السلام عليكم ورحمه الله وبركاته
جماعة بالله عليكم قولوا لي اتصرف ازاي علشان تعبت
انا والدي عايزني انزل اغاني و احطها على فلاشة العربية و انا كذا مرة اقول له ان الاغاني حرام و انا ما بقتش اسمع اغاني و كده بس هو مش مقتنع
و انا مش عايزة انزلهم طبعا علشان احنا خمسة فهاخد علينا ذنوب 😅
و لو قلت له لا بيتعصب عليا فمش عارفة ايه الحل
السلام عليكم، ما دام واخدة قرار ومقتنعة إنه غلط فلازم تكوني حازمة في ثباتك وارفضي بلطف، ومش حرام لو رفضتِ ولا هيُعد عقوق للوالدين. أنتِ قلتِ إنك نزلتِهم في الآخر بس تنازلك مرة معناه هتتنازلي المرات الجاية كمان لو متكلمتيش مع والدك وفهمتِه بهدوء وصراحة، حتى لو مش مقتنع فأنتِ مقتنعة والأمر منتهي بالنسبة لك، وهو لو مصر يبقى عن طريق حد غيرك مش شايف مشكلة في الأمر. اختاري وقت يكون باباكِ مش متعصب او راجع مثلا من الشغل تعبان، وقت يكون رايق فيه واتكلمي بهدوء وعرفيه إن ضميرك هيفضل يؤنبك وهتفضلي تعبانة وحاسة بالذنب وإنك بتغضبي ربنا وهو أكيد ميرضاش لكِ تفضلي تعبانة بسبب حاجة متستاهلش. جربي كده وإن شاء الله خير.
تم النشر الأربعاء، ٢٨ يناير ٢٠٢٦
إنتي في الطريق الصح ما تقوليش لأ بشكل مباشر لكن ممكن تقوليها بالطريقه يعني طنشي ولا طاعه لمخلوق في معصية الخالق ولو اتعصب عليكي اثبتي الثبات هو أنضج حل لكن لو فضلتي تبرري وتقولي حرام وإنتي عارفه إنه مش هيقتنع هيشوفك ضعيفه
تم النشر الثلاثاء، ٢٧ يناير ٢٠٢٦
وعليكم السلام ورحمة الله وبركاته يا حبيبتي هبيبة 💕 أولاً، الله يعينك ويصبرك، ده موقف صعب بس أنتِ ماشية صح تمامًا في رفض الحرام، والبر بالوالدين ما يعنيش الخضوع للمعصية (زي قوله تعالى: {وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا}، بس مع الحفاظ على حدود الشرع). الحل العملي خطوة بخطوة: اختاري وقت هادئ : اجلسي معاه بلطف وقوليله: "يا بابا، أنا بحبك جدًا وبحترم رغبتك، بس الأغاني حرام وأنا خايفة على ديني ودينكم كلكم. خليني أحطلك قرآن كريم أفضل، هيشرح قلبك ويدخل السيارة بركة؟" (هيكون بديل حلو ومش هيحس بالرفض). لو اتعصب : ردي بهدوء "حاضر يا بابا، هفكر في الأمر"، بس ما تنزليش الأغاني. اصبري عليه وادعي له في سجودك: "اللهم اهدِ والدي ويسر له الهدى". أنتِ قوية وماشية في الطريق الصح، والصبر مفتاح الفرج 😊. لو عايزة نصائح أكتر، شوفي الخبراء هنا: https://www.fedni.net/experts. ربنا يهدي قلب أبوكِ ويجعلكِ من البارّات. تقبل الله توبتكِ! 🌸
تم النشر الثلاثاء، ٢٧ يناير ٢٠٢٦
عليكم السلام ورحمة الله وبركاته ـ قال تعالى : وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ وقال رسول الله ﷺ : مَن دعا إلى هدًى كان له من الأجر مثل أجور مَن اتَّبعه إلى يوم القيامة، لا ينقص ذلك من أجورهم شيئًا، ومَن دعا إلى ضلالةٍ كان عليه من الإثم مثل آثام مَن اتَّبعه إلى يوم القيامة، لا ينقص ذلك من آثامهم شيئًا. ولا طاعة لمخلوق في معصية الخالق وإن حدث جدال جادلي بالتي هي أحسن لعله يهتدي للقول ويصرفك عن هذا الفعل لكن مهما حدث في الامر لا يوجد رخصة لفعل هذا ابدا. اسأل الله السلامة والعافية
تم النشر الأربعاء، ٢٨ يناير ٢٠٢٦
@Dareen 🌷 هحاول على قد ما اقدر جزاك الله خيرا 🫶
تم النشر الجمعة، ٣٠ يناير ٢٠٢٦
لا طاعه لمخلوق في معصية الخالق
تم النشر الأربعاء، ٢٨ يناير ٢٠٢٦
@dada dyaa بحاول على قد ما اقدر و الله المستعان
تم النشر الأربعاء، ٢٨ يناير ٢٠٢٦
وخيرا جزاك الله.
