السلام عليكم، ما دام واخدة قرار ومقتنعة إنه غلط فلازم تكوني حازمة في ثباتك وارفضي بلطف، ومش حرام لو رفضتِ ولا هيُعد عقوق للوالدين. أنتِ قلتِ إنك نزلتِهم في الآخر بس تنازلك مرة معناه هتتنازلي المرات الجاية كمان لو متكلمتيش مع والدك وفهمتِه بهدوء وصراحة، حتى لو مش مقتنع فأنتِ مقتنعة والأمر منتهي بالنسبة لك، وهو لو مصر يبقى عن طريق حد غيرك مش شايف مشكلة في الأمر. اختاري وقت يكون باباكِ مش متعصب او راجع مثلا من الشغل تعبان، وقت يكون رايق فيه واتكلمي بهدوء وعرفيه إن ضميرك هيفضل يؤنبك وهتفضلي تعبانة وحاسة بالذنب وإنك بتغضبي ربنا وهو أكيد ميرضاش لكِ تفضلي تعبانة بسبب حاجة متستاهلش. جربي كده وإن شاء الله خير.
يا مسهل الحال🫶 تسلميلي يا رب 🫶
تم النشر الأربعاء، ٢٨ يناير ٢٠٢٦
خيرًا إن شاء الله، انتي ادعي له دايما وافضلي حاولي.
تم النشر الأربعاء، ٢٨ يناير ٢٠٢٦
بحاول على قد ما اقدر بس والدي صعب شوية خاصة لو نشف دماغه على حاجة و انا بصراحة بزعل من اقل حاجة و دموعي سابقاني فما بقدرش اجادل🥲
تم النشر الأربعاء، ٢٨ يناير ٢٠٢٦
مش عارفة بصراحة، بس خليكِ أعند منه عادي، ومش عند بعصبية أو إنه يوصل له منك إحساس إنك عارفة ربنا أكتير منه أو كده (الناس ساعات بتتحسس من النصائح الدينية عشان بيحسوا كده)، خليكِ مصرة على رفضك لأي حاجة شايفاها غلط بلطف وحاولي مرة واتنين وعشرة لحد ما يقتنع أو يزهق من الكلام معك.😅 المهم أصري على موقفك وادعي له كتير، وإن شاء الله ربنا يلين قلبه ويسمع كلامك. حاولي مش هتخسري، وربنا يوفقك. 💚💚
تم النشر الأربعاء، ٢٨ يناير ٢٠٢٦
المشكلة انه عنيد جدا يعنى حاولت معاه مرة اقول له انا بقتش انزل اغاني علشان حرام و ما ينفعش و لغيت المتابعة من المغنيين و مش متابعاهم خلاص. و مرة اقوله طب خلينا نبتدي نشيل الموسيقى. بس هو مش مقتنع نهائي لدرجة انه قال لي انا اللى هشيل ذنبها مش انت! و مفيش حد غيري في البيت يعتبر بيفهم في الحاجات دي. دا مرة سبت الفلاشة في البيت و احنا كنا في الطريق بعد ما بعدنا عن البيت شوية حلوين بابا افتكرها و سألني عليها و قلت له سبتها قام مزاعق لي و رجعنا تاني و ما رضاش يمشي إلا لما طلعت جبتها🥲
تم النشر الأربعاء، ٢٨ يناير ٢٠٢٦
لعرض الإجابة في فدني اضغط هنا