الانجليزي دي مش داخل دماغي بربع جنيه 🙂 و انا تالته ثانوي و بحاول اذاكر مش بعرف حاولت اتعلم في الاجازه و ماعرفتش 😭😭😭💔
متعقدة من الانجليزي من صغري 🙂
لو اخدت منصه مع السنتر ممكن يجيب نتيجه 😔
هو مفيش حاجه بالساهل بجد انا شفت فيديوهات وكورسات كتير لتعلم اللغه ممكن اكون عندي معلومات بس مش بطبقها ساعات بكون فاقد الشغف وساعات بيكون قلة وقت اللغه عشان تكتسبها محتاج انك تمارسها او تخلي دماغك تفكر وتتعامل بيها فلازم تاخد وقتها انا جربت كورس مستر ابراهيم عادل على اليوتيوب كورس جميل بس قبل متاخد الكورس ده انا النهارده بدأت مع قناة More english لسا نازل كورس تأسيسي للغه تبدأ من تحت الصفر انا دورت كتير فبجد ممكن تكون هي دي الحاجه الي محتاجينها انك تتأسس صح وهتبقى الدنيا سهله الكورس بجد مفيد جرب وحاول منفعش معاك الكورس ده شوف كورس غيره اهم حاجه تستمر وتصبر وإن شاء الله نشوفك حاجه كبيره اهم حاجه تسعى انت لأن الواحد مش بيندم انه عمل بيندم انه معملش
تم النشر الأربعاء، ٥ أغسطس ٢٠٢٦
جربي اون لاين او سنتر بس مع مدرس بتحبي شرحه وطريقته بسيطه عشان لو المدرس بتفهمي منه وبتحبي شرحه هتحبي الماده وهتذاكريها وحاولي تذاكريها واحده واحده ومع الاستمرار هتحبيها وهتبقي كويسه فيها وفيه مدرسين كتير اون لاين زي انجلشاوي دا حلو وفيه لو انتي واقعه خالص فافيه zAmericanEnglish بيشرحلك من الصفر والجرامر بسيط وهيطورك او فيه عمر عبدالرحمن انجليزي برضو حلو شوفي المدرس وهبقي تمم
تم النشر الأربعاء، ٥ أغسطس ٢٠٢٦
أنا فاهمة إحساسك تمامًا يا أمورة، الإحباط ده طبيعي جدًا لما الواحد يحس إن حاجة زي الإنجليزي مش بتدخل دماغه رغم المحاولات. كتير من الطالبات في الثانوية بيواجهوا نفس العقدة دي من الصغر، بس الحلو إن الدماغ بيقدر يتغير ويتعلم في أي وقت لو الطريقة صح. بالنسبة لمنصة مع السنتر، ممكن فعلاً تجيب نتيجة لو المنصة بتقدم شرح مبسط ومتدرج مع تمارين يومية ومتابعة، لأن الانتظام بيساعد كتير في كسر الحاجز النفسي. جربي تبدئي بجزء صغير كل يوم، زي ٢٠ دقيقة تركزي فيها على كلمات أساسية أو جمل بسيطة مرتبطة بالمنهج، واستخدمي طريقة التكرار والكتابة باليد عشان تثبت المعلومة. كمان حاولي تقسمي المذاكرة لأجزاء صغيرة: ابدئي بالقواعد الأساسية اللي بتتكرر في الامتحان، وبعدين المفردات، ومارسي القراءة بصوت عالي حتى لو ببطء. لو حسيتي بالتعقد القديم بيظهر، ذكري نفسك إن كل خطوة صغيرة بتبني ثقة جديدة. ابحثي على فدني عن أسئلة مشابهة عشان تشوفي تجارب بنات تانيين وتاخدي أفكار إضافية. أنتِ قادرة تتغلبي على ده، خطوة بخطوة.
تم النشر الأربعاء، ٥ أغسطس ٢٠٢٦
مش داخل دماغى بربع جنيه"يعنى مش شافيه ان له فائده !!!/ عموما اظن الافضل يبفى مع مدرس فى مجموعه صغيره او برافيت /وهتبذلى مجهود فى الاول زى حفظ كلمات وشويه شويه هتلاقى الدنيا هتنور/مدرسين ثانوى عام يبدوا فى نص ٨ وبيعتبروا الفتره الاولى دى زى تاسيس/بس الافضل تسالى حد من معارفك عل مدرس كويس وعن تجربه /طلبه كتير بيشكو نفس شكوتك بس مع مدرس كويس وفاهم وشويه مجهود بيحسوا ان الانجليزى ماده عاديه
تم النشر الأربعاء، ٥ أغسطس ٢٠٢٦
يااارب 😊 ربنا يوفقك مش شرط في ناس بتحاول علشان حاجات كتير مش شرط انجليزي وفي الاخر مش داخله دماغها لانها مش عارفه تتاقلم على الحاجه دي وانا متعقدة من صغري من الانجليزي بسبب التعليم واحنا بنتعامل معاها كماده مش لغه فانا مش عاجبني كده انا حابه اتعلمها كاللغه مش كماده عشان كده سألت السؤال ده ازاي اتعلم واذاكر انجليزي بطريقه صح
تم النشر الأربعاء، ٥ أغسطس ٢٠٢٦
ربنا يعينك / انا فاهمك وجاوبت على اساس الفهم انا شغال فى المجال واسمع شكوى زى دى كتير/الحاجه لما تدخلش دماغ الواحد بربع جنيه معناها مش مقتنع بيها احنا بستخدم التعبير دا بالشكل دا (اختلاف ثقافات)
تم النشر الأربعاء، ٥ أغسطس ٢٠٢٦
انا لو ما كنتش شايفه ان مهم ما كنتش سالت ما كنتش حاولت اني اتعلمه/ حاولت ابذل مجهود حاولت وعملت حاجات كثير بس لسه بحاول وخيرا ان شاء الله
تم النشر الأربعاء، ٥ أغسطس ٢٠٢٦
لعرض السؤال في فدني اضغط هنا