اينعم انا مجربتش الشعور دا مش علشان انا حياتى كويسه لا مفيش حد حياته خاليه من التقلبات ولكن انا مش كنت بوصل للدرجه دى ولكن هقولك وجهة نظرى يمكن تفيدك انت ممكن تعتزل العالم وخليك مع نفسك مش معنى تعتزل العالم انك تكون فى اوضتك وقافل على نفسك الباب لا كدا انت بتكتئب زياده انا اقصد عيش حياتك بمعنى( اللامبالاة) كل الدنيا تتشقلب برا هى مع نفسها انا مع نفسي بصلح اللى كسرته فى نفسي ممكن تقول بس مش سبب الاكتئاب دا انا ممكن شخص تانى بس هقولك انت اللى سيبته ( يتغلب عليك) ووصلت للحاله دى اتعلم تفهم نفسك كويس واعرف ان الشيء دا هيوجعك ابعد عنه الانسان لوحده مش مستحمل تصادمات يبقى تجنب الناس وتجنب مشاكلهم وخليك مع نفسك بتحل مشكلة الاكتئاب دى ان تفرغ عقلك لحاجات ايجابيه وبس انك تعمل كل حاجه بتحبها فى الفترة دى وانت فرحان بيها تجري كتير دا بيحسن من مستواك النفسي واقرأ كتير و ابدأ اسمع قصص الانبياء والمعاناه اللى كانوا بيعانوها فى رحلتهم لتبليغ كلام الله مش هتلاقى اذى اكتر من كدا وكتر من صلاتك واستغفارك كتير والحق نفسك اول باول واقنع عقلك (انك اقوى من اى اكتئاب) علشان مش يبادر بيك تانى ونصيحه عن تجربه بقى لو بقيت تحكى لربنا عن كل حاجه مخنوق منها ومزعلاك من الحياه هترتاح اوى حتى لو 15 بعد صلاه انت بتحبها ويستحسن قبل الفجر بنص ساعه كدا وآسفه على الاطاله و ربنا يهديك ويصلح لك حالك
@𝑴𝑰𝑹𝑨 . اللهم امين انا بس كنت حابب اتكلم في الموضوع و دخلت ع الابلكيشن دا بذات لاني شايف اني ممكن اتكلم واعبر براحتي وشايف أن دا شئ هيساعدني اتخطي اكتر اني اقول اللي حاسس بيه ونفسي اقولو
تم النشر الثلاثاء، ٧ أبريل ٢٠٢٦
@Mohamed Ali يعنى بتقول الكلام الجميل دا كله عن ربنا وجاى علشان تشوف حل دا انا اعتقدت ان ايمانك ضعيف، طيب ربنا يزيد ويبارك امشي فى الطريق دا واخره النور بأذن الله وتوكل على الله ومش تعطل نفسك باى حد تانى خليك مع نفسك واصلاحها ( لامبالاه !)
تم النشر الاثنين، ٦ أبريل ٢٠٢٦
@𝑴𝑰𝑹𝑨 . طبعا عندي يقين أن ربنا هيجبلي حقي لأن انا مليش غيرها وربنا عادل ومش بيحب الظلم و واثق أن ربنا هيساعدني اني أخرج من دائرة الدمار النفسي والهشاشة النفسية اللي بمر بيها دلوقتي
تم النشر الاثنين، ٦ أبريل ٢٠٢٦
ليه هى اللامبالاة هتنطبع فيك ولا تقصد انك هتاخد فترة طويله علشان تتأقلم وممكن تتعود عليها ؟
تم النشر الاثنين، ٦ أبريل ٢٠٢٦
انا قرأت الكومنتس بتاعتك واعتقد انت بتمر بالظلم فى مرة معلمة القرآن قالتلى حاجه جميله اوى عنها هى بردو مرت بالظلم وقالتلى انا كنت مصدومه من اللى ظلمنى ومش كان بايدى انى اعمل حاجه ولا اتخانق فيه بس عارفه ان ربنا موجود ومتأكده انه مش هيسيب حقى قالتلى مش قولت غير جملة حسبي الله ونعم الوكيل وانى فوضت امري لربنا بتقولى تانى يوم بالضبط الشخص اللى ظلمنى دا جاء ليا واعتذرلى قدام اللى اتظلمت قداهم كلهم يعنى انا فهمت فضل كلمة حسبي الله ونعم الوكيل دا بعدين وازاى الشخص يفوض امره لربنا فأنت فوض امرك لربنا ربنا على كل شي قدير وهو هيجبلك حقك بس يكون عندك يقين ان ربنا هيجبلك حقك مش كلام وخلاص
تم النشر الاثنين، ٦ أبريل ٢٠٢٦
@𝑴𝑰𝑹𝑨 . خلاص بلاش اللامبالاة
تم النشر الاثنين، ٦ أبريل ٢٠٢٦
@Mohamed Ali ربنا يبارك فى اهلك طيب انت عايز ايه اكتر من دعم اهلك لك فى الفتره دى اعتقد هما كفايه و بالنسبه للامبالاة هتفيدك ان شاء الله بس مش دايمًا احسن تنطبع صفة البرود فيك !
تم النشر الاثنين، ٦ أبريل ٢٠٢٦
بالنسبة ل اهلي هما دعموني كتير الفترة دي وبالنسبة ل لامبالاة ممكن احاول
تم النشر الاثنين، ٦ أبريل ٢٠٢٦
انا مش عارفه مشكلتك بس بنحاول نلقى حل للصدمات الداخليه و الاكتئاب ومش لازم ايه المشكله لازم انت تحلها بنفسك وبسرعه علشان الاكتئاب مش مجرد شويه زعل دا اكبر من كدا بكتير علشان كدا قولت حلولي تكون بارد فى تعاملك ومش عصبي وانا لو مكانك هعمل كدا واكيد اهلك هيعذروك مش هييجوا عليك فى الفتره دى اهم حاجه تكون مرتاح نفسيا
تم النشر الاثنين، ٦ أبريل ٢٠٢٦
@𝑴𝑰𝑹𝑨 . مشكلتي مش متعلقة بأشخاص علشان اكون لا مبالي
تم النشر الاثنين، ٦ أبريل ٢٠٢٦
@Mohamed Ali مش صعب والله الخلاصه جرب تحاول تكون بارد عندك لامبالاه اليومين دول لحد ما تبقى بخير مش هتخسر حاجه لو جربت
تم النشر الاثنين، ٦ أبريل ٢٠٢٦
كلام جميل بس صعب
تم النشر الاثنين، ٦ أبريل ٢٠٢٦
لعرض الإجابة في فدني اضغط هنا