانى لعبادته ربنا يهديك ويوفقك ويصلحلك حالك

الخنقه اللى بتتكلمى عنها ممكن علشان انت بعيده عن ربنا شويه ممكن انت سايبه القرآن مش بتقرأى ولا بتسمعيه او دعائك الطبيعى قليل صلاتك مش منتظمه لو رضيت ربنا يغنيك عن كل حاجه اجعل همك الوحيد هو الله يكفيك الله هم كل شي ظبطى علاقتك مع ربنا وكل حاجه هتتحسن

شكرًا ليك يا رب تكون استفدت

انك تخلص مهامك كلها وبعدين تنام و تعطى الباقى من الوقت لدماغك انها تاخد راحه تامه خلاص خلصنا المهام كلها كدا العقل هيدرك ان مفيش حاجه ورانا هنعملها انام براحتى وبالفعل ممكن تنام مرتاح وتصحى مش مصدع ولا مخضوض واهم حاجه مش تعرض نفسك للموبايل قبل ما تنام ولو بتصحى على منبه ياريت تكون نغمته هادئه علشان العقل ما يتخضش