Asma mohamed

اول حاجة تهدي قبل أي تصرف القرار اللي هيتاخد في وقت انفعال ممكن يوجعك ويضر ناس اكتر، انتي مش غلطانة اللي حصل مش ذنبك ولا مسؤوليتك انك تلمي اخطاء الكبار انتي اتفائجتي بحاجة كبيرة ومن حقك تتلخبطي، فكرة انك تعرفي مامتك دي أخطر نقطة ولازم تتحسب أوي لو مامتك حساسة المواجهة المفاجئة ممكن تكسرها لو في حد حكيم قريب منكم خالة عمة جدة شخص كبير عاقل الأفضل متكونيش انتي اللي تقولي مباشرة، ومش تواجهي باباكي مش دلوقتي ومش بانفعال لو هتتكلمي بهدوء من غير اتهام اسأليه انا شوفت كذا بالصدفة ممكن تشرحلي رده هيفرق جدا في القرار اللي بعده ،وفي نفس الوقت لا تفضحي ولا تكتمي لوحدك السكوت التام هيأذيكي نفسيًا والفضيحة هتولع نار الحل الوسط تحكي لشخص واحد فقط، حد عاقل امين يخاف ربنا ومش اندفاعي. وخلي بالك من نفسك انتي دلوقتي في موقف اكبر من سنك ومن طاقتك ف صلى ادعي ربنا يهديكي للصواب اكتبي اللي جواكي متاخديش قرار وانتي منهارة ربنا قال واصبر وما صبرك إلا بالله والصبر هنا مش سكوت عن الغلط لكن حكمة في التصرف

اول حاجة تهدي قبل أي تصرف القرار اللي هيتاخد في وقت انفعال ممكن يوجعك ويضر ناس اكتر، انتي مش غلطانة اللي حصل مش ذنبك ولا مسؤوليتك انك تلمي اخطاء الكبار انتي اتفائجتي بحاجة كبيرة ومن حقك تتلخبطي، فكرة انك تعرفي مامتك دي أخطر نقطة ولازم تتحسب أوي لو مامتك حساسة المواجهة المفاجئة ممكن تكسرها لو في حد حكيم قريب منكم خالة عمة جدة شخص كبير عاقل الأفضل متكونيش انتي اللي تقولي مباشرة، ومش تواجهي باباكي مش دلوقتي ومش بانفعال لو هتتكلمي بهدوء من غير اتهام اسأليه انا شوفت كذا بالصدفة ممكن تشرحلي رده هيفرق جدا في القرار اللي بعده ،وفي نفس الوقت لا تفضحي ولا تكتمي لوحدك السكوت التام هيأذيكي نفسيًا والفضيحة هتولع نار الحل الوسط تحكي لشخص واحد فقط، حد عاقل امين يخاف ربنا ومش اندفاعي. وخلي بالك من نفسك انتي دلوقتي في موقف اكبر من سنك ومن طاقتك ف صلى ادعي ربنا يهديكي للصواب اكتبي اللي جواكي متاخديش قرار وانتي منهارة ربنا قال واصبر وما صبرك إلا بالله والصبر هنا مش سكوت عن الغلط لكن حكمة في التصرف

اللي انتي حاسة بيه دا مش دليل ان ربنا مبيحبكيش بالعكس دا غالبًا دليل ان قلبك بسه صاحي وبيوجعك عشان عايز يرجع فكرة أن ذنبي خلي ربنا مايحبنيش دي وسواس مش احساس صادق من ربنا ده صوت بيحبطك ويقصرك عن الدعاء والطاعة ربنا قال قل يا عبادي الذين أسرفوا علي أنفسهم لا تقنطوا من رحمة الله. ماقالش إلا اللي أذنب كتير أو إلا اللي رجع لورا ربنا يحب التوابين مش الكاملين ربنا يفرح برجوع العبد أكتر من فرحته بطاعة اللي مبعدش أصلًا. موضوع الصلاة من غير خشوع الصلاة اللي من غير خشوع أحسن مليون مرة من مفيش صلاة الخشوع مش شرط يجي الأول الخشوع نتيجة مش شرط دخول الصحابة نفسهم اشتكوا من قسوة القلب والنبي صلي الله عليه وسلم مقالش ليهم سيبوا الصلاة قالهم كملوا وقاوموا. حتي لو بتصلي وانتي سرحانة حاسة انها واجب تقيل مش حاسة بحاجة دا مش نفاق دا جهاد. الوسواس اللي رجعك لورا الوسواس عدو ذكي اول حاجة يعملها يشككك في نيتك يحسسك انك منافقة يقولك ما انتي خربانة خلاص والحقيقة الوسواس بيجي غالبًا للناس اللي كانت قريبة من ربنا مش البعيدة الحل مع الوسواس ما تناقشيهوش ما تبرريش له تجاهل واستعاذة كملي اللي في ايدك قولي أعوذ بالله من الشيطان الرجيم وكملي حتي لو الاحساس مراحش في البداية اثبتي علي الفروض بس من غير ضغط نوافل ولا ورد كبير ذكر واحد بس حتي يارب وانتي تعبانه محسوبة قرآن آية واحدة مش صفحة مش جزء آية الدعاء حتي لو حاسة انه مش هيستجاب الدعاء نفسه عبادة مش اختبار قبول ربنا مش واقف مستنيكي تغلطي عشان يرفضك ولا مستنيكي تبقي ملاك عشان يحبك هو اللطيف الودود الرحيم

