انا زهقت من نفسى جدا لدرجة انى مش عارف بنافق نفسى ولا بعمل ايه
المهم عشان منبعدش عن الموضوع انا زى اى واحد متجوز مديون لطوب الارض المهم الى حد ما يعنى قبضى ممكن ميكفيش نص الشهر ومش عارف احوش عشان حتى اسدد ديونى اللى عليا وخايف اموت وعليا فلوس لحد
المهم واحد صاحبى كان بيتكلم على لعبة قدامى ممكن تكسبك فلوس المهم الشيطان لعب فى داغى وقالى جرب وفعلا كان باقى من مرتب ٤٥ حطيتهم وقولت اشوف اهى مش هتخسر المهم بقيت العب لحد ما كسبت حوالى ٢٠٠٠ وخسرتهم تانى فى نفس اليوم ومسحبتش منهم حاجة المهم بقيت احط فلوس والعب واخسر والعب واخسر كمان وبقيت زى متقولوا مدمن العبة وعارف ان مكسبها حرام فقول حتى ارجع الفلوس بتاعتى اللى خسرتها وكل يوم ممكن احط ١٠٠ او ٢٠٠ واخسر واقول لنفسى حرام عليك دى فلوس ولادك لازم تعينهم وتصرفها عليهم المهم بجاهد نفسى. حاليا ان اسيب اللعبة دى واقول عوضى على ربنا بقى فى اللى خسرته واحاول اجاهد نفسى لانى تعب جدا جدا
"صديق علي هيئة شيطان " انتي واعي موش محتاج حد يوعيك لوصفك له بذلك علشان كده اقطع علاقتك بالشيطان (ولا تتبعوا خطوات الشيطان) ما المقصود بقطع العلاقة ؟ اي منع الكلام ، الهروب منه ،إمسح رقم الموبايل بتاعة ، ممنوع تروح مكان هو بيقعد فيها ، انا عاوز من حضرتك خلال الفترة المقبلة اكانك مسافر بر البلاد لا تظهر علي الساحة ولا حد يعرف عنك حاجة وتبقي لدينا مشكله واحد ه هي سيطرة علي نفس والمجاهدة وعدم رجوع للخلف علشان كده انا عاوزك الفترة المقبلة تقرب من ربنا اوي وأي فلوس تجي معاك علي طول لا تنتظر ولا ساعه حتي..سد ما عليك فوراً ولو جاتلك فكرة إلعب انزل من البيت وطلع الفلوس إلا معاك واشتري بها حاجه للاولاد ورجع فرحهم بيها ، ومن نعم ربنا عليك قلة الفلوس اه دي نعمه علشان دا كافيلة انك تبطل والعكس غير صحيح. اسال الله العظيم رب العرش العظيم ان يشفيك 🌸🤲
تم النشر الأربعاء، ٨ نوفمبر ٢٠٢٣
استثمر وقتك ده فى اى شغلانه تانيه ..حتى لو توصيل طلبات السعى فى الاتجاه بتاع الشغل افضل وان شاء الله تسدد بيه ديونك سيب صاحب السوء ده لانه مش هينفعك بحاجة انسى فكرة اى حاجة سهلة فى الدنيا ..دى خدعة من الشيطان الحاجات السهلة بتيجى بتيسير من ربنا بس بعد ما تكون عييشت الصعب باجتهاد وجهاد منك وصبر انت عارف الطريق الصح ...متأجلش ولا تستضعف نفسك
تم النشر الأربعاء، ٨ نوفمبر ٢٠٢٣
طبعا سيب اللعبة ديه وفورا ... تعوض ايه؟ هل عايز تعوض علشان تكسب في الاخر فلوس حرام؟؟؟ ده اذا كسبت اصلا! ابعد عن اللعبة ديه ... ولو صاحبك ده حاول معاك وفضل يزن عليك قوله متجبليش سيرة الموضوع ده تاني، ولو فضل يزن عليك تاني بعد ما نبهت عليه ابعد عنه، لانه هيكون السبب في دمار حياتك.
تم النشر الأربعاء، ٨ نوفمبر ٢٠٢٣
ظهر جدا جدا اليومين دول ألعاب من خلالها تقدر تكسب فلوس وطالما مصدر الفلوس غير معروف ف دا حرام والفلوس اللي بتدخل بيتك حرام بحسها زي القمار كدا ، بكل بساطة امسح اللعبة وابدا مع نفسك من الاول وركز ف شغلك وعندك مقدرة انك تشتغل اي شغل جمب شغلك الأساسي اشتغل عشان بيتك ميتهدمش بسبب المصاريف الدنيا صعبة جدا وكل يوم الدنيا بحال ، ابدا مع نفسك من جديد وابعد عن اي شي انت عارف انه حرام عشان ربنا يباركلك في رزقك انامش دكتوره بس طبيعي اي حد يقدر يساعد بالكلام هيساعدك وربنا يوفقك ويوسع رزقك يارب
تم النشر الأربعاء، ٨ نوفمبر ٢٠٢٣
استعيني بالله واستشيري اخصائي نفسي
تم النشر الخميس، ٩ نوفمبر ٢٠٢٣
لعرض السؤال في فدني اضغط هنا