بابا اتجوز عن ماما وكلها ايام ويتم سنه وانا عرفت اول امبارح بالليل كنت ماسكه فونه بالصدفه عشان آخد من عليه حاجات ليا واتصادفت بعقد الجواز وصورهم سوا وحاليا مش عارفه اتصرف ازاي ولا عارفه المفروض اعمل اي واعرف ماما ولا اسيبه مستغفلنا كلنا كده بجد مش عارفه اتصرف فأرجو الإفادة وشكراً جداً جزاكم الله خيرا.
اول حاجة تهدي قبل أي تصرف القرار اللي هيتاخد في وقت انفعال ممكن يوجعك ويضر ناس اكتر، انتي مش غلطانة اللي حصل مش ذنبك ولا مسؤوليتك انك تلمي اخطاء الكبار انتي اتفائجتي بحاجة كبيرة ومن حقك تتلخبطي، فكرة انك تعرفي مامتك دي أخطر نقطة ولازم تتحسب أوي لو مامتك حساسة المواجهة المفاجئة ممكن تكسرها لو في حد حكيم قريب منكم خالة عمة جدة شخص كبير عاقل الأفضل متكونيش انتي اللي تقولي مباشرة، ومش تواجهي باباكي مش دلوقتي ومش بانفعال لو هتتكلمي بهدوء من غير اتهام اسأليه انا شوفت كذا بالصدفة ممكن تشرحلي رده هيفرق جدا في القرار اللي بعده ،وفي نفس الوقت لا تفضحي ولا تكتمي لوحدك السكوت التام هيأذيكي نفسيًا والفضيحة هتولع نار الحل الوسط تحكي لشخص واحد فقط، حد عاقل امين يخاف ربنا ومش اندفاعي. وخلي بالك من نفسك انتي دلوقتي في موقف اكبر من سنك ومن طاقتك ف صلى ادعي ربنا يهديكي للصواب اكتبي اللي جواكي متاخديش قرار وانتي منهارة ربنا قال واصبر وما صبرك إلا بالله والصبر هنا مش سكوت عن الغلط لكن حكمة في التصرف
تم النشر الأربعاء، ٢٨ يناير ٢٠٢٦
اول حاجة تهدي قبل أي تصرف القرار اللي هيتاخد في وقت انفعال ممكن يوجعك ويضر ناس اكتر، انتي مش غلطانة اللي حصل مش ذنبك ولا مسؤوليتك انك تلمي اخطاء الكبار انتي اتفائجتي بحاجة كبيرة ومن حقك تتلخبطي، فكرة انك تعرفي مامتك دي أخطر نقطة ولازم تتحسب أوي لو مامتك حساسة المواجهة المفاجئة ممكن تكسرها لو في حد حكيم قريب منكم خالة عمة جدة شخص كبير عاقل الأفضل متكونيش انتي اللي تقولي مباشرة، ومش تواجهي باباكي مش دلوقتي ومش بانفعال لو هتتكلمي بهدوء من غير اتهام اسأليه انا شوفت كذا بالصدفة ممكن تشرحلي رده هيفرق جدا في القرار اللي بعده ،وفي نفس الوقت لا تفضحي ولا تكتمي لوحدك السكوت التام هيأذيكي نفسيًا والفضيحة هتولع نار الحل الوسط تحكي لشخص واحد فقط، حد عاقل امين يخاف ربنا ومش اندفاعي. وخلي بالك من نفسك انتي دلوقتي في موقف اكبر من سنك ومن طاقتك ف صلى ادعي ربنا يهديكي للصواب اكتبي اللي جواكي متاخديش قرار وانتي منهارة ربنا قال واصبر وما صبرك إلا بالله والصبر هنا مش سكوت عن الغلط لكن حكمة في التصرف
تم النشر الأربعاء، ٢٨ يناير ٢٠٢٦