موضوع التطبيقات والصور احساسك انك مش مرتاحة تعرضي صورك وتكلمي رجالة غرب دا قلبك صاحي وفي نفس الوقت فيه ناس بتستخدم الطرق دي بنية جواز محترمة وفيه لا فكونك مسحتيها لأنك مش مطمنة اختيار يُحترم مش غلط. هل السمنة سبب؟ خليني اكون صريحة شوية السمنة ممكن تقلل فرص في نظر بعض الناس مش كل الناس بس عمرها ما كانت سبب إن بنت ماتتحبش ولا تتجوز والأهم الجواز مش مسابقة جمال وفيه بنات أنحف واتأخروا وبنات ممتلئة واتجوزوا بدري فربط الجواز بالوزن بس ظلم لنفسك لو خسيتي خسي عشان صحتك عشان ثقتك مش عشان حد يرضي يتقدم. هل لازم انتي تسعي وتدوري؟ خلينا نفصل بين حاجتين اول حاجة السعي الحلال انك تعرفي ناس محترمة يعرفوا انك عايزة جواز تقبلي ترشيحات أهلك او معارفك تحضري أماكن محترمة شغل تطوع كورسات ده مش عيب ولا قلة حياء تاني حاجة نفرق بينها المطاردة او العلاقات المرهِقة انك تكلمي رجالة لمجرد التعارف وتتعلقي وتتوجعي دا فعلًا بيتعب ومش مناسب. والدعاء من غير سبب انتظار والسبب من غير دعاء غرور الاتنين مع بعض توكل حقيقي يعني ادعي وخدي بالاسباب اللي ترتاحي لها شرعًا ونفسيًا. وهل ممكن ربنا مش كاتبلك الزواج الشيطان بيحب يدخل من الحتة دي بس تأخر الحاجة مش حرمان منها وعدم ظهورها لحد دلوقتي مش معناها عدم كتابتها ربنا مبيكسرش خاطر حد لجأ له بصدق بس أحيانًا بيأخر عشان ينضجنا يحمينا أو يبدلنا حاجة كنا فاكرينها مش لينا وانتي مش متأخرة مش أقل من غيرك مش محتاجة تتغيري عشان تتحبي انتي محتاجة تحبي نفسك شوية وتبطلي تحاكميها بالقسوة دي

وعليكم السلام ورحمة الله وبركاته ربنا يهون عليكِ 💙 أولًا إنتِ مش آثمة طالما إنتِ رافضة الفعل ومش عايزة تنزّلي الأغاني، فالذنب مش عليكِ. والقاعدة الشرعية واضحة «لا طاعة لمخلوق في معصية الخالق» يعني حتى لو الأب، لا يجوز تنفيذ شيء إنتِ شايفاه معصية. و الغضب مش معناه إنك غلطانة تعصُّبه أو زعله ده ابتلاء ليكِ، مش دليل إنك غلط. إنتِ مأمورة باللين والاحترام، مش مأمورة بالمعصية. وبدل “لا” المباشرة اللي بتستفزه، جربي أسلوب أهدى: قولي له مثلًا يا بابا أنا بحبك ومش قصدي أزعلك، بس الموضوع ده مريحش قلبي، خلّيني أبقى بعيدة عنه، حد غيري يعمله. أو: أنا بقيت متشددة على نفسي في الحاجات دي، ومش قادرة أعملها حتى لو بسيطة من غير محاضرات، من غير كلمة حرام كتير لو هو بيتضايق منها، خليه شعور شخصي. لو أصرّ وغضب اثبتي على موقفك بهدوء اعتذري عن الزعل مش عن المبدأ يعني حقك عليّ لو زعلتك، بس مش هقدر أعمل الموضوع ده وربنا شايفك ومُقدّر تعبك الموقف ده طاعة وجهاد نفس، وربنا لا يضيعها أبدًا. يمكن زعله لحظي، لكن رضا ربنا أبقى وأعظم.

راقبي السلوك اليومي وليس الكلام فقط الكلام عن الدين سهل لكن السلوك اللي بيكشف الحقيقة هل يحترم المواعيد خصوصًا الصلاة أو الالتزامات هل يظهر الصدق في المواقف الصعبة كيف يتعامل مع الناس خصوصًا الضعفاء هل عنده صبر وتحمل في المواقف الصعبة ،الشخص المتدين الحقيقي يظهر في التفاصيل الصغيرة وليس في الظهور الكبير أمام الآخرين.راقبي اهتمامه بالعلم الشرعي والمعرفة هل يقرأ أو يسمع محاضرات دينية بانتظام هل يسأل أسئلة دينية صحيحة ويحب التعلم هل يطبق ما يعرف أم يكتفي فقط بالحديث الاهتمام الحقيقي بالعلم الشرعي غالبًا يكون علامة علي الجدية في الدين .راقبي التفاعل مع المواقف اليومية هل يحافظ علي الأمانة هل يلتزم بالعهود والوعود هل يظهر احترامًا للنساء والأهل كيف يتصرف في الأمور المالية والتعامل مع الغير .اسألي بطريقة مباشرة بدل ما تسألي هل انت متدين ممكن تسألي أسئلة عملية مثل كيف يقضي يومه ماذا يفعل في اوقات فراغه هل يساعد الناس أو يتطوع الأسئلة العملية بتكشف أكتر من السؤال المباشر.الملاحظة مع الوقت مهما كان الكلام عن الدين جميل الشخص المتدين يظهر تدريجيًا من أفعاله وتصرفاته اليومية علي مدي فترة قصيرة من الزمن احيانًا التجربة العملية والتواصل المستمر قبل الخطبة الرسمية تساعد علي تقييم مدي صدق الشخص.