انا عندى وسواس قهرى وبخاف اتعامل مع الناس خصوصا البياعين وعايش مع والدتى وبرضو بخاف منها مشكلتى التعامل مع الناس مش بعرف اتعامل وخايف منهم
ابتدي انزل مع حد قريب منك واتعامل خفيف مع الناس وجرب في اكتر من مكان
تم النشر الأربعاء، ١٥ أكتوبر ٢٠٢٥
لازم تتحدى نفسك بس واحدة واحدة اقنع نفسك انو مش هيحصل حاجة مثلا كلم اي حد ايا كان هتلاقي بعد ما الموضوع بيخلص هتحس براحة وسيبك شوية من السوشيل مديا لان التعامل من خلف الهاتف جرأة عن انك تواجه فلازم تواجه الناس وتتعامل معاهم واحد واحد علشان تتغير العادة دي
تم النشر الجمعة، ١٩ سبتمبر ٢٠٢٥
كنت حاجة شبه كدة لحد اولى ثانوي تقريبا ... مشكلة اللي زينا كدة انه رغم انه جيد في التعامل مع دايرة معارفه لكنه سيء بمجرد الخروج من دايرة معارفه .... مشكلتي اني كنت في الأزهر ف كان صحابي عددهم قليل جدا ف كنت ف الفصل اتكلم معاهم لكن لما اخرج اخد دروس مشتركة مع العام مكنتش عارف اتكلم ولا كلمة ... بس الحمد لله كنت بعرف ألعب كورة ف فيه مرة واحد صاحبي قالي ان فيه حجز كورة وتعالى معانا ومن هنا بقى عرفت ف خلال فترة بسيطة اكتر من 20 واحد بحكم ان الكورة لعبة جماعية في حين اني كان شبه مستحيل اني اصاحب واحد بس جديد قبل لعب الكورة ف دايرة معارفي كدة بقت اوسع .... لما دخلت الجامعة حصلت نفس المشكلة لإن دايرة معارفي ف اولى جامعة هي صفر وفضلت لحد نص الترم الأول ع نفس الحال ده لحد ما سكنت سكن خارجي ف السكن اجباري زود دايرة معارفي وبدأت ألعب معاهم كورة ف عرفت ناس اكتر .... اكتر حاجة بتهلك الواحد مننا هو احساسه انه دايما متراقب وإنه لو غلط هيلاقي كل الناس بتضحك عليه ويستهزأوا بيه ف لازم تعرف ان اولا محدش مهتم وثانيا انت مش من المشاهير علشان تتراقب اصلا... حاول تدخل نفسك ف نشاطات رياضية .. اتعلم لعبة سهلة زي البنج بونج والعبها مع ناس غريبة ... روح جيم علشان تظبط جسمك وهناك اكيد هتلاقي ناس تتعرف عليها .... ممكن كل بوم علشان تكسر حاجز الخوف توقف واحد ف الشارع تسأله الساعة كام ... اي حد متعرفش اسمه قوله يباشا ويا مدير ... جرب حاجات جديدة انت مجربتهاش قبل كدة اصل هيحصل اي يعني لو تنحت ف وش بياع😅 ولا هيحصل حاجة ما انت شوف كام واحد بيتنح ف وش البياعين والدنيا بتمشي ف اكيد يعني مش هتيجي عليك وتقف... جرب كل حاجة دلوقتي علشان متندمش لما تكبر
تم النشر الثلاثاء، ١٦ سبتمبر ٢٠٢٥
مرحبًا يا علي أحمد، أنا ذكية هنا لمساعدتك بكل ود وفهم. موضوع التعامل مع الناس خصوصًا عندما تعاني من وسواس قهري ومخاوف هو أمر صعب ومقلق، وأنا أقدر صراحتك وجرأتك في مشاركة ما تشعر به. دعني أساعدك في تقسيم مشكلتك خطوة خطوة: فهم الوسواس القهري وتأثيره الوسواس القهري يجعل العقل يركز على مخاوف وأفكار مزعجة بشكل متكرر وغير مريح، وهذا قد يزيد من التوتر عندما تتعامل مع الناس أو في مواقف معينة مثل البياعين أو حتى مع والدتك. مشكلة الخوف من التعامل مع الناس خوفك من الناس مرده غالبًا عدم اليقين أو تجربة سابقة غير مريحة. الشعور بالتوتر من الموقف الاجتماعي أو التفكير في رد فعلهم قد يرفع مستويات القلق. الخوف من والدتك قد يكون مرتبطًا بطبيعة العلاقة أو التواصل بينكم، وهذا أمر يحتاج للصبر والفهم. خطوات عملية لتقليل الخوف وتحسين التعامل ابدأ بخطوات صغيرة: مثلاً تحدث مع شخص واحد بثقة بسيطة، تجربة التعامل مع بيئة أقل ضغطًا. حضّر نفسياً: قبل التعرض لموقف معين، حاول تخيل نفسك تتعامل بثبات وهدوء. استخدم جمل هادئة مع نفسك مثل "أنا قادر على التواصل بطريقة محترمة وبسيطة". لا تحكم على نفسك بقسوة، الأخطاء جزء من التعلم. اطلب الدعم من شخص تثق به، أو من خبير نفسي مختص في علاج الوسواس القهري، هذا مهم جداً لتحصل على وسائل علاجية فعالة. بالنسبة للخوف من والدتك حاول فتح حوار بسيط معها عن مشاعرك دون لوم أو توتر، أو اكتب لها رسالة تشرح فيها مشاعرك بشكل هادئ. أحيانًا يكون الخوف ناتج عن سوء تفاهم أو توقعات غير واضحة، والحوار الصريح يخفف ذلك. أهمية الاستشارة المهنية بما أن الوسواس القهري والتوتر الاجتماعي قضية معقدة ومتداخلة، أنصح بشدة أن تستعين بخبير نفسي أو معالج سلوكي يساعدك على إدارة الوسواس والخوف بشكل علمي وفعّال. يمكنك زيارة صفحة الخبراء في فدني https://www.fedni.net/experts للبحث عن طبيب نفسي أو أخصائي علاج سلوكي. أنا هنا معك، ويمكنك دائمًا العودة لطرح أي سؤال أو طلب دعم. ولا تنسى، التعامل مع الناس مهارة تتطور مع الوقت بالصبر والممارسة، وأنت قادر على التعلم والنجاح إن شاء الله. هل تود أن أساعدك في وضع خطة بسيطة يومية لتدريب التواصل الاجتماعي؟
تم النشر الأحد، ١٤ سبتمبر ٢٠٢٥
دا رهاب اجتماعي ممكن تروح لدكتور نفسي مفيهاش اي مشكله نهائي كلنا عندنا مشاكل محدش فينا سوي ميه ف الميه وكلنا بيجي يوم ف الايام ونتعرض لحاجه شبه كدا وفكك من كلام الناس اهم من كل دا.
تم النشر الأربعاء، ١٧ سبتمبر ٢٠٢٥
شوف دكتور يا استاذ علي نص البلد محتاجة دكاترة بس يخافو يتقال عليهم مجانين ...
تم النشر الثلاثاء، ١٦ سبتمبر ٢٠٢٥
قصدك رهاب اجتماعي مش وسواس قهري
تم النشر الثلاثاء، ١٦ سبتمبر ٢٠٢٥
بمر ب حاجه شبه كدا برضو ومش عارفه اي حلها
تم النشر الأحد، ١٤ سبتمبر ٢٠٢٥
لعرض السؤال في فدني اضغط هنا