سؤال باختصار ..
ازاي نعالج الاكتئاب الداخلي وصدمات الحياة ؟
اتمني اللي يجاوب يكون من واقع تجربه ليه يعني
مش مجرد كلام فلسفي
من واقع اني مشخصة باضطراب ما بعد الصدمة النفسية وبتعالج من ٢٠١٨ لازم معالج نفسي والافضل طبيب ولازم سعي من قبلك للتحسن لازم حياة صحية جسديا ونفسيا من شرب مياه كافي رياضة عدد ساعات نوم كافية اكل صحي متوازن عبادة ونشاط فكري وذهني وحبذا لو نشاط يدوي وطبعا عمل أو شغل يدر مبلغ مالي وعلاقة واحد علر الاقل قوية وصحية سواء كانت صداقة او ارتباط ده باختصار شديد ..
تم النشر الاثنين، ٦ أبريل ٢٠٢٦
عيش حزنك بلاش تتخطي الموقف الحزين من غير ما تكون طلعت كل الحزن اللي في قلبك بلاش تدفن وجعك جواك عيط صرخ كسر بس ما تكتمش جواك لان بعد مدة الموقف الحزين هيعدي بش انت لسه حابس مشاعر الحزن جواك هتيجي مواقف تاني هتلاقي نفسك بردو بتحبس وجعك ف هتتراكم مشاعر الحزن جواك وانت نفسك هتتعب -وابسط مثال هو الموت لما حد عزيز علينا يتوفي دي مصيبة كبيرة والم كبير والطبيعي اننا نحزن ونخرج حزننا ب اي طريقة - ادعي ربنا يخفف عنك - ربنا يريح بالك اللهم امين
تم النشر الأحد، ٥ أبريل ٢٠٢٦
مفيش حل سحري، بس اللي شفته إن الموضوع بيبدأ بخطوات صغيرة جدًا. إني ما أهربش من اللي جوايا، وأتكلم أو أكتب اللي حاسس بيه بدل ما أكتمه. وأحاول أظبط يومي حتى لو بحاجة بسيطة زي النوم والأكل والخروج. وكمان أبعد عن اللي بيزود الضغط عليا وأحط نفسي مع ناس كويسة. والأهم إني أدي لنفسي وقت… لأن الشفاء مش بييجي مرة واحدة
تم النشر الاثنين، ٦ أبريل ٢٠٢٦
اينعم انا مجربتش الشعور دا مش علشان انا حياتى كويسه لا مفيش حد حياته خاليه من التقلبات ولكن انا مش كنت بوصل للدرجه دى ولكن هقولك وجهة نظرى يمكن تفيدك انت ممكن تعتزل العالم وخليك مع نفسك مش معنى تعتزل العالم انك تكون فى اوضتك وقافل على نفسك الباب لا كدا انت بتكتئب زياده انا اقصد عيش حياتك بمعنى( اللامبالاة) كل الدنيا تتشقلب برا هى مع نفسها انا مع نفسي بصلح اللى كسرته فى نفسي ممكن تقول بس مش سبب الاكتئاب دا انا ممكن شخص تانى بس هقولك انت اللى سيبته ( يتغلب عليك) ووصلت للحاله دى اتعلم تفهم نفسك كويس واعرف ان الشيء دا هيوجعك ابعد عنه الانسان لوحده مش مستحمل تصادمات يبقى تجنب الناس وتجنب مشاكلهم وخليك مع نفسك بتحل مشكلة الاكتئاب دى ان تفرغ عقلك لحاجات ايجابيه وبس انك تعمل كل حاجه بتحبها فى الفترة دى وانت فرحان بيها تجري كتير دا بيحسن من مستواك النفسي واقرأ كتير و ابدأ اسمع قصص الانبياء والمعاناه اللى كانوا بيعانوها فى رحلتهم لتبليغ كلام الله مش هتلاقى اذى اكتر من كدا وكتر من صلاتك واستغفارك كتير والحق نفسك اول باول واقنع عقلك (انك اقوى من اى اكتئاب) علشان مش يبادر بيك تانى ونصيحه عن تجربه بقى لو بقيت تحكى لربنا عن كل حاجه مخنوق منها ومزعلاك من الحياه هترتاح اوى حتى لو 15 بعد صلاه انت بتحبها ويستحسن قبل الفجر بنص ساعه كدا وآسفه على الاطاله و ربنا يهديك ويصلح لك حالك
تم النشر الأحد، ٥ أبريل ٢٠٢٦
ابشر والله ويارب تكون دايما بسعاده
تم النشر الاثنين، ٦ أبريل ٢٠٢٦
شكراً على اى يا صاحب ، انما المؤمنون إخوة ❤️