تم النشر الأربعاء، ٢٨ يناير ٢٠٢٦
هو والدي شخص كويس بس ساعة العند بيبقى الموضوع صعب شويتين تلاتة كده
تم النشر الأربعاء، ٢٨ يناير ٢٠٢٦
@محمد احمد ما شاء الله تبارك الرحمن 🥹 انا بحاول على قد ما اقدر بجد ادعولي
تم النشر السبت، ٣١ يناير ٢٠٢٦
زي بس مع والدتي كانت عايزاني انزل اغاني رفضت بس باسلوب هادي وقلت لها ليه وكدا فخلت بنت عمي تنزلهم ومن قيمة اسبوع اللهم بارك قالت لي امسح كل الأغاني. ما دام انتي عرفتيه وتبريتي من الاغاني خلاص كدا معلكيش اثم بإذن الله ووالدك بإذن الله ربنا يهديه من الاغاني وبعد فترة يبعد عنها
تم النشر السبت، ٣١ يناير ٢٠٢٦
@Abdullah Man هحاول بردو كده و ربنا يسهل. ادعولي بس و جزاك الله خيرا
تم النشر الجمعة، ٣٠ يناير ٢٠٢٦
ببساطة المفترض انك تصبري ومتحمليهاش ... وده في صالحه
تم النشر الجمعة، ٣٠ يناير ٢٠٢٦
الاهل غالبا مش بيحبوا ولادهم يقولوهم لا فانتي لو قولتي لا هيعند اكتر. فمثلا في موقف زي ده قوليله مش بعرف يا بابا للأسف واضحكي وحاولي تجيبي الموضوع بضحك وهو هيطنش
تم النشر الجمعة، ٣٠ يناير ٢٠٢٦
@Asma mohamed تمام هحاول معاه مرة تانية و خير ان شاء الله. جزاك الله خيرا 🫶
تم النشر الخميس، ٢٩ يناير ٢٠٢٦
وعليكم السلام ورحمة الله وبركاته ربنا يهون عليكِ 💙 أولًا إنتِ مش آثمة طالما إنتِ رافضة الفعل ومش عايزة تنزّلي الأغاني، فالذنب مش عليكِ. والقاعدة الشرعية واضحة «لا طاعة لمخلوق في معصية الخالق» يعني حتى لو الأب، لا يجوز تنفيذ شيء إنتِ شايفاه معصية. و الغضب مش معناه إنك غلطانة تعصُّبه أو زعله ده ابتلاء ليكِ، مش دليل إنك غلط. إنتِ مأمورة باللين والاحترام، مش مأمورة بالمعصية. وبدل “لا” المباشرة اللي بتستفزه، جربي أسلوب أهدى: قولي له مثلًا يا بابا أنا بحبك ومش قصدي أزعلك، بس الموضوع ده مريحش قلبي، خلّيني أبقى بعيدة عنه، حد غيري يعمله. أو: أنا بقيت متشددة على نفسي في الحاجات دي، ومش قادرة أعملها حتى لو بسيطة من غير محاضرات، من غير كلمة حرام كتير لو هو بيتضايق منها، خليه شعور شخصي. لو أصرّ وغضب اثبتي على موقفك بهدوء اعتذري عن الزعل مش عن المبدأ يعني حقك عليّ لو زعلتك، بس مش هقدر أعمل الموضوع ده وربنا شايفك ومُقدّر تعبك الموقف ده طاعة وجهاد نفس، وربنا لا يضيعها أبدًا. يمكن زعله لحظي، لكن رضا ربنا أبقى وأعظم.
