بصي يا بنت الحلال الموقف رخم بس انتي محتاجة تشغلي دماغك عشان متبوظيش اعصابك زيادة و مامتك مش هتفهم يعني ايه قلق وتوتر وتفسير علمي للنوم الكتير هي شيفاه كسل فبلاش تبرري وانتي منهارة عشان كلامك بيبان حجج في نظرها و لما تبعدي عشان متغلطيش فيها ده صح بس لازم تعرفيها انك بتبعدي عشان مش عايزة تزعليها مش قسوة قلب قولي لها يا ماما انا مش قادرة اتكلم دلوقتي عشان مخسرش رضاكي وسيبيني اهدي واجيلك و متستنيش منها هي اللي تصالحك ولا تقدر تعبك النفسي لان الجيل ده مبيعترفش بالكلام ده غالبا صالحيها انتي عشان تشتري دماغك والبيت يهدى وتعرفي تركزي في مذاكرتك ومستقبلك الخلاصة كبري دماغك وقولي حاضر وطيب عشان المركب تسير واعتبري سكوتك ده حماية ليكي وليها لحد ما السنة دي تعدي على خير وربنا يقويكي ويعينك على اللي انتي فيه وجد والله ربنا يحفظك وتحقيي اللي تتمنيه ومتنسيش الثانويه العامه مش نهاية العام متكبيش الموضوع اهم حاجه صحتك البدنيه والنفسيه 🌷
💗💗🥺
تم النشر الثلاثاء، ٧ أبريل ٢٠٢٦
الله عليكي وعلى أصلك الطيب بجد فرحتيني من قلبي والله العظيم ده أحلى خبر سمعته النهاردة وإنك عملتي الخطوة دي وانتي اللي روحتي وبوستي راسها ده جبر خواطر كبير أوي عند ربنا وهيشيل من عليكي حمل تقيل جداً صدقيني الرضا ده هو اللي هيفتح ليكي أبواب المذاكرة ويخليكي تركزي وبكرة هتشوفي بركة الخطوة دي في دراستك وفي حياتك كلها لأن رضا الأم ده كنز وسر التوفيق في الدنيا والآخرة ربنا يخليكم لبعض ويديم المحبة ويبعد عنكم أي زعل وشيطان ويثبتك ويجبر بخاطرك زي ما جبرتي بخاطرها وزي ما فرحتيني بالخبر الحلو ده 🩵🩵
تم النشر الاثنين، ٦ أبريل ٢٠٢٦
يارب يارب 🥺عايز اقول لحضرتك انى روحت صالحتها وبوست على رأسها واعتذرت ليها 💗
تم النشر الاثنين، ٦ أبريل ٢٠٢٦
تسلمي يا رب وليكي بالمثل وزيادة والله العظيم دعوتك دي كفيلة تخلي يومي كله رضا وكفاية إنك لسه بتفكري فيها وبتحاولي عشان خاطرها رغم كل الضغط اللي عليكي ده في حد ذاته بر والدين ومعدن نضيف أوي ربنا يبارك في أصلك ويفتح بصيرتك في المذاكرة وتعدي السنة دي وإنتي محققة كل اللي بتتمنيه وتشوفي الفرحة في عينيها وقتها هتنسي كل لحظة زعل وتعب مريتي بيها شدي حيلك بس كدا والبيت كله هيفتخر بيكي إن شاء الله وأي وقت تحسي بضغط اكتبي رسالتك هنا واعملي بس اشاره ليا هتلاقيني موجود باذن الله وفرحت قلبي الحقيقية هي نجاحك وتصالحك مع مامتك في القريب العاجل يا رب
تم النشر الاثنين، ٦ أبريل ٢٠٢٦
اكيد انا بحاول عشانها هى اصلا والله يارب بجد الدعوه الحلوه دي تستجاب منك ربنا يجعل كلامك ليا فى ميزان حسناتك ويفرح قلبك زي ما فرحتني شكرا مره تانيه 🤍🤍
تم النشر الاثنين، ٦ أبريل ٢٠٢٦
يا رب آمين وكلامك ده بيدل على أصلك الطيب ونضجك فعلاً لأنك رغم الوجع لسه شايفة غلاوتها وده لوحده نص الطريق إن الغمة دي تنزاح على خير هي فترة ضغط شديد وثانوية عامة بتشد الأعصاب في كل البيوت المصرية بس صدقيني بكرة لما تنجحي وتوصلي للي بتتمنيه كل ده هيبقى ذكريات وهتلاقيها هي أول واحدة بتزغرط وفخورة بيكي قدام الدنيا كلها ركزي بس في مذاكرتك واهتمي بصحتك ونفسيتك على قد ما تقدري ودايماً افتكري إن صبرك ده في ميزان حسناتك وإن شاء الله تفرحي وتفرحيها وتكوني احسن حد في الدنيا بإذن الله ربنا يوفقك ويجبر بخاطرك ويفتح لك كل الأبواب المقفولة
تم النشر الاثنين، ٦ أبريل ٢٠٢٦
كلامك فرحني وريحني اوى ربنا يجزيك خير يارب اكيد مهما حصل بينا هتفضل هى اغلى واقرب حد ليا ويارب الفتره دي تعدى على خير وافرحها واخليها فخوره بيا 🤍
تم النشر الاثنين، ٦ أبريل ٢٠٢٦
العفو على إيه إحنا أخوات وشعورك ده حقيقي وواجع بس خليني أقولك ليه هي بتعمل كدة، الأم غالباً بتيجي على نفسها مع الغريب عشان خايفة من كلام الناس أو عشان تحافظ على شكلها قدامهم لكن معاكي إنتي هي شايلة التكليف تماماً وشايفاكي حتة منها يعني ضامنة إنك مهما حصل بنتها وحبيبتها وهتسامحيها في الآخر فبتطلع كل ضغطها وتوترها فيكي إنتي عشان إنتي الحيطة المايلة اللي مأمنة لها ومستحملة عصبية مامتك عليكي هي في الحقيقة عشم بزيادة قلب بوجع بس صدقيني لو حد مس شعرة منك قدام الناس دي هتاكلهم بس هي للأسف بتفرغ شحنة الضغط النفسي اللي عندها في أقرب حد ليها اللي هو إنتي فمتخليش ده يحسسك إنك قليلة عندها بالعكس ده أنتي اللي شايلة شيلتها ومستحملة اللي محدش يستحمله وربنا هيجازيكي خير على صبرك ده وهيفرح قلبك في دراستك وتعدي الغمة دي على خير وتتصالحوا وترجعوا أحسن من الأول كمان
تم النشر الاثنين، ٦ أبريل ٢٠٢٦
اللى مزعلني انها بتيجي على نفسها عند كل الناس الا انا طب ليه +شكرا جدا لكلام حضرنك
تم النشر الاثنين، ٦ أبريل ٢٠٢٦
لعرض الإجابة في فدني اضغط هنا