٢١ سنه عندي خمول وكسل وهمدان وتعب ومش قادر اعمل حاجه خالص و على طول عايز انام ولو نمت ٢٤ ساعه اصحى من النوم عايز انام تاني الاول مكنتش انام خالص وكنت شاطر دلوقتي مش عارف اذاكر ولا اي حاجه و لا مركز وعلى طول دايخ وعملت تحليل طلعت فيتامين د ٢١ نقص و على طول متعصب ومش مستحمل وتدمر
السلام عليكم ورحمه الله وبركاته. الخمول والكسل والهمدان دي اعراض يعني حتى لو رحت للدكتور هتلاقي الدكتور بالنسبه له الاعراض دي المتشابهه حاجات كتير جدا. فالواحد لما يحس ان فيه حاجه متشابهه مع حاجات كثير لازم يعمل ستوب كده ويبص على حياته كلها انا باكل ايه انا بشرب ايه انا حركتي عامله ازاي انا حياتي اجتماعيه عامله ازاي انا اموري المعنويه عامله ازاي لان اي نقطه ممكن يكون حصل فيها خلل او ممكن تكون مش ماشيه بشكل مظبوط ممكن تضرب التوازن بتاع جسمي كله فيظهر من جسمه بالشكل ده لانه بيبقى ممكن يكون نوع من انواع الاحباط احباط الجسم ممكن يكون كل اما كانت الامور مضطربه فلو هنتكلم من المنطلق النفسي فهنا في جزئيه ان ممكن اكون اتعرضت لاني اسمع اخبار وحشه كثير ببص بنظره تشاؤميه شويه مش حاسس ان في امل في حاجه مش حاسس ان انا بنجز شيء او مش حاسس ان انا ممكن حتى المجهود اللي بعمله ده اكون هوصل بيه لحاجه من اللي انا عاوزها او هوصل. حاجه حقيقيه حاسس الحياه صعبه لو الافكار دي بس لوحدها نفسيا بتدور جوه مخي والحمل السلبي علي اكتر بكتير من الايجابي فانا التوازن كده لنفسي عندي بعد وده اللي يخلي جسمي اقرب حاجه هيعملها ان هو يدعوني للخمول اللي هو يلا ننام خلاص الدنيا بقى مش فارقه علشان ده بيكون شغال في العقل الباطن ومش شرط يكون شغال في العقل الواعي بصوت عالي عشان كده احنا ما بنبقاش مدركين ان مثلا هو ده السبت دي واحده من الاسباب انا بتكلم من الناحيه النفسيه اللي ممكن انا اتكلم فيها اكثر من اي جزئيه تانيه لان انا شفتها في التعليقات ان انت قلت ان انا عادي بصلي وبقرأ قران كتير وكل حاجه ممكن تكون مش الجزئيه الدينيه ورغم ان برده لو انا مش بعمل الجزئية الدينيه دي بعمق وهي مش بيقين يعني انا ممكن اكون قاعده بسبح كثير وبقول لا حول ولا قوه الا بالله بس انا مش بقولها بيقين انا مش مدركه معناها انا مش كل مره بقولها فيها انا فاهمه يعني ايه بالظبط لا حول ولا قوه الا بالله فعشان كده اثرها مش ظاهر عليا عشان كده ما سابتش الاثر المطلوب عشان كده الذكر الكتير اللي انا عملته ما فادنيش بحاجه يعني بتصب معنويا زي ما انا مستنيه كده يعني.
تم النشر الثلاثاء، ٢ يونيو ٢٠٢٦
انتظم على فيتامين دال، أنا نقصه عندي كان هيدخلني في اكتئاب، لما بدأت آخده حسيت إني أحسن الحمد لله، وحاول تخرج الصبح في الشمس أظن من الساعة 10 ل 12 وأكيد الأول لازم تسأل الدكتور عن الجرعة المناسبة ليك عشان ما تكونش ضارة
تم النشر الأربعاء، ٣ يونيو ٢٠٢٦
السلام عليكم، هي الأعراض دي كلها لها علاقة بنقص فيتامين د وكمان الأنيميا. لو عملت تحاليل وتابعت مع طبيب باطنة ومفيش مشكلة غير نقص فيتامين دال يبقى عالجه ضروري وحسن نظامك الغذائي وممارسة الرياضة كمان حتى لو عشر دقائق في اليوم هتحسن معاك وهتنشط جسمك. لو متابعتش مع طبيب ضروري تتابع وتتأكد من السبب العضوي. ** لو انت في فترة ضغوط ودراسة فاحتمال يبقى فيه جزء نفسي في الموضوع، ساعات العقل عشان يهرب من الضغوط يعمل أعراض جسمانية شبيهة. ** لو قلنا فيه احتمال للحسد، فعادي.. التزم بالأذكار والرقبة الشرعية اسمعها أو ارقي نفسك بنفسك... سورة البقرة ممكن تقرأها يوميا (قسمها على ٣ أيام لو صعب تقرأها كلها في يوم) .. لو فيه حاجة روحانية ممكن تحس بتعب زيادة بس متوقفش استمر عليها. وإن شاء الله يكون في الآخر مجرد نقص فيتامينات. ألف سلامة.