اطلبي تقعدي معاه لوحدكم في وقت ميكونش فيه ضغط شغل أو لسه راجع تعبان. قولي له يا بابا كنت عايزة أتكلم معاك في موضوع مهم لوحدنا واحكي اللي شوفته بالنص أنا كنت ماسكة الموبايل بتاعك عشان أنقل حاجات ليا، وبالصدفة شوفت صور لعقد الجواز.. أنا بجد مصدومة ومش قادرة أستوعب اللي شفته، وحاسة إن في حاجة كبيرة استخبت عننا قولي له انتى حاسه باي أنا مش قادرة أبص في وش ماما وأنا عارفة سر زي ده، وحاسة إن ثقتي فيك اتهزت.. أنا حابة أسمع منك إيه اللي حصل؟ وليه خبيت علينا كل ده خليه يحس بالمسؤولية قول يا بابا أنا مش عايزة أكون السبب في وجع ماما، بس في نفس الوقت مش قادرة أعيش في كذبة. أنت ناوي تعمل إيه؟ لأن الوضع ده صعب عليا استمر فيه وكأني مش عارفة حاجة. وخليكي هادية وانتى بتكلميه لو اتعصبتي أو صوتك علي، الموضوع هيبقى خناقة وهيقفل منك ومش هتاخدي منه حق ولا باطل. واسمي كلامه للاخر حتى لو كلامه مش مقنع، اسمعي عشان تعرفي هو بيفكر ازاي وناوي على إيه. متوعديهوش انك هتسكتى متقوليش مش هقول لماما سيبيه يحس إن السر مهدد عشان يبدأ هو ياخد خطوة فعلية. وجد والله الموضوع صعب عليكي بس لازم تتحملى وجد والله ربنا يحفظك ويوفقك
تم النشر الثلاثاء، ٢٧ يناير ٢٠٢٦
@أَحْمَدُ بْنُ رَمَضَانَ التعدد مباح شرعا اه ،و المفروض الست تفهم حكمه شرعا لكن مش فرض تقبله على نفسها ،ومش معنى لو أمها رفضت التعدد تبقى كافره!، دا أمر مباح وليس بفرض أو واجب كالصلاه والصيام عشان حد يكفرها !
تم النشر الأربعاء، ٢٨ يناير ٢٠٢٦
خليكي أهدى شويه حبيبتي ، أولا الزواج مش حرام ولا حاجه عيب لإن هو ممكن يكون شايف إنه محتاج للزواج ده فده أمر طبيعي ،وبالنسبه لإنك تقولي لحد ،، طالما هو مش قايل لحد يبقى ماينفعش تقولي حاجه شوفتيها لإنه ممكن يكون عارف طبع مامتك في الأمور اللي زي دي وعارف إن عواقب إنها تعرف هتكون مش حلوه فبلاش علشان ماتكونيش السبب في مشاكل . ومفيش حاجه اسمها مستغفلنا ده أمر يخصه وعادي جدا جدا مش حاجه تعيبه طالما مش بيعصي ربنا ويمكن هو أخفى الموضوع علشان عارف إنكم هتزعلوا فكان مراعي مشاعركم
تم النشر الاثنين، ٢٦ يناير ٢٠٢٦
شوفي اولا هو مقصر مع مامتك ولا لا ، لانه هيبقا حرام لو بيعاملها وحش أو مقصر في حقها في أي حاجه وفي الاخر راح اتجوز من وراها ، ولو العقد مقترن بمده أو وقت زي ما انتي بتقولي ف كده حرام أصلا لانه جواز مؤقت أو جواز متعه واسالي برده دار الإفتاء
تم النشر الأربعاء، ٢٨ يناير ٢٠٢٦
طيب في الحالة دي يبقي من حق والدتها انها تعرف وهي تاخد القرار اذا هتتقبل الوضع دا ولا لاء @يُوسُف أسَامَة
تم النشر الثلاثاء، ٢٧ يناير ٢٠٢٦
معلش بس ازاي حقه ؟ هو اه حلال وربنا اللي حلل دا بس في حالة ان في تقصير من زوجته ويكون قايلها قراره انه عايز يتجوز تاني وهي في الوقت دا يبقي ليها كامل الحرية تكمل معاه او تنفصل واظن ان دا حقها زي ما هو حقه - واه هو كدا بيستغفلها @مِنّه حُسَيْن
تم النشر الثلاثاء، ٢٧ يناير ٢٠٢٦
اعملي نفسك معرفتيش حاجه
تم النشر الخميس، ٢٩ يناير ٢٠٢٦
اذا كان الزواج بنية الطلاق فيه خلاف لكن علي اي حال الزواج العرفي هو زواج سليم لكن ليس موثق لدي الدولة وليس له علاقة بشرعية الزواج من عدمه طالما كان هناك ايجاب وقبول وولي وشهود شاهدين عدل عاقلين بالغين مسلمين ومهر وهو الصداق يكفي لصحة الزواج.