تم النشر الاثنين، ٦ أبريل ٢٠٢٦
اذهب لسيدك ومولاك هو الشافى ألا يعلم من خلق وهو اللطيف الخبير ، صدقنى ضاقت عليا الأرض بما رحبت, اكتئاب وانفصام و وسواس واضرابات وتلعثم وفقدان ثقه وأرق ودا كان اصعبهم على الإطلاق، كنت واخد من كل واحد شويه ،اول مرحتله عبد ذليل شفيت 🙂
تم النشر السبت، ٤ أبريل ٢٠٢٦
دا شرف لينا إحنا يا معالى الباشا
تم النشر الاثنين، ٦ أبريل ٢٠٢٦
@مفيد . @hesham abdalghfar المهم يا اصدقائي لا تنسوني من دعائكم أن مشكلتي دي تنتهي
تم النشر الاثنين، ٦ أبريل ٢٠٢٦
@مفيد . اشكرك يا مفيد علي نصيحتك وكلامك الطيب ❤️
تم النشر الاثنين، ٦ أبريل ٢٠٢٦
@مفيد . كلام الراجل ده فى الكومنت ده من افضل الكلام ال هتسمعه
تم النشر الاثنين، ٦ أبريل ٢٠٢٦
اسأل الله لك ذلك والله بص صدقني قوم وكمل حياتك وتطورك انا زيك مريت بظلم وخساير ضخمه بنسبالي وقتها بس كان كل مره اتعرض فيها للظلم او ابتلاء بعدها والله العظيم بشوف حياه افضل ومؤمن دايما ان ربنا هيعوضني وحرفيا كل فتره اتظلم او اخسر حاجه الاقي جالي افضل منها وكده كده انت اصلا هتاخد حقك يوم القيامه وهتشوف كل شخص ظلمك ومتسبب في ظلمك مذلول تحتك لحاااد ما ترضى وتحس انك اخدت حقككك كااااااااااامل
تم النشر الاثنين، ٦ أبريل ٢٠٢٦
يا صحبى صلى النبى بس ، دا اضطراب ما بعد الصدمة ، أحسن وقت تروح فيه لربنا صدقنى , "فلولا إذ جاءهم بأسنا تضرعوا ولكن قست قلوبهم وزين لهم الشيطان ما كانوا يعملون" , تضرع يا صديقى
تم النشر الاثنين، ٦ أبريل ٢٠٢٦
تأييد لكلام مفيد ، "والذين آمنوا وعملوا الصالحات وآمنوا بما نزل على محمد وهو الحق من ربهم كفّر عنهم سيئاتهم وأصلح بالهم" ،الكوكب كله بيدور على صلاح البال أنا وأنت وكل الناس وهي ببساطه آية رقم 2 (سورة محمد)
تم النشر الأحد، ٥ أبريل ٢٠٢٦
بص انا هتكلم عن تجربتي وغالبا هتكون مختلفه عنك ..... من سنين كنت دايما مكتأب وحاسس بضيقه وكانت فتره كلها غضب من ربنا عليا بسمع اغاني ولا صلاه ولا صدقات ... بدأت اوقف موسيقى وبدأت اصلي وصدقات ومن وقتها انا مكتأبش نهائي هتقولي معقوله هقولك ايوه صحيح في مواقف حزن وضغط بس كلها كانت فترات بسيطه ولا تعني اكتآب بنسبه لي نظرا لقصرها وحتي كنت احلها بالصلاه او الصدقه..... اقسم بالله يان الصدقه تديك احساس غريب كده والله اسطوري بس طلعها من قلبك....فا انت شوف مقصر في اي لان كلنا مقصرين اكيد وصلحه وكل ما تقصر عجل في الاصلاح ومهتشوف فرق شاسع
تم النشر الأحد، ٥ أبريل ٢٠٢٦
@مفيد . اللهم امين وإياكم يارب يا صديقي
تم النشر الاثنين، ٦ أبريل ٢٠٢٦
أهم حاجة يصحبى متنساش تطمنا عليك كلنا
تم النشر الاثنين، ٦ أبريل ٢٠٢٦
العفو❤️
تم النشر الاثنين، ٦ أبريل ٢٠٢٦
قد اكون فهمت الي بتمر بيه واسمع انا كمان تعرض للظلم من البلد صحيح الموضوع جداااااا يدايق والله فعلا يدايق والظلم وحش جداااا والمظلوم بيكون نفسو يشوف حقه بس صدقني اعرف انك في ابتلاء وباذن الله هيكون ممحاه لذنوبك واكيد ده اختبار ولازم تنجح فيه صحيح بتمر بديقه بس ممكن بعد الفتره دي هتكون متعلم حاجه جديده او هتبدأ تسعى لرحله جديده الله العالم القدر مخبي اي بس الي اعرفه ان الراضي بالقدر هيرضيه ربنا بعد الاختبار ومش شرط من اول يوم بس اصبر وحاول تفكر كيف تتعايش وتحل المشكله بدلا من الحزن ولاكتئاب... هتعدي بس اصبر وحقك والله هتاخده تالت متلت لحاد ما تحس نفسك كده شبعت
