السلام عليكم أنا أول سنه جامعة كان عندي أصدقاء من ٣ إعدادي إلى ٣ ثانوي وحرفيا اتعلقت بيهم كتير بس اتفرقنا في الجامعه والظروف دراسه وامتحانات وكدا مش مخليانا نحكي وهيك المهم اتعرفت على ناس جديده وكونت صداقه وهما حلوين جدا وبيحبوكي ولكن دايماً دماغي تجيب مقارنه بين الاتنين وكل اما نتكلم افتكر التانين واقعد أعيط عشان وحشني ودايما مكتئبه بقى
تاني حاجه أنا علشان أول سنه دراسه جامعتنا لازم نجيب فيها امتياز علشان نتأهل لقسم عالي علشان كدا معظم الوقت إذا مكنش كله قاعده في المكتب بدرس او في الجامعه المهم انا البنت ال كنت قريبه دايما لبابا وعلطول بستقبله واقعد معاه ونهزر وكدا الفتره دي امتحانات فأنا مش عارفه اعمل كدا امبارح جه من بره وانا كنت بدرس مروحتش استقبلته عكس اخويا الصغير راحله وفضل يقوله انه بنتك مجتلكش وانا جت لك وكدا فمن وقتها خاصمني وزعل لما خلصت مذاكره متعوده قبل ما انام اروح اشوفه وبعدين اروح انام وهو بيكون نايم اصلا علشان بخلص بليل متأخر فامبارح لقيته صاحي ومكنتش اعرف انه زعلان مني ومرداش يكلمني وقال لماما مدخلش الغرفه فمشيت قلت يمكن مدايق من حاجه تانيه وبرضو الصبح ومرداش يرد عليا قبل الامتحان وحرفيا رايحه طول الطريق بعيط علشان مش عارفه عملت ايه اساسا غلط ومش ركزت ولغايت دلوقتي الوضع كدا فاسفه على الاطاله وياريت تقولولي اعمل ايه علشان بجد تعبت
بصي حاولى انك تفصلي شويه بين الدراسه وعلاقاتك عشان يعني ممكن تتفقو مع صحابك القدام انكم تنزلو حتى لو ٢ ساعه في يوم اجازه تفصلو وتقعدو شويه حتى منه تشحنى طاقه نفسيتك للمذاكره وباباكى اتكلمى معاه وصالحيه وقوليله انك المذاكره ضاغطه عليكي وفهميه وقوليلو مش انت عايز تشوفني في مكان احسن وكدا واقعدى معاه بردو شويه صغيرين مهي الدنيا كلها مش هتبقا مذاكره بسس ما احنا بردو لينا حياتنا ومش هتاخدي غير إلى مكتوبلك ونصيبك في الاخر
تم النشر السبت، ٦ يناير ٢٠٢٤
كلها لغبطة الانتقال من مرحلة لاخرى هتعدى اول ترم بامتحاناته وهتبقى الدنيا والاحوال افضل باذن الله ابعتى لبابا رساله حلوه ولما يرجع احضنيه حضن كبير وهو هيصالحك ان شاء الله صحابك كل ما تفتكريهم بدل ما تزعلى ابعتيلهم رساله تفكريهم بحاجة حلوه وذكريات جميله ..بدل مل تزعلى هتفرحى ظروفنا بتغير مكاننا واحوالنا ..بس مكاننا فى قلوب بعض زى ما هو وده الاهم
تم النشر الجمعة، ٥ يناير ٢٠٢٤
وعليكم السلام ورحمة الله وبركاته .. بالنسبة لأصدقاء المرحلة الاعدادية .. ف أحيانا الحياة تأخذ البعض بعيدا .. وليس من الضروري ان يكون أحدا منكم مخطئ في حق الثاني. بالعكس .. الصداقة أنظر لها على انها رسالة .. سواء رسالة لكي او لهم. وهي ايضا ليست دائمة، كما كل شئ في الحياة، ليس ب دائم. ومقصدي هنا بالرسالة، أن الشخص الذي في حياتك موجود لسبب معين، ويبعث لكي شئ معين في هذه الفنرة، وربما انتي تكوني المرسلة له. ف لا تقارني أحدا بالاخر .. كل شخص لديه الرسالة الخاصة به، سواء لكي او انتي له. اما بالنسبة ل والدك .. اعذريه فهو متعود منك على شئ يحدث كل يوم، اذ لم يحدثك، ف ارسلي له رسالة .. تحدثي فيها عما حدث .. واعتذري منه، وقولي له انك لم تقصدي ان هذا شئ يحدث. قولي له ما تشائي.
تم النشر الأربعاء، ٣ يناير ٢٠٢٤
هيا سنة أولي بتبقي صعبة ف التأقلم مع الحياة الجديدة والتغيرات الي بتحصل ودي حاجه طبيعية جدا سواء صحابك او اهلك او دراستك، موضوع والدك اعمليله حاجه بيحبها لو شاي حتي واقعدي معاه ف ساعه صفا يكون رايق واتكلمي معاه واعتذريله وفهميه انك ظروف الدارسة وهكذا وهو هيبقي متفهم طبعا الموضوع سهل ان شاء الله ، اخوكي الصغير انت لما كنتي قده كان وقتك فاضي بالتالي متقارنيش نفسك بيه هو كمان لما يكبر هيبقي مشغول اكتر منك وعموما المقارنة مش كويسه ابدا وبتخلي فيه فتنه وحقد بين الأخوات ف خدي بالك، اما بقي صحابك ف عايزة اقولك ان صحاب الجامعة مهمين جدا وهما دول الي هيبقو معاكي طول سنين الكلية وهيهونو عليكي واكتر ناس هتبقي فاهمه وضعك لانكو بتمرو بنفس الظروف الدراسية، صحاب الثانوي حلوين وهيفضلو صحابك بس هتتقابلو كل فترة علشان دي الحياة بس متضايقيش نفسك هتتعودي اكتر السنة الجيه والاكتئاب هيروح ان شاء الله ربنا يفرح قلبك ويوفقك
تم النشر الجمعة، ٥ يناير ٢٠٢٤
لعرض السؤال في فدني اضغط هنا