تم النشر الثلاثاء، ٢٧ يناير ٢٠٢٦
لكن أنا مش متاكده حتى الجواز ده شرعي ولا لأ لانه عقد عرفي وسالت وقالولي طالما فيه شهود بيبقى شرعي وبعدها قالوا ان غرض الجواز الشرعي واقع لانهم تقريباً محددين مده يشوفوا هيعجبهم الجواز سوا ولا وانا فعلياً مش فاهمه ولا عارفه اتصرف لانه أول مره ف حياتي
تم النشر الثلاثاء، ٢٧ يناير ٢٠٢٦
شكراً جداً ع آراءكم جزاكم الله خيرا
تم النشر الثلاثاء، ٢٧ يناير ٢٠٢٦
السلام عليكم ورحمة الله وبركاته ـ ليس استغفالا عفا الله عنك ـ والرجل من حقه ان يتزوج ليعف نفسه من الزنا ويتزوج بواحدة ومباح له ان يتزوج بأكثر من واحدة قال تعالي : فَانكِحُوا مَا طَابَ لَكُم مِّنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا ـ علي اي حال لا تتحدثي في هذا الامر واسألي الله السلامة والعافية وان اردتي ان تتكلمي في المستقبل تحدثي مع ابيك علي رغبتك في التعرف علي هذه الزوجة وانه من حقه وان هذا شرع الله وان اراد اخبار والدتك كوني سندا له واخبريها بأن هذا حقه وهذا شرع الله ولا كراهة لشرع الله ووجوب القبول لشرعه سبحانه وتعالي ـ قال العلامة ابن باز : من كره ما شرع الله كافر مرتد والعياذ بالله والدليل قال سبحانه وتعالي : ذَٰلِكَ بِأَنَّهُمْ كَرِهُوا مَا أَنزَلَ اللَّهُ فَأَحْبَطَ أَعْمَالَهُمْ ويجب تحذير من يقول انه استغفال بأن يقع في هذا نسأل الله السلامة والعافية ـ الله المستعان.
تم النشر الثلاثاء، ٢٧ يناير ٢٠٢٦
@Nehal Nassar في حالتنا هنتظر لشرع الله فقط، و شرع الله بيقول إنه يحل له الزواج، الراجل فطر غلى إنه بيحب أكتر من واحدة في نفس الوقت على عكس البنت، فالراحل فعلا بيضحي بجزء من شهوته من أجل إرضاء زوجته الوحيدة، ولكن مش شرط تكون مقصرة، ولا شرط يعرفها إنه هيتجوز تاني، نو ادرى بامراته هل هترضى ولا لا وهو مش عايز يخرب بيته، ولو البنت راحت قالت لأمها هي كدة بتخرب بيتها بإيديها
تم النشر الثلاثاء، ٢٧ يناير ٢٠٢٦
السلام عليكم ورحمة الله وبركاته .. اول حاجةاستعيذي بالله من الشيطان الرجيم وسيبك من الافكار السلبية وان دي خيانة او البيت اتفكك .. مفيش حاجة من دي حصلت .. الزواج الشرعي بالثانية هو شئ حلال بل قد يكون ضروري لحياة افضل للرجل ولزوجته الأولى .. متتسرعيش في اخبارها عشان ممكن يحدث مشاكل او طلاق .. اقترحي عليه انه يصارحها في حال ان في احتمال انها تعرف من وراه .. فتعرف منه احسن من ما تعرف من وراه / وبيني له ان لو هيعرف يخفي فقد يكون افضل .... والله يصلحكم...
تم النشر الثلاثاء، ٢٧ يناير ٢٠٢٦
لعرض السؤال في فدني اضغط هنا