تم النشر الاثنين، ٦ أبريل ٢٠٢٦
صراحه انا مقدرش اساعدك اكتر من كده لعدم وفره المعلومات عن الي حصلك بظبط بس لو في مجال تقول وتطلع الي جواك ونحاول نساعدك اشطا اما لوو متقدرش فا استعين بالله كده وحاول تشد نفسك وتسند نفسك لان مينفعش تتوكل غير عل ربنا واياك والتواكل
تم النشر الاثنين، ٦ أبريل ٢٠٢٦
مهيا اسمها الدنيا اي شيء دنيء ملهوش لازمه والاخره هي دار القرار الي هتحدد اذا هتعيش حياتك الحقيقه مبسوط وسعيد ومبتهج طول حياتك ولا عكس ذلك؟ فأسأل الله لي ولكم الفردوس الاعلى
تم النشر الاثنين، ٦ أبريل ٢٠٢٦
ازاى دا الدنيا بتزرع فيها للأخرة يسطا ، أذكر الله بس كده يعم ونا هدعيلك وانت ادعيلى وندعى لبعض وإن شاء نتقابل فى الجنة بالاحضان ،انت اخويا فى الله يعم
تم النشر الاثنين، ٦ أبريل ٢٠٢٦
مريت كتير بخذلان و عانيت من قله الثقه بس صدقني اقسم بالله اول لما تفهم فكره اني محدش يستاهل تعبك او اجهادك النفسي و تبدأ تفكر في اي الي ممكن يفرحك انت و تقرب من ربنا و سيب خالص كلام الناس حلو و وحش هترتاح رجع كل الناس للمطان الي يستهلوه متديش حد اكبر من حجمه صدقني دا هيفرق
تم النشر الأحد، ٥ أبريل ٢٠٢٦
لما اكتئبت وقررت إنى أقف حسيت إن حياتى ملهاش لازمة وإنى مكروه وأسباب كتير من أسباب الإكتئاب .... اللى خلانى اتغلبت على الحوار كلمة واحدة بس دا مش مكانى لأن حياتى كانت شبه توقفت وفى منعرج صعب لطريق الفشل ف قولت دا مش مكانى ولا أليق أكون كدا وأنا كدا بزيد حياتى سوء أكتر ما هى سيئة يعنى هيبقى من سئ ل أسوء وكنت بكره الناس ف مكنتش متقبل فكرة التعامل أو إثبات شئ لحد بس اللى حل الحوار دا اللى هو نفسك انت يسطا محتاج تثبت لنفسك انك كويس مش لحد تانى وعديت الحمد لله من الفترة ديه
تم النشر السبت، ٤ أبريل ٢٠٢٦
@hesham abdalghfar انا سعيد اني اتكلمت معاكم
تم النشر الاثنين، ٦ أبريل ٢٠٢٦
@hesham abdalghfar شكرا يا هشام
تم النشر الاثنين، ٦ أبريل ٢٠٢٦
طبعاً يا غالى
تم النشر الاثنين، ٦ أبريل ٢٠٢٦
@مفيد . يارب نفسي اشوف اللي ظلمني واللي اداه القانون أنه يظلمني بيه واللي اداه السلطة ربنا بينتقملي منهم قدامي
تم النشر الاثنين، ٦ أبريل ٢٠٢٦
لا ظلم اتعرضتله
تم النشر الاثنين، ٦ أبريل ٢٠٢٦
كنت متعلق بشيء ؟
تم النشر الاثنين، ٦ أبريل ٢٠٢٦
يا هشام انا بقالي سبع شهور في اضطراب ما بعد الصدمة وخصوصا أن الموضوع نفسه لسه مخلصش
تم النشر الاثنين، ٦ أبريل ٢٠٢٦
طبعا انا عارف أنه مينفعش نتوكل غير علي ربنا بس انا اللي حصلي حاجه بخصوص البلد الموضوع كان من ناحية البلد واتعرضت للظلم جدا من البلد اكتئابي الداخلي عبارة عن هاجس بكره البلد دي
تم النشر الاثنين، ٦ أبريل ٢٠٢٦
اصل انا اتعرضت لشئ بنسبالي مكنتش اتوقع ابدا أنه يحصلي ف حاسس اني لسه عايش في الصدمة
تم النشر الاثنين، ٦ أبريل ٢٠٢٦
جماعة الموضوع كبير انا بقيت اشوف أن الحياة ملهاش لازمة
تم النشر الاثنين، ٦ أبريل ٢٠٢٦
لعرض السؤال في فدني اضغط هنا