تم النشر الأربعاء، ٢٨ يناير ٢٠٢٦
@Abdullah Man قلت له في مرة ما بقتش اسمع اغاني علشان حرام و كنت قولت له في مرة نجرب نشيل الموسيقى منها محاولة اني اخليه يسيب الاغاني بالتدريج بس الموضوع فشل مع الاسف
تم النشر الأربعاء، ٢٨ يناير ٢٠٢٦
@Abdullah Man حاولت كذا مرة انبهه لكنه مُصر لدرجة انه ما نامش لحد ما اتأكد اني نزلتهم🥲 و نبهت بابا اني متبرية منها بس انا لسه حاسة اني متضايقة بردو
تم النشر الأربعاء، ٢٨ يناير ٢٠٢٦
حاولي بطريقه حلوه وربنا يهدينا جميعا
تم النشر الأربعاء، ٢٨ يناير ٢٠٢٦
لا طاعة لمخلوق في معصية الخالق ... عدم وضع الأغاني هو في مصلحته في الدنيا قبل الآخرة فهذا خط أحمر فاعتذري بأدب
تم النشر الأربعاء، ٢٨ يناير ٢٠٢٦
الله المستعان بجد متشكرة لحضرتك جدا جزاك الله خيرا
تم النشر الأربعاء، ٢٨ يناير ٢٠٢٦
علي كل حال اسأل الله له الهداية وضعي قرآن ايضا حتي عندما يشتغل القرآن ينحرج ولا يغيره للأغاني والحل الوحيد هو ان تدعي الله ان يهديه وتبغضي فعله هذا وانكري بقلبك واصبري على ما اصابك ولك الأجر عند الله. استعيني بالله
تم النشر الأربعاء، ٢٨ يناير ٢٠٢٦
و حاليا انا بحاول ما اركزش مع الاغاني مثلا اني ادور على ناس محتاجه مساعده هنا او العب العاب خفيفة كده زي السودوكو مثلا و الله المستعان 😅
تم النشر الأربعاء، ٢٨ يناير ٢٠٢٦
@أَحْمَدُ بْنُ رَمَضَانَ انا حاليا نسيت السماعة الحمد لله رغم اني دايما باخدها معايا بس خير😅 و قلت لوالدي فعلا ان الاغاني حرام بس هو منشف دماغه خالص و مش عايز يسمعني و لو ما نزلتش الاغنية اللى هو عايزها مثلا ممكن يتعصب علينا و يقلب علينا الترابيزة زي ما بنقول كده و طبعا دا بيكون مؤذي لوالدتي و اخواتي و مش بيرتاح الا لما بيتأكد اني نزلتها لاني كذا مرة كنت اطنش فهو عرف مع الاسف
تم النشر الأربعاء، ٢٨ يناير ٢٠٢٦
اذا كان معك سماعة خاصة بك تسمعي قرآن بحيث تفصل سمعك عن الاغاني. ـ قولي له ان الاغاني حرام بشكل مباشر وانه اذا كان لا يريد انه يبطل يسمعها بلاش يشيلك ذنب مساعدته ويعمل هو الاغاني هذه ـ اذا اهتدي فلنفسه واذا لم يهتدي فعلى نفسه ويحمل وزر نفسه واستعيني بالله واصبري ولك الأجر واطلبي من الله الثبات على الحق.
تم النشر الأربعاء، ٢٨ يناير ٢٠٢٦
و دا مع الاسف مخليني انا نفسي لما بابا بيشغل الاغاني في العربية ساعات غصب عني بندمج مع اغنية كنت بحبها زمان و دا مضايقني بردو
تم النشر الأربعاء، ٢٨ يناير ٢٠٢٦
@أَحْمَدُ بْنُ رَمَضَانَ اعتقد انه عارف لان كنت قلت له في مرة ما بقتش اسمع اغاني علشان حرام و كنت قولت له في مرة نجرب نشيل الموسيقى منها محاولة اني اخليه يسيب الاغاني بالتدريج بس الموضوع فشل. ففي الآخر قلت لبابا انا متبرية منها
تم النشر الأربعاء، ٢٨ يناير ٢٠٢٦
علي اي حال اذا تم اجبارك استغفري الله واعتقد ليس فيها شيء المكره ليس عليه شيء لكن السؤال الاهم هل والدك يتعمد اجبارك علي هذا وهو يعلم حرمانية هذا! إن كان هكذا ففهي كلام ليس بالقليل اذا كان عنده علم فعلا.
تم النشر الأربعاء، ٢٨ يناير ٢٠٢٦
@أَحْمَدُ بْنُ رَمَضَانَ حاولت كذا مرة و هو مُصر بردو دا لدرجة انه ما نامش لحد ما اتأكد اني نزلتهم🥲 انا غيرت في صيغة الاغاني من mp3 لwav يمكن ما تتقريش في تسجيل الغربية و نبهت بابا اني متبرية منها بس انا لسه حاسة اني متضايقة بردو
تم النشر الأربعاء، ٢٨ يناير ٢٠٢٦
لعرض السؤال في فدني اضغط هنا