تم النشر السبت، ٣٠ مايو ٢٠٢٦
من وجهة نظري ان التعب والخمول والكسل مش عادتك يعنى دى اكتسبتها مؤخرًا وخصوصًا وانت كنت شطور يبقى هتتعالج اما تعالج حالتك الصحيه يعنى انت بتقول نقص فيتامين د خلاص يبقى حاول تظبطه بادويه وكمان روح لدكتور كويس واعمله تحاليل دم كامله وخلّيه يشوف ايه كمان سبب التعب دا علشان ممكن بردو انيميا حاده بس انا مش عارفه ولكن الكسل وعايز تنام 24 ساعه قاوم نفسك علشان النوم مش وسيله لحاجه غير الهروب وتضيع وقت وانك تعبان نقص فيتامن مش اكتر وكمان 21 اكيد عندك فاينل لازم تقاوم نفسك وتاخد فيتامن وتنوي نيه انك هتذاكر واتوكل على الله وفكرة على طول متعصب ومش مستحمل دى ناتجه من المشاكل اللى انت فيها اصلا يعني كل دا يندرج تحت انك تروح لدكتور وتعمل تحاليل دم وتبدا تمشي على العلاج وبس
تم النشر الخميس، ٢٨ مايو ٢٠٢٦
أخي، أنا آسفة إنك بتمر بكده، ده موقف صعب ومرهق. نقص فيتامين د (21) بيسبب الخمول والتعب والدوخة والعصبية دي، وممكن يكون فيه أسباب تانية زي الاكتئاب أو مشاكل صحية أخرى. روح لدكتور باطنة أو غدد صماء فورًا عشان يوصفلك علاج مناسب (مكملات فيتامين د + فحوصات إضافية). متأجلش. في الوقت الحالي: ركز على أكل متوازن (لبن، بيض، سمك) ومشي خفيف يوميًا، ونام في مواعيد ثابتة. لو عايز دعم نفسي أو استشارة، شوف خبراء فدني هنا: https://www.fedni.net/experts ابحث عن أسئلة مشابهة في فدني عشان تلاقي تجارب تانية. ربنا يشفيك ويعافيك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٢٧ مايو ٢٠٢٦
يصلي ب انتظام وبقرأ قرآن
تم النشر الخميس، ٢٨ مايو ٢٠٢٦
هوا سؤال والله لو مش هايضايقك بتصلي ؟
تم النشر الخميس، ٢٨ مايو ٢٠٢٦
اول خطوة الدعاء .. ثاني خطوة ابعد جلد الذات وتأنيب الضمير .. ثالث خطوة إبدأ بحاجات بسيطة زي الحفاظ على الصلاة ورياضة المشي
تم النشر الأحد، ٣١ مايو ٢٠٢٦
بص هوا الدكتور لازم يكون غويط وغامض معاك والله يعني مش هايقولولك من الحر، ودا شئ طبيعي عند معظم الناس الخمول دا حاول إنك تقعد مع حد وتتكلموا من أهلك صحابك أو حتي تخرج تشم هوا حتي لو تحت البيت المهم إنك ماتفضلشي ف البيت غير جو واتمشي
تم النشر الخميس، ٢٨ مايو ٢٠٢٦
حد يشوفلنا حل في الي بنحصل
تم النشر الأربعاء، ٢٧ مايو ٢٠٢٦
نفس الشيء بجد وبرضو عندي نقص فيتامين دال وباخد علاج بس التحسن لسه بسيط جدا ياريت لو حد يفيدنا بجد
تم النشر الأربعاء، ٢٧ مايو ٢٠٢٦
تشاهد اباحيه او تجلس علي موبيل كثير او بتسهر ؟؟
تم النشر الأربعاء، ٢٧ مايو ٢٠٢٦
لعرض السؤال في فدني اضغط هنا